Wamu Takeaknga Jonda Matakut Taknga 9:21 - Wantoat

²¹ Ngana apmanu kaina dasingga siwan kaakge niu dua nataamak. Siwan maminda kaina take tasingamuk ie aya niu dua natamak. Ginda ina inikwaitnong. Ita buyambamu gwa takanggak. Ita inane wamu apme daniwik,” ngang yanikumayak.

Wamu Takeaknga Jonda Matakut Taknga 9:21 ပူးပေါင်းရင်းမြစ်များ

Wamu Takeaknga Lukga Matakut Taknga 8:43

Kuwawa maya tapatu yekapna sike daknga asinggan pake nakanu katau kuut musaat kepianganu gweaya gwa kawan sandewan yuawan ngana aminu kunduta maitna waaknga sandekngamunangge tasiwa maikut.

Wamu Takeaknga Jonda Matakut Taknga 5:5

Siwan mait aminu tapatu nakanu buyambam 38 ngang undang gwa yuwan sandekut.

Wamu Takeaknga Jonda Matakut Taknga 9:10

Yawan natake anzing inikwaiking, “Dasing sike gatane kaika take simayak,” ngang iniking.

Wamu Takeaknga Jonda Matakut Taknga 9:20

nana mingata yake anzing yakumayak, “Aminu aapa nitdane waakngit. Siwan mingata tangaiwan kai akusiyaapa aakut. Ie niu atnataamak.

Wamu Takeaknga Jonda Matakut Taknga 9:22

Itane nana mingata Judia nana amindane takeakwakge akgwauke unzingu yakumayak. Sike aminu take waakwau wamu takngatu anzing gwa yawa kekekakut. Aminu tapatuta Jesue yake Anututa tapan Krais gatanimuyaapa dakngake apbut ngang yakapanu miti yot gwene inikwasitna kepman kuwik ngang yawa kekekakut.

Wamu Takeaknga Jonda Matakut Taknga 9:23

Wamu wa yawa kekekakutde natake nana mingata akwauke, “Ita buyambamu gwa takakut. Gisa ina inikwaitnong,” ngang yanikumayak.

Aposel 9:33

You wanggapmane yuke aminu tapatu umana Inias ngang iniking. Waapa kwatai gatukande tuyukawan nakanu katau kuut musa kautdune gweaat gwenduat ngangu dapun gan pekut.