Matyu 1:1 - Wantoat

¹ Sike aminu aakwau Jesu Kraisdane bamnatane umana. Jesu Devit tupa siknga kumbut tapatane donga, siwan Devitda Ebraham tupa siknga kumbut tapatane zakngi.

Matyu 1:1 ပူးပေါင်းရင်းမြစ်များ

Lotutane Kap Taknga 132:11

Buyambam tapata tupa wamu kekeknga takngatu Devitde yawan kekekakuu dua sandewik. Siwan wamu anzing yakut, “Nata tasiwa gatane dongune nana tapatuta king dakngawik. Kingu waapata gae tangge yuwik,” ngang yakut.

Lotutane Kap Taknga 89:3

Gata anzing yakuyak, “Nata aminu tapatu gwa yawa yukut. Siwan pasap wam taknga iat yata kekekakut. Ngan, nata wamu takngatu puya amina Devitde gwa yawa kekekakut.”

Lotutane Kap Taknga 89:36

Sike wamu inikumu itane bapuna wena dua sining. Waakwau asinggan yutning. Siwan gunzitda yuak binga itane dongata aminbamdane tupan tapaapa dakngake komdubam siknga unzing kayutning.

Matyu 1:18

Siwan Josepda Maria maatnae tapikge gwa yawan ngana dua takut. Tapduknga atapikge gwenu dapaknga siwan Anututane Waung Kapata tasiwan Mariata musiaapa siwan kaking.

Matyu 1:2

Ebrahamu Aisakgane nana. Sike Aisakga Jekopdane nana. Siwan Jekopda Judaat gatu itane uyapna bapatdane nana.

Matyu 15:22

Siwan Jesuta keu wakomune kundopan keu komdu umana Kenan ngang yakaing. Wakomune nana maya tapatuta apu anzing inikut, “Buyambamtapa. Bamin Devitdane dongane aakuyak kapa ga. Nae butaya natapso. Waung waita natane yapana tapan yapanata mainggak,” ngang inikut.

Matyu 3:16

Yangga saukngamana Jesuta yanggaatangga akoke kawawan zetgaman enandangu kakaa siwan Anutue Waungga kwaiu kombunananga ngang yanikamang gwenda binga epuke Jesue apu tangene pakuyukut.

Matyu 9:27

Siwan Jesuta you wanggapma teke kuwawan aminu kai wai siya tapaata tawayuk anzing yanggamatakumayak, “Ga Devitdane dongane aakuyak kapa. Nitde butaya natanimuyo,” ngang inikumayak.

Wamu Takeaknga Lukga Matakut Taknga 1:33

Tasike Jekopdane dongune aakingu kuupbamde takeapa dakngake asinggan yuwawik. Yuwawan kekeknga akngata asinggan asinggan yuwik,” ngang inikut.

Wamu Takeaknga Jonda Matakut Taknga 7:42

Krais waapa dongu Devitkat nana. Siwan ita Betlehem yot gapma Judia kep komune yuak gapmane aawik. You wa gapma tupa Devitda une yukut. Yakapsa aminda unzing mataking,” ngang yaking.

Aposel 2:30

Siwan Deviu Anutue wam natake yanikapbuu waapata yusika Anututa wamu takngatu iniwan kekekakut takngae natapbut. Natapan anzing inikut, ‘Apmea nata yawa gatane zakngi tapatuta enake Isrel amindane takeapa dakngake yuwik,’ ngang iniwan kekekakut.

Pas Polda Rom Nana Aminde Matayamukut San 1:3

Anututa wamu take waaknga yake inane waaknga siknga tapan ita Krais akgatanimuyaapa dakngawikge yakut. Sike waaknga waapa Buyambam tapaninu Jesu unin. Sike waaknga waapata nisae gup dakngakuu Devit ninu Isrel nana aminde bamindane buyambam tapa dakngake yukut tapatane waakngata waakzak sitake sitake kunggawan apu apu engangu tapatuta aakut. Aake buyambam takake yuwawan kunduta tanguwa kumbut. Tanguwa kupan ngana Anututa inane kekeknga aknganata akumbut katangga tangenake yeutniman ninda Anututane waakapa unin kakumang. Ita aminu dudumna siknga Anutu binga dakngake yuwan kakumang.

Pas Polda Rom Nana Aminde Matayamukut San 4:13

Siwan Anututa Ebraham inike, “Aminu gatane dongune aatning aminda yutake kuning aminda keu kuupbamu apme taning,” ngang iniwan kekekakut. Sike ninda dasing natapnim? Asikaya Anututa wamu waaknga yake Ebrahamda mama wamu katak siknga tawake tasikut takngae natake yawan kekekakut ba dasing? Aho. Ebrahamda Anutue natapan kekekakut takngae natake aminu waapa aminu noman tapa daknganggak ngang natapbut. Natake Anututa wamu waaknga inikut.

Pas Polda Rom Nana Aminde Matayamukut San 9:5

Siwan nindane baminu Ebrahamdane waaknga Aisak ngang inikinggane waaknga Jekop ngang inikingu waapatane waakngabamda waakzak sitake sitake apu apu apmanu ninu Judia nana aminu buyambam sike yuamang. Siwan aminu akgatanimunggak kapae Krais ngang inikamangu waapata nisa gup pake nikat nana tapatu dakngake aakut. Wa aakut tapa Anutu siknga enane siknga yuak kapanin. Ge ninda waapatane umana asinggan asinggan yatangenatnim. Siakan.

Galasia 3:16

Ina unzakan wamu Anututa Ebrahapat gatu aminu itane dongune aawiu tapatuat yaniwan kekekakut. Siwan wamu ita yakut taknga katak siknga natapnong. Anututa yake aminu buyambamda itane dongune aatningge dua natake yakut. Aho. Ita aminu tapatutakan itane dongune aawikge natake yakut. Siwan aminu waapa Krais unin.

1 Timoti 2:5

Siwan siakan wamu waaknga anzing. Anutu awia tapatutakan yuak. Sike tupa iat gatu aminu kuupbapat iwan dakngake yuking ngana aminu awia tapatutakan enake sanga iwanu wa dakngake yuking kaknga tanguwan kumbut. Sike aminu atanguwan kumbuu waapa Jesu Krais unin.

2 Timoti 2:8

Sike gata Jesu Krais akumbut katangga gatuna enakut tapae natanggamatayo. Ita baminu Devitdane dongune aakut tapa unin. Ie natake nata wamu takeaknga yanikapmake tasiwawa

Wamu Jonda Mia Kake Matakut San 22:16

Sike na Jesu. Nata angelana initewa ita ginu Anututane aminabamu kepna kepna yuaingu kuupbamde kuke wamu waaknga danikapikge inikum. Sike nata Devitdane dongune aakum. Unzing katapdaka pasiwan gatu kainga kaikasiwik binga aakum. Sike nata yekapdaau gwaim gwen binga dakngake yuwawa aminda na nanduke kepi kakaa akngane yutnimde dapaknga gwa singgak ngang nataaing.” Sike wamu waaknga Jesuta yawan natapbum.