Matyu 12:20 - Wantoat

²⁰ Siwan aminu tapatuta pimanangge dapaknga siwan komam tapatu apaa siknga puwa yuak kapa binga kake gatukande dua putdakngawik. Sike lamdane wik kaknga kundusim isinggak kaknga binga kake gatukande dua tangutapan kupik. Ita unzing atasiyuke tasinggawan wamu noman siknga akngata enake ayapbimbik.

Matyu 12:20 ပူးပေါင်းရင်းမြစ်များ

Lotutane Kap Taknga 147:3

Ita aminbamu apasiwan nomatakaing. Unzing meyata natdetdetna pasiwan maikaingun. Gatu watana kuut wamayamunggak.

Lotutane Kap Taknga 51:17

Ayok, Anutu! Nata ninae natapa epan nata gae gepbiatang koyuwit. Sike wa natane yamuyamuk takngana binga. Na atnataat. Gata aminu tapatuta inane waiaknganae meya natake umana inane aknga natapan epik. Natapan epan kake gata wa apae masa dua siknga imiyak.

Matyu 11:28

“Siwan mama wam nangaakan pasike kwatan siknga natapsa aminu kuupbam natane gepbiatang akopnong. Akopa nata gatandama ginu yuwatakanong.

Matyu 11:7

Yaniwan natake kuwana Jesuta aminbamu Jonde anzing yanikut, “Tupa ginu keu amina wena komune kuke ginda sanga mina binga kanangge kuking? Ba ginda kuke komamu tapatu gotda puyapan saa siwan sanga yumdekanu waaknga kanangge kuking ba dasing? Wena.

Wamu Takeaknga Lukga Matakut Taknga 4:18

“Anututane Waung Kapata kekekangaman nata wamu takeaknga sangaapana wena aminde yaniwitde na nanikut. Nanike anzing yaniwitde nanitewan kukum. Siwan kai wai siya aminu kaina take siningge yaniwit. Siwan take apata meya wam yaman pake yuaing amin gatayamuke sandeyama kuningge tasiwit.

2 Korin 2:14

Siwan ngana nata Kraisde gepbiatang yuwawa Anututa na gatangamuke nanitakuwan take siknga kunggat. Kuwawa Anututa na nanitakuwan kuke puyana pasiwa buya asaakgak. Buya aawan itane wamnata keu kuupbam tawamban sandekgak. Unzing kapanga take siknga akngata keu kuupbam tawamban sandewan aminu buyambamda natake apbaknganing binga Anututa gatangaman itane wamna yanitakuke tasinggat.

2 Korin 2:7

Ateke waiakngana sandekngamuke itane musipna tasiwa kwikwikngata yuyok. Musia meya ita nataak kakngata buyambam siknga sike tasiwan maiwanu take dua siwik.

Wamu Jonda Mia Kake Matakut San 6:2

Siwan nata kake ikwawa gamanu hos ngang yanikaingu kwaknga gwendu kakum. Sike aminu hos wagwendane masene pukwikut tapata kweemu dakatu take yukut. Yuwawan aminu tapatuta apuke kupna dakatu aminu iwana ayapbiba yamunanga daka ie imukut. Iman take gwapuke aminu waapata aminu iwana ayapbitnanga tapatu binga dakngake ita kuke iwana ayapbike tasikut.