Wamu Takeaknga Lukga Matakut Taknga 7:6 - Wantoat

⁶ Iniwan natake Jesuta iat gatake kuking. Kuke yot wesim kuwawa amak aminda notna kundu yanipewan kepiapane umutakuke ininangge kuke itane wamna anzing iniking, “Buyambamtapa. Na aminu nomanaapa dua ngang inike yotnaatangu dasingge akopsa?

Wamu Takeaknga Lukga Matakut Taknga 7:6 ပူးပေါင်းရင်းမြစ်များ

Matyu 20:28

Na aminbamdane notnaapaaya unzakan. Nata apa aminda nae puya pasingamuningge dua apbum. Wena. Apuke puya tasike amin gatayamunangge apbum. Apuke kungwayamit takngata iwana zipmake yawamba kuwa aminbam sandeke papitde apbum,” ngang ninikut.

Matyu 3:11

“Ginda musipza tapa tekwanggak kakngata siakan siwan kanimde yangga sautdamunggat. Sike apmanu nata gambok enake puya aaknga tasiwawa masande aminu tapatuta enake puya tasiwik. Sike aminu waapatane kekeknga aknganata na atnapbikut. Unzing siwan na aminu umana wenaapa yuatde ita apan kake nata inike, ‘Kepi taukga papa sanggamuut,’ ngang ininangge apmaakanggat. Sike ita Anututane Waung Kapa initewan apu musipza pangenake ginu katapda isindudumukgak binga tasindamik,” ngang yanikut.

Wamu Takeaknga Makga Matakut Taknga 5:24

Jesuta iat gatake kuwawat aminbamda kuku tawake yuwa akgitnakut.

Wamu Takeaknga Lukga Matakut Taknga 5:8

Siwawat Saimon Pitata pis buyambamu wa kake Jesue kepine gwetake anzing inikut, “Buyambamtapana. Na wai amin. Na napmake kunggayo,” ngang inikut.

Wamu Takeaknga Lukga Matakut Taknga 7:4

Kuke wa aminda Jesue apuke anzing apaa iniking, “Ita aminu nomantapa. Ge take gatangamuyo,” ngang iniking.

Wamu Takeaknga Lukga Matakut Taknga 7:5

“Ita ninu Judia aminde musip gwaang natanimunggak. Ita nindane miti yot gwen mitapnimde manina atnimukut,” ngang iniking.

Wamu Takeaknga Lukga Matakut Taknga 7:7

Na aminu nomanaapa dua. Unzingge nata gae kuwitde natapa meya singgak ngana gata wamban yawi natane puya aminata maitna wena siwan,” ngang inikut.

Wamu Takeaknga Lukga Matakut Taknga 8:49

Unzing iniyuwawan wa aminu kuyana yuak kapatane yot gwenune yuau tapatuta apuke, “Yanindamumsaapa, kwatanu ma iniwi apan. Yapakata gwa kungwak,” ngang inikut.

Aposel 10:38

Wamu waaknga anzing, ‘Anututa Jesu Nasaret nana kateke Waung Takwakat kekeknga aknganaat kuut asimukut. Asiman yotna yotna kuke aminbam gatayamukut. Anutuat iat gatake yuke aminu Setenda pasiwan maikinga pasiwat takaking.’

Jems 4:10

Sike ginda unzing tasike Buyambam tapanindane kaine ninu aminu wai amin dakngake yuamang ngang natake tasinong. Tasiwa dandupan take siwan ita gindane umanza yapangenawik.

Jems 4:6

Siakan ngana sanga wa musia enayaaknga kekeknga sikut taknga Anututa akekekake yapbikut. Yapbike nin gatanimunggak. Unzing wamu ayanikapsa aminda matake, “Anututa yamandet sikaing aminu ayaipapaakusinggak. Ngana ita aminu ie gepbiatang koyuaing aminu akgatayamunggak,” ngang matakut taknga binga Anututa atasinggak.