Matyu 11:29 - Wantoat

²⁹ Na musipma kwikwikngata yuke puya meya dua damit.

Matyu 11:29 ပူးပေါင်းရင်းမြစ်များ

Lotutane Kap Taknga 116:7

Ge apmanu nata musipma kwikwiknga natake yuwatakawikge nataat. Dasingge? Buyambam tapata na take siknga nanduyuak.

Lotutane Kap Taknga 131:1

Buyambam tapa, na yamandet taknga tasikumu gwa teke musipmaatangu umana nina dua yatangenakgat. Aho, na aminu kundue natapa moo aminu unin ngangu dua nataat. Siwan na natdetdet buyambam pakaing aminda nataaing kaknga binga na dua nataat. Dua natake sanga nangaakande dua nataatde kuut ina unzakan.

Matyu 17:5

ngang yayuwawan undang yuking aminu minga kwaknga dakatuta apu wamakusikut. Wamakusike yuwawan minga wandakaatangga wamu takngatu Anututa anzing yawan natapbing, “Waapa natane waaknga. Waapae na musipmaatang apbaknganggat. Na i kawa take siknga singgak. Siwan ginda itane gen gwaamutnong,” ngang yawan natapbing.

Matyu 21:5

“Ginda aminu you Saion gapmanenana anzing yaninong, ‘Kanong! Buyambam tapasata ginde apunggak. Ita inane umana dua tangenakgak kapa dakngake ikwawa gaman gwene engatangan pukwike apunggak. Ita engatangan ikwawa gaman sangaapa papsa gwene pukwike apunggak,’” ngang yanikapsa aminda yakut taknga buya unin aakut.

Matyu 28:20

nata wamu gwan danindamukum taknga kuupbam natake tasiningge yanindamutnong. Siwan unzing tasiyuk naat gikat gatake asinggan asinggan yuwatna kuku tapduk ayuamang gwenu sandewik kopatang unekan yutnim,” ngang Jesuta ninikut.

Matyu 7:24

“Sike mamin amindaka nata wa daninggat taknga natake tasikengu ita anzing binga dakngawik. Aminu tapatu natdetdetna nomanaapa binga. Siwan ita yotna supda tepan kusiwan mitapbut.

Wamu Takeaknga Lukga Matakut Taknga 8:35

Natake aminbamda wa sikut taknga kanangge kuking. Jesue kuke aminu waapa kawa waungu waiakwakga gwa teke kukinga kaking. Kawawa tauknga tamake natdetdetna anggaman siwan Jesuta yukut komune inengan kepine yuwawan kake akgwauking.

Wamu Takeaknga Jonda Matakut Taknga 13:15

Nata kepi ginde yeutdamunggat. Ge gikaya kepi waakngakan nata ginde tasindamunggat binga tasinong.

Wamu Takeaknga Jonda Matakut Taknga 13:17

Ginu wamu waaknga natake ginda kepi atasindamunggat taknga tawake tasikengu ginu apbakngake yutning,” ngang ninikut.

Aposel 7:37

“Siwan Mosesda sipdune anzing yanikut, ‘Anututa naniwan itane wamna danikapmanggat tapa dakngake yuat. Siwan ina unzakan Anututa gikat nana tapatu apmea iniwan ita enake Anutue wam danikapsaapa dakngawik,’ ngang yanikut.

1 Korin 9:21

Sike aminu kepman nana Mosesdane mama wamde gepbiatangu dua kopbing amin panangge natake nata sanga wa aminda nae semna natapning kaknga teke puya tasinggat. Unzing tasinggat ngana nata Anutue gen gwaamutnangge dua bitanggat. Aho. Nata Kraisde gepbiatang yuke tasinggat.

2 Korin 10:1

Siwan aminu gikat nana kunduta nae natake anzing yakaing. Ita ninde apuke nikat gatake yukengu ita ninde puya wepda tasinimuke wamu yanggak ngana nin nipmake maa kuke yukengu ita wamu kekeknga ninde nimunggak ngang yakaing. Siwan ngana nata gin daninangge natake musip kwikwiu Kraisda aminde natake wepda tasiyamukut taknga tawake nata wamu takngatu daniwa natapnong.

2 Korin 10:5

Tasike natdetdeu gutonga aminda kem nataaing kaknga nata yaitapaakusinggat. Ngan. Nata wamu take Anututane aknga aminu buyambam yanikapnangge tasiwawa iwanata yamandet sike natane kepina umukngamukaing ngana nata ayapbike puya atasinggat. Tasike nata amindane natdetdetna papa nomatawa wa aminu yanipaku pewa Kraisdane gepbiatang koke yuaing.

Filipai 2:5

Sike ginu natdetdeu Jesu Kraisda natake tasikut takngakan gindane musipzaatang natapnong:

1 Tesalonaika 4:2

Siwan ginu wamu kuupbam Jesu Buyambam tapaninda nin niniwan natake ninda ginde tupa gwa danidamukumang kaknga atnataaing.

2 Tesalonaika 1:8

Unzingu apuke tapduu waomunekan ita toknga yake aminu Anutue semna natake gatu Buyambam tapaninu Jesutane kekeknga aknganae gepbiatang yutningge wamu take akngae masa imukaing aminde yake toknga yamik.

Hibru 5:9

Sike ita natdetdeu waaknga katak siknga take ita nindane waiaknganin sandetnimikge puya tasikut. Tasike ita aminu itane wamna tawamsa aminu kuupbam gatayamuke waiakngane sandewan wa aminda Anutuat gatake takekan asinggan asinggan yutningge puya tasikut.