Wamu Takeaknga Jonda Matakut Taknga 8:9 - Wantoat

⁹ Matayuwawan aminu kuupbam waiaknganinu kaya ngang natake tapatu tapatu epu kepman kuking. Aminuaketa gamok kuwawa kundu masan kuking. Jesu ateke kuwawa ita inatakan yuwawan maya waapa ie nomune yukut.

Wamu Takeaknga Jonda Matakut Taknga 8:9 ပူးပေါင်းရင်းမြစ်များ

Lotutane Kap Taknga 40:14

Aminu kunduta na nuwan kupitde tasikaing. Ge gata aminu wa na nutnangge tasikaingu yaipapaakusike pasiwi datdaptake asiknga maakaning. Siwan waaminu na tasiwa maiwitde apbakngakaingu yanikwasiwi kuwa umana kopsa yuaingu gata asandepakepso.

Lotutane Kap Taknga 50:21

Ginda unzing tasiwa danduke ngana na wamu takngatu dua yakum. Unzingge ginda naenu ninkat unzakan yuamang ngang nataaing. Siwan ngana wena siknga. Nata apmanu kaanga danike pasiwa kotde wamu aanggaman yaning.

Lotutane Kap Taknga 71:13

Nata nataau aminu nae temanggaganupa nanikaingu gata yaipakepuke pasiwi sopuningge nataat. Ngan, waaminda na tasiwan maiwitde tasikaing. Unzingge nata nataau gata natdetdetna pasiwi botake maaknga siknga natapningge nataat.

Wamu Takeaknga Lukga Matakut Taknga 13:17

Unzing yaniwan natake musia toknga natangamukingga apmaakawawa aminu kuupbamda ita puya nomana waaknga tasikutde apbakngaking.

Wamu Takeaknga Jonda Matakut Taknga 8:10

Siwan Jesuta enake maya waapa anzing inikut, “Mayapa. Aminu zandang yuaing? Aminu gae wam temapa yaing aminu wena kaat,” ngang iniwan

Wamu Takeaknga Jonda Matakut Taknga 8:12

Siwan Jesuta aminbamu gatu anzing yanikut, “Na. Na kakaa aknga kepdakane nana aminde yamuyaapa dakngake yuat. Aminu na nawambiu waapata zikaa dakaatang dua sukuwik. Wena. Gunzitda isiwan kekekake enakaing binga aminu kakaa nata wa yamunggat takngane yuwiu kayuk yutnanga aknga pake asinggan asinggan yuwik,” ngang yanikut.

Wamu Takeaknga Jonda Matakut Taknga 8:2

Siwan tembana siknga ita gatuna Anutue yot takwan gwene kukut. Kundopan aminu maya wawi kuupbamda ie apundopa ita pukwike yanindamukut.

Wamu Takeaknga Jonda Matakut Taknga 8:3

Pukwike yanindamuwawan mama wam yanindamumsa amikat gatu Ferisi amikatda maya tapatuta yasewa tasiwawan kake tanggaganuking kapa ie takapbing. Takapuke mayapa banakan teke

Wamu Takeaknga Jonda Matakut Taknga 8:8

Unzing yanikenga gatuna gwetake kepdakane matakut.

Pas Polda Rom Nana Aminde Matayamukut San 2:15

Anututane mama wamu aminu waakwakgane musiaatang aawan natake tasikaing. Wa aminda sanga atasikaing kaknga ina musiaatang usanzike takngatu take takngatu wai ngang nataaing. Natapa Anututane mama wamu wa amindane musiaatang unin aawan natake tasikaing.

Pas Polda Rom Nana Aminde Matayamukut San 2:22

Ginda yanindamuke ginda yasewa ma tasiwam ngang yanikaing ngana asikaya ginda yasewa dua tasikaing? Ginda anutu pupukngae atemna nataaing ngana asikaya ginda sanga Anutue imunanga aknga kotnake dua imukaing?