Matyu 15:22 - Wantoat

²² Siwan Jesuta keu wakomune kundopan keu komdu umana Kenan ngang yakaing. Wakomune nana maya tapatuta apu anzing inikut, “Buyambamtapa. Bamin Devitdane dongane aakuyak kapa ga. Nae butaya natapso. Waung waita natane yapana tapan yapanata mainggak,” ngang inikut.

Matyu 15:22 ပူးပေါင်းရင်းမြစ်များ

Lotutane Kap Taknga 4:1

Anutu, gata natane Anutu noman sikngaapanin. Nata musipmaatang meya siknga nataat. Sike nata ga gatangamiyakge natake gae ganiwa gata nae wam natake gatangamuyo. Gatangamuke gata na musipmane meya nataat taknga sandekngamuyo. Sandekngamuke gata nae musip kwikwik natangamuke tumuk wamae maak papso.

Lotutane Kap Taknga 45:12

Sike aminu Tair yotbam gapmane nanata sanga kundu gae gamunangge pakapning. Ngan, sanganambambanu waakwakge gata musip gwaang natayamiyakge sanga sanga gae gamuning.

Lotutane Kap Taknga 6:2

Buyambam tapa, na kekekngana wena singgak. Unzingge gata nae butaya natapso. Natane gupma tuyuknga siknga singgak. Ge gata na tasiwi take gatu yuwit.

Matyu 1:1

Sike aminu aakwau Jesu Kraisdane bamnatane umana. Jesu Devit tupa siknga kumbut tapatane donga, siwan Devitda Ebraham tupa siknga kumbut tapatane zakngi.

Matyu 15:23

Iniwan ngana yake dua inikut. Dua iniwan kake Jesutane pandetnata apu kekeknga anzing inikumang, “Maya waapata asinggan niwayuk nininggakawan natapna meya singgak. Siwan initewi kuwan,” ngang inikumang.

Matyu 17:15

anzing inikut, “Buyambamtapa. Gata natane waakngae butaya natangamuyo. Datdaptake kumnangge singgak kakngata tasiwan gupna wai siknga singgak. Sike tapduk tapduk katapatang gatu yanggaatang ngang pimanggak.

Matyu 4:24

Yanike sandeyamuwawan natake wam yatakuwawa Siria kep komune kuut tawamban sandewan aminbamu maitna inata inata sikingu ie pakapbing. Tokngabam paking amin gatu waung waita papan datdaptaking amin gatu aminu apimake kumzang yamukaing amin gatu aminu kwatai gatukande kupsa amin ngang ie pakapa pasiyaman take siking.

Matyu 9:27

Siwan Jesuta you wanggapma teke kuwawan aminu kai wai siya tapaata tawayuk anzing yanggamatakumayak, “Ga Devitdane dongane aakuyak kapa. Nitde butaya natanimuyo,” ngang inikumayak.

Wamu Takeaknga Lukga Matakut Taknga 17:13

Kawan waakwakga inengan yuke kumzang anzing iniking, “Jesu! Buyambam tapanin! Ninde butaya natapso,” ngang iniking.

Wamu Takeaknga Lukga Matakut Taknga 18:13

“Yawawan aminu takis papsa aminu waiaknganae baniane meya siknga natake tumuk wam yakaing komune dua yuke maya yuke tumuk wamu anzing yakut, ‘O Anutu. Na waiakngana asinggan tasinggat ngana banipbaatang toknga ma natangamim,’ ngang inikut.

Wamu Takeaknga Lukga Matakut Taknga 6:18

Wa aminu apuke ie wam natapnangge apbing. Apa kundu maitna sandeyamikge apa aminu waung wai takwakga papa datdaptakingu pasiwan take siking.