Wamu Takeaknga Jonda Matakut Taknga 7:17 - Wantoat

¹⁷ Sike aminu tapatuta Anutue gen gwaamutnangge natapiu waapata wamu nata ayanggat takngae natake wam waaknga Anututa yanggak ngang anggaman natapik. Jesuta inae natdendetnata siwan yanggak ngang dua natapik.

Wamu Takeaknga Jonda Matakut Taknga 7:17 ပူးပေါင်းရင်းမြစ်များ

Lotutane Kap Taknga 119:10

Na natdetdeu takngatukan tanggat. Siwan Anutue kuke iat yutnangge take siknga natat. Siwan gata gatangami nata gatane mama wamba dua tewit.

Lotutane Kap Taknga 25:12

Mamin aminda Buyambam tapae gwaukaing? Aminu wa Buyambam tapae gwauke Buyambam tapatane wamna tawambanu, Anututa kepi nomantapa yeuyamik. Yeuyaman waapane kuninggen.

Lotutane Kap Taknga 25:14

Anututa notna ngangu aminu ie gepbiatang koyuaingge nataak. Siwan ita kepi noman takngna tawaningge yanindamukgak.

Matyu 6:22

“Kaikata gupbatane kakaa sike kaikata take yuwanu kakaa akngane yuke take kuya.

Wamu Takeaknga Lukga Matakut Taknga 8:15

“Siwan zakngi kundu muban keu take komune pimaking ngang danit takngae anzing natapnangge. Aminu kunduta Anututane wam maakngita natake musiaatang siakan ngang natake wamna katak gwaamuke kekekake pasiwa nanam zau buyana aatning,” ngang Jesuta unzing yanikut.

Wamu Takeaknga Jonda Matakut Taknga 3:21

Ngana aminu sanga siakan taknga tasiwiu ita kakaa akngane asapunggak. Ita Anututane gen gwaamuyuk puyana pasinggak ngang anggaman siwan kaningge apunggak.”

Wamu Takeaknga Jonda Matakut Taknga 8:43

Dasingge ginu nae wama katak siknga dua natdekaing? Nae semna natangamuke nae wama natapnangge ginu apbitakaing.

Wamu Takeaknga Jonda Matakut Taknga 8:44

Ginu Setendane donga yuke itane sanga aknga tawanangge kekekake tasikaing. Tupa siknga ita pasikut takngakan apmanu kuut apasinggak. Pasike ita aminu atzipa kupa sanga siakan taknga dua tawanggak. Dasingge? Sanga siakan taknga ie musipatangu dua yuak. Sike kem wamu ita asinggan yanggak. Ita kem amin. Siwan ita kem wamdane toiknga sikngaapa.

Wamu Takeaknga Jonda Matakut Taknga 8:47

Aminu tapatuta Anutue waaknga dakngakengu ita Anutue genu akgwaamumbik. Siwan ngana ginu Anutue waak dua dakngakingge ginu itane gena dua gwaamukaing,” ngang yanikut.

Aposel 17:11

Siwan Judia nana aminu une yuaingu Tesalonaika nana aminda mayaknga umuke tasiking kaknga binga dua tasiking. Aho. Beria nana aminda maaknga pake yuking. Maak pake yuwawa miti wamu yaniwat natake takesiknga natapbing. Natake Anutue wamu tupa siknga ngang yakapsa aminda mataking kaknga gunzitbam asinggan asinggan siakan yakamayak ngang yakengu asinggan kendeking.