Matyu 10:5 - Wantoat

⁵ Siwan Jesuta ninu aminu katau kuut musa kepianganu tapaaya ngangge anzing ninikut, “Ginu aminu dongu kundune nana Anutue dua nataaing aminde ma kuwam. Siwan ginda Samariae yotbam gapmane ma kopam. Wena!

Matyu 10:5 ပူးပေါင်းရင်းမြစ်များ

Matyu 22:3

Sayamuke amina yanipewan kuke amin bamu, ‘Apu nanong,’ ngang yaniwa ngana apbitaking.

Matyu 4:15

“Keu Sebyulan nanaat gatu Naftali nanaat kepi yanggagapande kuya Jodan kautdu saak aminu dongu kundune nana Anutue dua nataaing amin ngana Galili kep komune yuya aminu zikaandakatang yuaing.

Wamu Takeaknga Makga Matakut Taknga 6:7

Siwan ita pandetna katau kuut musaat kepianganu tapaaya ngang yayawamban apana ita tapaaya tapaana kaya yanipewan kuningge yake kekeknga aknga wa aminde waung wai yanikwasiwa kuningge yamukut.

Wamu Takeaknga Lukga Matakut Taknga 10:1

Siwan masande Jesuta pandetna kunduat 70 pakut. Pake you ita masande kunangge natapbut gapma gapmane yanipewan kuking.

Wamu Takeaknga Lukga Matakut Taknga 10:33

Yapbike kuwawana aminu tapatu iwan nana aminu tapatu Sameria kep komune nana waapata kepiapane kukut. Kusika waapa kake baniaatang butaya siknga natapbut.

Wamu Takeaknga Lukga Matakut Taknga 17:16

Inimbakngake kuke Jesue ina unzakan inimbakngakut. Siwan aminu waapa Sameria kep komune nana Judia aminde iwana tapatu.

Wamu Takeaknga Lukga Matakut Taknga 9:1

Siwan ita pandetna katau kuut musaat kepianganu tapaaya yayawamban apa kekeknga aknga yaman waung wai yanikwasike maiu takngatu takngatu sandeyamuningge natake yamukut.

Wamu Takeaknga Lukga Matakut Taknga 9:2

Yamuke wamu Anututa amin panangge tasinggak kakngae wam yanike gatuna maitna kaya amin sandeyamuningge yanikut.

Wamu Takeaknga Jonda Matakut Taknga 17:18

Tupa gata na nanitewi nata apuke aminbamde banakan yuat. Ina unzakan. Nata aminabamu yanipewa kuke aminbamde banakan yutning.

Wamu Takeaknga Jonda Matakut Taknga 20:21

Siwan Jesuta gatu anzing ninikut, “Ginu musipzaatang nangaakan ma natayuwam. Nanata na nanitewan apbum. Ina unzakan nata ginu danipewa kunong.”

Wamu Takeaknga Jonda Matakut Taknga 4:20

Sike ninu Sameria nana amindane bapuninu tawanu andakane koke yuke Anutue gwetake nanamu ie sangamukaking. Ngana ginu Judia nana aminda yake keu aminda Anutue gwetake nanamu ie sangamunanga komu Jerusalem yot gapmanekan yuak ngang yakaing,” ngang inikut.

Wamu Takeaknga Jonda Matakut Taknga 4:5

Siwan kepi waapane kuku you Sameria kep komune yuau gapmandune kundopbut. Sike you wanggapmatane umana Saika ngang inikaing. You wanggapma keu wesim Jekopda waaknga Josepde tupa siknga imukut komune yuak.

Wamu Takeaknga Jonda Matakut Taknga 4:9

Iniwan ngana maya Sameria nana waapata yake anzing inikut, “Ga Judia nana amin. Siwan maya naapa Sameria nana. Dasingge gata yangga nami tangopa ngang naninggayak,” ngang inikut. Dasingge? Judia nana aminu Sameria nanaau unekan dua sukukaing.

Wamu Takeaknga Jonda Matakut Taknga 7:35

Yawan Judia nana aminda ina anzing sapduke yaking, “Ita zagwak kuwan ninda dua kanim? Asikaya nindane notninbamu maa siknga Grik aminde kep komune yuaing aminde kuke Grik amin yanindamutnangge yanggak ba dasing.

Wamu Takeaknga Jonda Matakut Taknga 8:48

Unzing yaniwan yake anzing inisapduking, “Ga Sameria kep komune nana gawaknga amin tapa. Unzingge Waung waiapata ga tapan datdaptake wamu waaknga yanggayak ngang ninda yana siakan singgak,” ngang sapduke iniking.

Aposel 1:8

Waung Takwanda musipzaatang pukuke papan kekekaning. Papan kekekake ginda kuke sangabamu nata pasikum takngae yaninong. Yanike Jerusalem ba Judia kep komune ba Sameria kep komune ba maa siknga kepna kepna kuke yaniwa sandeyok,” ngang Jesuta yanikut.

Aposel 10:45

Kawawa Waungga bania pangenawan aminu kuupbam keu komdune nana ngana wamna inata inata yaking. Yayuk Anutue umana yatengawawa kaking. Kake aminu Judia nana Jesue natapa kekekakut takwau Pitaat gatake apbingga kasatnake anzing yaking, “Anututa Waunga musip gwaangge Judia nanaekan nimunggak ngang natapbumang ngana kawatna aminu keu komdune nanae kuut yaman kaamang,” ngang yaking. Yawa Pitata anzing yakut,

Aposel 8:1

Kupan Solda kawan take sikut. Tapduu wagwekatang aminu kunduta tuwanguke Jesue aminu Jerusalem nanae tokngabam yamuke pasiwa maiking. Unzing pasiwawa Jesuat nana aminu kuupbamda gwatdu gwatdu datakuke Judia kep komune gatu Sameria kep komune ngang kuking. Kuwawa Jesutane kwiiknga aposel ngang yanikingu Jerusalem patang yuking.