Matyu 10:15 - Wantoat

¹⁵ Nata siakande siknga ginu daninggat. Tapduknga aminbam usanziwik gwekatangu meya Sodom nana amikat Gomora nana amikatda paning binga dua yotbamu wanggapmane nana aminda paning,” ngang ninikut.

Matyu 10:15 ပူးပေါင်းရင်းမြစ်များ

Matyu 12:36

“Ngana nata ginu daniwa natapnong. Sapdut wamu kuupbamu yumdekan yakaingu Anututa tapduknga aminbam usanziwik gwenea wamu waaknga usanziwik,” ngang yakut.

Matyu 5:18

“Nata siakande siknga daninggat. Tapduknga yekapat kepat wena dua siwik gwekatangu Mosesdane mama wamu kautdu mateknga takngatusimu wena sinanga dua. Sike mama wamdane buyana aawana mama wamu waaknga tening,” ngang yanikut.

Matyu 7:22

Tapduknga Anututa amin usanziwik gwekatangu aminu buyambamda anzing nanining, ‘Kuyanin! Kuyanin! Gata ninipewi kuke gatane wam takeaknga ngang yanikapbumang. Ninipewi kuke waung waiakwak yanikwasike puya kekeknga takngatu takngatu buyambam pasikumang. Pasina dua nindupbuyak ba dasing,’ ngang nanining.

Wamu Takeaknga Makga Matakut Taknga 6:11

Sike ginu you gapmanduine kuwa unenana aminda ginu yotnaatangu dua pakoke ginde wamu dua natapanu ginda you wanggapma teke yemi kaikza zipa pimapa kake wai waaknganae anggaman natapning,” ngang yake yanipewan kuke

Wamu Takeaknga Jonda Matakut Taknga 12:48

Mamin amindaka nae masa namuke nae wamde apbitawiu usanziwik kakngata undang yukngamunggak. Wamu nina banipda siwan dua daninggat. Aho. Nanda nanitewan epbum tapata naniwan natapbum takngakan daninggat. Sike wamu waaknga daniwa yamandet sining kakngata tapduknga sandewik gwene ginu usanzike danikwasiwan kuning.

Wamu Takeaknga Jonda Matakut Taknga 6:39

Sike na atnanitewan epbum tapae baniu anzing. Aminu maya wawi aminabam daknganingge ita pakuu wa aminu nata katak toiba tapatuta wena dua siwik. Siwan nata tapduknga sandewik gwene akumbing katangga gatuna pangenawit.

Wamu Takeaknga Jonda Matakut Taknga 6:40

Nanatane baniu anzing yuak. Aminu kuupbamda na nanduke Anutue waakapa ngang nae natapa kekekawiu wa aminda kayuk yutning kaknga pake kayuk asinggan asinggan yutning. Siwan nata tapduknga sandewik gwene akumbing katangga gatuna pangenawit,” ngang yanikut.

Aposel 17:31

Tapduu gwendu gwa yawan yukut gwene apme epu aminbamu noman gan usanziwik. Wa usanziwiu aminu tapatu Anututa tapan tapduu gwa tekut gwene aminu wa takut tapata usanziwik kakngae natapna siakan siwikge natake aminu wa usanziwiu akumbut katangga gatu tangenakut,” ngangu Polda yanikut.

1 Korin 3:13

Siwan puya wa inandek inandek tasikaing kakngata tapduknga Jesuta nin usanzitnimunangge epik gwene anggaman siwik. Ngan. You gwendu katapda isisopuwanu sanga kekeknga sikngatakan yutning. Ina unzakan ita usanzike tasiwan puya take ba wai ngang anggaman siwan kanim.

1 Tesalonaika 5:4

Siakan notnabam. Siwan ngana ginu zikaa akngane unzing dua yuke dua satnaning. Tapduknga wagwenu asapik gwenden. Kuka aminda zikaane apan satnakaing binga ginda tapduu wagwene dua satnaning. Wena siknga.

Hibru 10:25

Siwan aminu kunduta miti kanangge bitake gikat gatake dua apukaing. Sike ginda kepi wa aminda tasikaing kakngane ma sukuwam. Aho. Ginda gindane notzatane musia papa kekekake asinggan apning. Ngan. Tapduknga Buyambam tapata apik gwenda apnangge dapaknga singgakge ginda gindane notzatane musia asiknga pangenatnong.

2 Pita 2:6

Gatu Anututa you gapmaaya umana Sodom gatu Gomora ngang yaniking gapmaaune nana aminu kuupbamdane wam usanzike natapan wai siknga sikut. Siwan ita tasiwan you wa gapmaau katapda yasikut. Yasike aminu you wa gapmaaune nana kuupbam yasiwan kumbing. Yasiwan kupa ngana aminu tapatu umana Lot ngang iniking. Ita aminu nomanaapa. Sike ita kawawan wa aminda sanga yasewa aknga kumzang tasiwawa kake ie musiaatang meya siknga natapbut. Natapan Anututa Lot waapa gatangaman katapda dua isiwan kumbut. Ngana aminu wa katapda yasiwan kumbingu masande aminu masa Anutue imuningga wa aminde natake akgwautning. Ninda toknga ina unzakan panam ngang natake waiakngana bitateningge natake Anututa tasiwan you wa gapmaau katapda yasikut.

2 Pita 2:9

Siwan ginda wamu waaknga natake ginu atnataaing. Buyambam tapaninda aminu sanga takeakngane sukukaingu take gatayamuke sanga apasiwa sinanga akngata wa aminde apik kaknganae asandewik. Ita wa aminu take sandewik ngana wai aminde natake ita toknga yamunanga aknga teyamunggak. Teyamuwawan kuku tapduknga aminu kuupbam usanziwik gwenda apik.

2 Pita 3:7

Ngan. Wa aminu atzipa kumbing ngana wamu Anututa gwa yawan yukut takngane sanga ena kakaa banakan komune yuaikat gatu sanga kepdakane yuaikat ngangu masande katapda ayasiwan wena sining. Sanga wa kuupbamda ayutningge natake Anututa yake tasiwawan kuku tapduknga ita wai aminu kuupbamdane wam usanziwik gwenda apik. Apana ita wa aminde toknga yamuke pasiwan maining.

1 Jon 4:17

Siwan notninde musip gwaang natayamukengu ninu sanga Jesuta kepdakane yuke tasikut takngakan tawake tasinim. Tawake tasiwatna ninda musip gwaangu notninde natayamukamang kakngata buyambam siwik. Siwan masande Anututa aminu kuupbam usanziwik gwene ninda itane nomune yutnangge dua gwautnim.

Pas Jutda Matakut San 1:6

Sike gatu angelata Anutue nomnane umana kaya akwak dakngake yuking ngana kunduta yamandet sike Anutu yapbitnangge natapbing. Natake tasiwawa ngana Anututa panggaganuke keu zikaa siknga dakaatang wamapewan yuaing. Yusika tapduknga Anututa aminu kuupbam usanzitnangge yayawamban apning gwene angela waakwakga wamna yaning. Siakan. Ginda atnataaing ngana gatusa natdeke yutnong.

Pas Jutda Matakut San 1:7

Siwan gatu tupa siknga aminu Sodom yot gapmane nana amikat gatu Gomora yot gapmane nana amikat gatu you kundu you wanggapmaaune wesim yuking gapma gapmane nana amikat ngangga mayae geenguke yasewa asinggan tasimapa kukakut. Tasimapa kuwawan Anututa tasiwan katapda enandangga pimake wa aminu kuupbam yasiwan kupa puyukut. Toknga wa angelata paking kaknga binga paking. Siwan toknga wa paking kakngae natake ninda kepi wa tasikaking kaknga tawanimde asiknga gwautnim.