Matyu 10:12 - Wantoat

¹² Sike ginu you gwendune pakopan kokengu ginda you wagwene nana aminde gaak wam Anututane kwikwiknga aknganata ginde yutdamuyok ngang yaninong.

Matyu 10:12 ပူးပေါင်းရင်းမြစ်များ

Lotutane Kap Taknga 122:7

Yake aminu damanda takumbasiwan Jerusalem patang banakan yutningu amaknga wena take yutningge tumuk wam yanong. Ngan, king kapaat gatu tupan aminu une nana ngangu take yutning.

Lotutane Kap Taknga 122:8

Na notnaat gatu akgatangamukaing katde natake nata Jerusalemde anzing yawit, “Ga amaknga wena take yuyo,” ngang yawit.

Matyu 10:11

“Sike ginda yotbamu gapmandune ba yot mateu gapmandune kukengu katak siknga kanong. Mamin amin tapataka you wanggapmane nana aminda ginu yotnane pakunangge yawan aminu nomana ngang katak siknga kakenga iat kopnong. Siwan gikat aminu waapaat yusika you wanggapma tenangge natakengu you wagwenu teke kunong.

Matyu 10:13

Yaniwa you wagwene nana aminda natapa take siwanu kwikwiknga aknga pake yutning. Sike ngana gaak wamu waaknga yaniwa natapa take dua siwanu musip kwikwiu wa gatusa pake yutnong,” ngang ninikut.

Aposel 10:36

Ginu atnataaing. Anututa ninu Isrel nanae wamu takngatu Jesu Kraisda tasiniman Anutue notna gatu dakngake yutnimde wam taknga ninde tewan apbut. Ita aminbamdane Buyambam tapa.

2 Korin 5:20

Ngan. Nata Kraisde wam take yanikapmanggau wa nata Anututa tasinggak binga tasike aminu kuupbamde yayawanggat. Yayawake nata anzing yaninggat. Ginda sanga Anutue iwana dakngake tasikaing kaknga teke ie kunong. Kuke iat musipza takngatukan natake yutnong ngang yake yayawanggat.

3 Jon 1:14

Ninae musipmaatang anzing nataat. Nata zetgaman kuke ga gandupa niu kuut nitda wamu yasim. Gata Anututane musia kwikwiknga akngae gepbiatang yuyo. Notdata gaak wamu gae yatewa kunggak. Siwan gata natane gaak wamu notna kuupbamde yaniyo. Unukan.