Wamu Takeaknga Lukga Matakut Taknga 3:1 - Wantoat

¹ Siwan gavmanu tupan tapa umana Taibirias ngang iniking. Waapa nakanu katau kuut musa gatu kepianganu kautdu musa kake aminabam kayukut gwene Pailatda aminu tupan tapa Judia kep komune yukut. Siwan Herotda Galili amindane tupan tapa yuawan uyapna Filipda Itulai kep komuneta Talakoniti kep kopatde tupan tapa yuawan Lusanita keu Abilini komune tupan tapa yukut.

Wamu Takeaknga Lukga Matakut Taknga 3:1 ပူးပေါင်းရင်းမြစ်များ

Matyu 14:1

Siwan tapduu waomune Herotda Gavmanu tupan tapa dakngake yuwawan Jesuta puya tasiwan natapbut.

Matyu 14:3

Sike tupa Herotda maya tapatu umana Herodias. Uyapna Filipdane maatna ngana kaiwan kuwan maatnae takut. Tapan natake Jonda Herot anzing inikut, “Gata maya aapa tapi take dua singgak,” ngang gatu gatu iniwan Herotda Jonu tanggaganuke napda wamake kaautde tekut. Teke atangutnangge natapan ngana aminbamda Jonde ayanikapsaapa ngang natapbingge akgwauke dua tanguwan kumbut.

Matyu 14:6

Sike tapduu gwendune tapduknga mingata tangaikut gwende natake nanam sake nake iat aminu kunduatda unekan gatake yuwawa Herodiasdane yapanata apu wakumu wa aminda yukingu banakan inatakan taiwawan kake Herotda take siknga natapbut.

Matyu 22:17

Siwan ganikwaitna banipbaatang natake waakngakan niniyo. Ninu Judia nana aminda gavmanu Sisae takis mani imukenga ninda Anutue mama wam sandetnim ba dasing,” ngang inikwaiking.

Matyu 27:2

Yake napda wamake taku aminu tupantapa Pailatde imuking.

Wamu Takeaknga Makga Matakut Taknga 6:17

Sike tupa Herotda uyapna Filipdane maatna umana Herodias ngang iniking kapa kaiwan kuwan maatnae takut.

Wamu Takeaknga Makga Matakut Taknga 6:21

Sike masande Herodiasda Jon tanguwan kupikge kepi takngatu anzing kakut. Herotda tapduknga mingata tangaikut gwende natake yawan nanamu buyambam saking. Sawa ita nanamu buyambamu wa sakingu yaman take aminu gavmande puya gatangamuke pasiya amikat gatu amak aminu tupan takwakat gatu take aminu Galili kep komune nanaatda apa unekan gatake yuke naking.

Wamu Takeaknga Lukga Matakut Taknga 13:31

Tapduu waomunekan Ferisi aminu kunduta kuku Jesu anzing iniking, “Gata you anggapma teke keu komdune datakungga. Herotda akgutapan kupiyakge yak,” ngang iniking.

Wamu Takeaknga Lukga Matakut Taknga 2:1

Tapduk wagwene gavmanu tupan sikngaapa i binga tapatu wena. Umana Onggastas ngang iniking. Inane aminabamda takis mutningge umana matanangge

Wamu Takeaknga Lukga Matakut Taknga 23:24

Unzingge Pailatda aminu waakwakge wam tawanangge yawan kekekakut.

Wamu Takeaknga Lukga Matakut Taknga 3:19

Siwan Herot tupan aminu waapatane uyapna Filipdane maatna Herodias ngang inikaingkapa kaiwan kuwan maatnae tapan Jonda kuke waiaknga tupa tasikutdeat kaanga inikut.

Wamu Takeaknga Lukga Matakut Taknga 9:7

Siwan Herot aminu tupan tapata sangabamu Jesuta pasiwan natapbut. Natake, “Jonda akumbut katangga gatuna gweake pasinggak,” ngang aminu kunduta yawa natapbut.

Aposel 23:26

“Na Klodias Lisias. “Nata Filiks umana kayaapa keu akomde gavmanu tupan tapa yuke ninduyuak kapaninde matanggat.

Aposel 24:27

Siwan unzing tasike yuawan nakanu gweaya kawa sandewana aminu tapatu umana Posias Festas ngang iniking. Ita Filiksde tangge yukut. Ie tangge yutnangge tasiwan Filiksda Judia nana aminu yanindatdautnangge natake Pol dua sandetewan kaayutde ayukut.

Aposel 26:30

Yake bitawan tupan amin takwau Agripa gatu Festas gatu Benaisi gatu amin mooi kundu une yuking kuut siknga enake epu kuking.

Aposel 4:27

“Siwan wamu wa matakut takngata you anggapmane siakande sikut. Siwan gata aminu wa dudumnaapa Jesuta puya takngatu tasiwikge natake gata tapi ita akgatanimuya apanin dakngake yuak. Ngana ninu Isrel nana amindane tupan tapaninu Herot gatu Pontias Pailat gatu aminu dongu takngatuine nana amin gatu Isrel nana amin ngangga musia takngatukan natake unekan binga gatake yuaing. Yuke sanga kuupbam gata gika banipda siwan yakuyak kakngakan tasinangge nataaing. Natake Jesu waapa yapbitnangge tasikaing.