Wamu Takeaknga Lukga Matakut Taknga 17:2 - Wantoat

² “Ita waiaknga waatdaka matekge banakan tasiwan undang pimapanu toknga siknga pake wai siknga yuwik. Siwan sup buyambam gwenu guyakngane wamake yanggabam gwekatang muba pukuke kupik gamu toknga siknga dua papan. Ita unzing gwa kungwakengu kepi waaknga dua yeuyaman pimatning,” ngang yanikut.

Wamu Takeaknga Lukga Matakut Taknga 17:2 ပူးပေါင်းရင်းမြစ်များ

Matyu 17:27

Niu Anutuat nana amin ngana ninda tasina musia toknga natanimunang. Ga yangga gapan gwene kuke pis kaitnangge huk mumbi kuwan pis tupan kaiwiyak gaka gena tapi akngawan mani sandu undang kawiyau take taku niu kuutde wasan yamuyo,” ngang inikut.

Matyu 18:10

“Siwan ginu katak siknga gwautnong. Dasingge? Ginda waatdaka mateu a yumdekan ngang natapnang. Wena. Daniwa natapnong. Enandangu angela wa amin kayuaingu asinggan Nana enandang yuak kapaat unekan gatake yuaing.

Matyu 18:14

Ina unzakan, Nanza enandang yuak kapata waatdaka akwakzipat nana tapatuta pimake kayuk yutnanga aknga dua pake wena siwan kake take dua natapik,” ngang ninikut.

Matyu 26:24

Ngan, na aminbamde notnaapae Anututane wapatang matakut takngakan singamik. Ngana aminu ayeuyamik kapata toknga apapik. Mingata dua bokngikut gamu take siwan,” ngang yawan

Wamu Takeaknga Makga Matakut Taknga 9:42

“Sike aminu tapatuta tasiwan aminu umana wena tapatu nae natapan kekekanggau aakwakat nana tapatuta pimapanu aminu wa atasiwan pimakut tapata tokngabam papik. Siwan suu buyambamu gwendu guyakngane wamake yanggabam gwene muba pukuke kupik gamu wai waaknga dua tasike toknga buyambamu dua papan,” ngang yanikut.

Wamu Takeaknga Jonda Matakut Taknga 21:15

Siwan ninu nanamu nana puyuwana Jesuta Saimon Pita anzing inikut, “Saimon! Jondane waaknga! Asikaya gata aminu aakwau ayapbike gata nae musip gwaangu buyambam siknga nataayak ba dasing,” ngang inikwaiwan yake anzing inikut, “Ngan. Aana. Na gae take nataat taknga gata atnataayak,” ngang inikut. Iniwan yake anzing inikut, “Toikngata nanamu sipsipnae yamukaing binga gata aminu nae banip sikaing amin toimso,” ngang inikut.

1 Korin 9:15

Siwan ngana nata sanga wa puya aminda take pananga aknga panangge dua natapbum. Wena. Siwan nata wamu wa matanggau nata sanga panangge natake dua yanggat. Aho. Nata miti puya tasike aminde kataune gupde sanga dua panggat takngae natake apbaknganggat. Siwan aminu tapatuta gupde sanga nae naman pakengu sanga wa nata gupde sanga panangge apbitake tasinggat takngata pimapanu wai siwik. Asingu nata akupa gamu takesim siwan.

1 Korin 9:22

Sike aminu Jesue amina dakngake ngana Anutue nangaakan natake pimanangge dapaknga sikaingu nata papa kekekaningge nataat. Natake nata sanga wa aminda nae semna dua natapning kaknga teke puya tasinggat. Nata kepi waaknga tawake aminu inata inata yuaing ngana kuupbamde kaine nata amin noman dakngake aminu kundu gatayamunggat. Nata gatayamuke wa aminu sanga waiaknganae akumning kakngane sandetnangge tasinggat.