Matyu 15:13 - Wantoat

¹³ yake tuwang wamu takngatu anzing ninikut, “Natane Nana enandang yuke puyanaatang sangabamu ina dua kwaiwan ina akokaingu ita muyakngi buyak atziwik.

Matyu 15:13 ပူးပေါင်းရင်းမြစ်များ

Lotutane Kap Taknga 92:13

Noman aminu waakwau Buyambam tapatane yot gwekatang katau gwa kwaiwan yuking binga yutning. Katau wa dakandaka Anutunindane yotnaatangu take siknga akokaing.

Matyu 15:12

Yaniwan natake ninu pandetnata kuku anzing inikumang, “Wamu waaknga yawi natake Ferisi aminda gae musia toknga nataaing. Ga gwa natayak ba dasing,” ngang inina

Wamu Takeaknga Jonda Matakut Taknga 15:1

Siwan Jesuta wamu takngatuat anzing ninikut, “Nau wain takngae toikngata kake kainga tapatuta buyana dua aawan kake apmatawik. Siwan kainga tapatuta mamaya siknga siwan buyana katak dua aawan kake matawan somasoman sike buyana buyambam wesim aatning. Ina unzakan Nanata nau wain takngae toiknga binga. Siwan na nau wain taknga binga. Siwan natane aminabamda kainga binga. Siwan kainga tapatuta buyana dua aawan ba mamaya siknga siwan Nanda apmatawik.

Wamu Takeaknga Jonda Matakut Taknga 15:6

Kainga kunduta buyana dua aawa kake toikngata matake muban kuke kupia siwa butuke katapatang muban yasining. Ina unzakan aminu tapatuta nae asinggan dua natanggamatawanu inikwasiwan kuwan wai siwik.

1 Korin 3:9

Ina unzakan niu puya amin notna dakngake Anututane puya pasikamak. Siwan aminda puyane kuke nanam zak yapukaing. Ina unzakan nitda puya tasitakuwatda Anututa pasiwan buya aawan ginda itane aminabam dakngake yuaing. Siwan ginu Anututane yotna binga. Ita ina mitanggak gwen binga dakngake yuaing.

Pas Jutda Matakut San 1:12

Siwan tapduknga kayane notza unekan apa notzaat musip gwaang natake nanamza nakaing gwene wa aminda gindane pauu wagwene koke ginda dua gwauke nanamu gikat nakaing. Gikat gatake yuke inaekan natanggamatake kumzang napa ginda notzae natayuk nakaing binga dua napa kawa wai singgak. Siwan gunzitda tapdukbam yuke nanam ba zonga kuupbam zipan kupa kake minga zikaata apan sopa tananggenggak ngang yakaing. Ngana gotda puyapan unda undang kuwa sopa dua tawan sopa tanangge kem siknga yakaing. Ina unzakan. Aminu waakwakga kem wam danike panzikaing. Siwan gatu katau buya atnapsa dakatuta buya dua aake songa daka siwan kakengu toikngata katau wandaka akwaiziwik. Kwaizike muban kuke undang yusika kupiawik. Ina unzakan. Aminu waakwakga kem wam danikaing kaknganata buya dua aake songa siwik.