Wamu Takeaknga Lukga Matakut Taknga 4:18 - Wantoat

¹⁸ “Anututane Waung Kapata kekekangaman nata wamu takeaknga sangaapana wena aminde yaniwitde na nanikut. Nanike anzing yaniwitde nanitewan kukum. Siwan kai wai siya aminu kaina take siningge yaniwit. Siwan take apata meya wam yaman pake yuaing amin gatayamuke sandeyama kuningge tasiwit.

Wamu Takeaknga Lukga Matakut Taknga 4:18 ပူးပေါင်းရင်းမြစ်များ

Matyu 11:5

“Kai wai siya aminu gatu kaaing. Siwan kepi wai siya aminu gatuna kepi akukaing. Siwan gupnane wata kekeknga siya aminu gupna dudumna gatu sikaing. Siwan maaknga kusiya aminu wamu gatu nataaing. Siwan kupsa aminu gatu enaawa Anututane wamu take aknga aminu sangana wena aminde yanikapa nataaing,” ngang yanikut.

Aposel 10:38

Wamu waaknga anzing, ‘Anututa Jesu Nasaret nana kateke Waung Takwakat kekeknga aknganaat kuut asimukut. Asiman yotna yotna kuke aminbam gatayamukut. Anutuat iat gatake yuke aminu Setenda pasiwan maikinga pasiwat takaking.’

Wamu Takeaknga Lukga Matakut Taknga 7:22

Siwan Jesuta yake anzing yanikut, “Gitda kuke sanga wa kake natamayakge Jonu inison, ‘Ita pasiwan kai wai siya aminu gatuna kaaing. Siwan kepi wai siya aminu gatuna kepi akukaing. Siwan gupnane wata kekeknga siya aminu gupna dudumna gatu sikaing. Siwan maaknga kusiya aminu wamu gatu nataaing. Siwan kupsa aminu gatu enaawa Anututane wamu takeaknga aminu sangana wena aminde yanikapa nataing,’ ngang inison.”

Aposel 26:18

Na ganitewa kuku aminu kepman nana zikaa atang yuke pasikaing aminu yanikapi natake zikaa aknga teke kakaa akngane apning. Apuke Anutuekan yuke Setendane kekeknga akngae apbotake tening. Teke nae natapa kekeknga siwan kake Anututa waiakngana apme sandeyamik. Sandeyaman aminu tupa Anututa papan aminabam dakngake yuaing amikat unekan gatake yutning,’ ngang unzing nanikut.”

Wamu Takeaknga Jonda Matakut Taknga 12:46

Mamin amindaka nae natapa siakan siwiu wa aminda zikaa aknga teke kakaa akngaatang yutningge natake na kepdakane epbum.

1 Pita 2:9

Ngana Anututa ginu inae gwa pakut. Papan ginu itane aminabam dakngake yuaing. Ngan. Ginu Buyambam tapanindane puya amina dakngake yuaing. Yuke ginu itane dongabam dakngake yuaing. Siwan Anututa ginde natake ginu zikaa akngane yuking ngana teke ginda itane kakaa take akngane kopningge natake ginu yandawakut. Sike ginda natake ita ginu yandawamban ie kukingge ginda apbakngakaing. Apbakngake sanga take siknga ita wa gatandamukut takngae natake aminu buyambam yanikapnong. Sike ginda wamu waaknga yanikapningge natake ita ginu inae pakut.

Kolosi 1:13

Ngan. Ita ninu zikaa aknganae sandeke ninipakuke inane waakngatane gepbiatang pekut. Sike ita waaknga waapae musip gwaang natangamuke itane gepbiatang ninu pewan kopbumang.

Matyu 4:16

Wa aminda kakaa buyambam taknga gwa kaaing. Sike aminbam zikaa akumnangaatang yukingge waenga sike kakaa yamukut,” ngang Aisaiata yakapbut taknga buya unin aakut.

Lotutane Kap Taknga 147:3

Ita aminbamu apasiwan nomatakaing. Unzing meyata natdetdetna pasiwan maikaingun. Gatu watana kuut wamayamunggak.

Matyu 5:3

“Mamin amindaka Anutue kuna gataniman ngang baniaatang natake kukaingu Anututa aminu waakwakat gatake yutning. Dasingge? Anututa amin panangge tasinggak kakngae gepbiatang yuaing.

Wamu Takeaknga Lukga Matakut Taknga 6:20

Siwan Jesuta pandetna katakuke anzing yanikut, “Ginu sangaapasa wenata apbaknganong. Dasingge? Sangana wena akwakga Anututa amin panangge tasinggak kakngae gepbiatang yuaing.

Jems 2:5

Siwan mate notnabam. Nata musip gwaangu ginde natandamuke daniwa natapnong. Aminu sangaapana wena yuaingu asikaya Anututa wa amikat nana kundu dua kapewan ie natapa kekekaning ba dasing? Asikaya ita wa aminu dua kapewan sanga ita aminu inane panangge tasinggak kakngae gepbiatangu kopning ba dasing? Koke aminu sangaapana kwaapzang pake yuaing binga dakngake yuke apbaknganing. Ngan. Sanga waakngae gepbiatang aminu musip gwaangu ie natapning aminda kopningge Anututa gwa yawan kekekakut.

Wamu Takeaknga Jonda Matakut Taknga 3:34

Aminu Anututa initewan apbuu waapata Anutue wam yakapmanggak. Dasingge? Anututa banip gwaang buyak natangamuke Waunga gatukande asimukut.

Lotutane Kap Taknga 102:20

Kake ita nataawan iwanata aminu kundu papa kaautde pewa yuke meya pakaingga kwanam siwa natapbut. Natake ita waaminu kotda akumningge gwa yawan kekekakut ngana sandeyaman kepman pukuke dua kumning.”

Lotutane Kap Taknga 34:18

Anututa aminu musiaatang meya nataaing aminde inengan yuak. Ngan, ita banip sikaing aminu meya papanu, ita akgatayamunggak.

Lotutane Kap Taknga 2:6

Ngan, ita wamu kekeknga siknga waaknga anzing yanikut, “Nata aminu tapatu King dakngawikge aapa gwa yawa yuak. Nata nina tewa Saion kep komune yuak. Ninane tawan takwan daka unin.”

Lotutane Kap Taknga 2:2

Kingu kepna kepna yuaingga amak tasinangge tandakngakaing. Tandakngake waaminda natdetdeu takngatukan natake Buyambam tapatane umana tasiwan maiwikge kepie tawakaing. Gatu aminu tapatu Anututa tasiwan ita aminu kuupbam kakuya tasiwik kapa dakngakuu, King yuaingga aminu waapatane umana kuut tasiwan maiwikge kepi tawakaing.

Wamu Takeaknga Jonda Matakut Taknga 1:41

Ita kuku paana Saimon gamok tawataku kake anzing inikut, “Nitda Mesaia apa gwa kamak,” ngang inikut. Sike ninda wamu Mesaia ngangu waaknga anzing tana tekwamban yanim. Anututa tapan Krais gatanimuyaapa.

Matyu 12:20

Siwan aminu tapatuta pimanangge dapaknga siwan komam tapatu apaa siknga puwa yuak kapa binga kake gatukande dua putdakngawik. Sike lamdane wik kaknga kundusim isinggak kaknga binga kake gatukande dua tangutapan kupik. Ita unzing atasiyuke tasinggawan wamu noman siknga akngata enake ayapbimbik.

Lotutane Kap Taknga 51:17

Ayok, Anutu! Nata ninae natapa epan nata gae gepbiatang koyuwit. Sike wa natane yamuyamuk takngana binga. Na atnataat. Gata aminu tapatuta inane waiaknganae meya natake umana inane aknga natapan epik. Natapan epan kake gata wa apae masa dua siknga imiyak.

Aposel 4:27

“Siwan wamu wa matakut takngata you anggapmane siakande sikut. Siwan gata aminu wa dudumnaapa Jesuta puya takngatu tasiwikge natake gata tapi ita akgatanimuya apanin dakngake yuak. Ngana ninu Isrel nana amindane tupan tapaninu Herot gatu Pontias Pailat gatu aminu dongu takngatuine nana amin gatu Isrel nana amin ngangga musia takngatukan natake unekan binga gatake yuaing. Yuke sanga kuupbam gata gika banipda siwan yakuyak kakngakan tasinangge nataaing. Natake Jesu waapa yapbitnangge tasikaing.

Lotutane Kap Taknga 45:7

Ga sanga noman takngaekan gwaam siknga natake waiakngae ga asiknga bitanggayak. Unzingge gikane Anutukata yangga wel taknga gwapakgane tukngwanggamuke tasiwan umanda kaapa dakngakuyak. Siwan ita tasiwan gata notda yapbike umanda kopsa apa dakngake apbakngakuyak.

Matyu 12:18

“Anututa nanikut taknga ginde daniwa natapnong. ‘Aminu waapa nata gwa tapa natane puya amina dakngake yuak. Nata ie take siknga natake ie musip gwaang natangamunggat. Natane Waungata musipna tangenawan nata aminu noman usanziwit taknga dongu kundune nana Anutue dua nataaing aminde yanikapik.

Aposel 4:26

Keune nana amindane take akwakga enake amnangge unekan kuking. Buyambam takwakga unekan kuke Anutuat gatu aminu Anututa tapan Krais akgatanimuya apanin dakngake yuak kapaat kuut zipnangge paut tasiking,’ ngang wamu waaknga Devitda matakut.