Wamu Takeaknga Lukga Matakut Taknga 22:3 - Wantoat

³ Siwan aminu tapatu umana Judas Iskeriot yot gapmane nana ngang inikaingu waapa Jesutane pandetna 12-pat nana tapatu ngana Setenda musia tangenakut.

Wamu Takeaknga Lukga Matakut Taknga 22:3 ပူးပေါင်းရင်းမြစ်များ

Lotutane Kap Taknga 41:9

Sike na notna tapatu kaya. Waapaa natane notna siknga. Siwan waapa nanamu naat nakamak. Siwan ngana waapaaya kepina tangenake na nainggamunangge tasinggak.

Matyu 10:4

siwan Saimon kekekngaapa ngang inikumang. Siwan Judas Iskeriot yot gapmane nanaapata Jesu iwanae yeuyamukut tapa.

Matyu 26:23

yake anzing ninikut, “Aminu waapa dopang gwekatangu katakngiu kuutda wasikamak kapata na yeuyamik.

Matyu 4:10

Iniwan natake Jesuta yake anzing inikut, “Anututane wampatang wamu takngatu anzing matakut, ‘Anutu Buyambam tapae inimbakngake ie puyaekan natake tasingamuyo,’ ngang matakut takngae natake dua ganimbakngawit,” ngang inikut. Unzing inike “Seten! Ga napmake kungga,” ngang inikut.

Wamu Takeaknga Lukga Matakut Taknga 22:21

Sike kanong. Aminu na iwanae yeuyamik kapata naat pukwike nakamak.

Wamu Takeaknga Lukga Matakut Taknga 6:16

Tapatu Jemsdane waaknga Judas. Tapatu Judas Iskeriot yot gapmane nanaapa. Ita masande kait tasike yeuyaman amak aminda Jesu taking.

Wamu Takeaknga Jonda Matakut Taknga 12:6

Unzing yake ngana ita baniaatang sangaapana wena akwakge butaya dua natayumuke yakut. Aho. Jesuat pandetnaatdane manina yakgwende kayuakapa yuke undang pamukaing kaknga asinggan kuka panangge tasinggakge yakut.

Wamu Takeaknga Jonda Matakut Taknga 13:18

“Nata ginu kuupbamde dua yat. Na aminu nina papa yuaingge atnataat. Ngana aminu Anutue wam yanikapbuu tapatuta tupa siknga yuke wamu takngatu anzing matakut, ‘Aminu nanamu naat nasim tapata masa namukut,’ ngang matakut taknga buya unin aawik.

Wamu Takeaknga Jonda Matakut Taknga 13:2

Siwan bangee tapduk Pasova gwende nanamu atnayuwawa Setenda Judas Iskeriot nana Saimondane waaknga apae musia tangenawan ita Jesu iwande yamikge natapbut.

Aposel 5:3

Yaman ngana Pitata anzing inikut, “Kepde mani gatukande gama ngang naninggayak ngana kautdukan namunggaya. Setenda gatane musipba tapan gata Anututane Waung Kapae nomune kem tasinggayak.