Wamu Takeaknga Jonda Matakut Taknga 5:39 - Wantoat

³⁹ Ginu anzing nataaing. Anutue wamu mataking kaknga gatukande tasike undang kayuk yutnanga aknga pake kayuk asinggan asinggan yutnim ngang nataaing. Unzingge natdetdet waaknga noman siknga panangge natake ginu wamu wa yakapsa aminda mataking kaknga asinggan kendeke tasikaing. Siwan ngana wamu wa mataking kakngata nae yapii yakapmanggak.

Wamu Takeaknga Jonda Matakut Taknga 5:39 ပူးပေါင်းရင်းမြစ်များ

Lotutane Kap Taknga 1:2

Aminu waapata Anututane mama wamde asiknga bakngake, gatu mama wamu waakngae zikaane gatu gunzit tapane ba tapduknga wena asinggan natanggamatake tasinggak.

Lotutane Kap Taknga 119:11

Sike nata waiaknga gae dua tasiwitde natake gatane wamba natdetdetnane kekeknga gwa natapa yukut.

Lotutane Kap Taknga 133:3

Sike sanga musipna gwendukan yutnanga aknga wa unzing, yekap piokga tawanu Hermon dakane gatu tawanu Saion dakane pimakaing binga. Dasingge, keu waomune Buyambam tapata musia gwendukan teke yuaingu take pasinggak. Pasike ita kayuk asinggan asinggan yutnanga akngana ayamunggak.

Lotutane Kap Taknga 16:11

Gata gika kepi kayuk take yutnanga aknga nae yeikngamukuyak. Gata nae wesim yuwi na kumzang siknga bakngawit. Gata wesim yuke gatangami natane musipmaatangu asinggan asinggan bakngawit.

Lotutane Kap Taknga 21:4

Ita kayuk yutnanga akngae ganiwan gata asiimukuyak. Siwan kayuk yutnanga waaknga tasiwi mamaya siknga asinggan yuwik.

Lotutane Kap Taknga 36:9

Ga sangabamda kayuk yuainggane yapii gika. Siwan gatu kakaatane yapii gika. Ninda kakaa waaknga ga anganggan takamang. Siwan take yuamang.

Matyu 22:29

Siwan Jesuta yake anzing yanikut, “Ginda Anututane wamu tupa siknga mataking kaknga dua nataaing. Siwan ginu Anututane kekeknga aknga kuut dua natake wamu gutonga yakaing.

Wamu Takeaknga Makga Matakut Taknga 10:3

yake anzing yanikut, “Mosesda mama wamu dasing matakut taknga akendekaing,” ngang yaniwan

Wamu Takeaknga Makga Matakut Taknga 12:10

“Anutue wapatang wamu takngatu anzing yakut, ‘Suu gwendu yot mitapsa aminda kake wai pupuknga ngang yake mutewa kukuu wagwenu yotde tepa kusiwan yot gwen tapan kekekanggak.

Wamu Takeaknga Lukga Matakut Taknga 16:29

“Iniwan natake ngana yake anzing inikut, ‘Moseskat ayanikapsa aminkatdane wamu undang. Ge apme natapning,’ ngang inikut.

Wamu Takeaknga Lukga Matakut Taknga 16:31

“Iniwan yake anzing inikut, ‘Moseskat ayanikapsa amikatdane wamna dua natakengu aminu akupsa tapatuta gatu enake yaniwanu siakan ngang natake baniu dua sining,’ ngang inikut,” ngang Jesuta yanikut.

Wamu Takeaknga Lukga Matakut Taknga 24:25

Iniwat yake anzing yanikut, “O giu natdetdetza wena? Gitdane musipza kwanga siknga ge wamu ayanikapsa aminda yaking kakngae siakan ngang dua natamayak.

Wamu Takeaknga Lukga Matakut Taknga 24:27

Yanike Anututane wapatang wamu inae yakapbuu Moseskat ayanikapsa amikatda matakingu uneta apu wamu kuupbamde yapii yanikut.

Wamu Takeaknga Lukga Matakut Taknga 24:44

Siwan ita anzing yanikut, “Na tupa gikat gatake yukengu nata ginu anzingu gwa danikum. Wamu kuupbam Mosesde mama wapatang gatu ayanikapsa aminde wam gatu miti kap buk gopatangu wamu nae mataking wa kuupbam buya asiknga aawik ngang danikumde yapii daniwa natapnong.”

Wamu Takeaknga Jonda Matakut Taknga 1:45

Siwan Filipda Nataniel tawataku kake anzing inikut, “Tupa siknga Mosesda aminu tapatue natake mama wapatang matatekut. Siwan yanikapsa aminu kuupbamda aminu waapae matateking kapa gwa kakumang. Umana Jesu ngang inikingu waapa Nasaret yot gapmane nana. Josepde waak,” ngang inikut.

Wamu Takeaknga Jonda Matakut Taknga 5:32

Sike tapatuta nae wamu kuut ayakapmanggak. Wamu wa yakapmanggak kakngae natapa siakan singgak.

Wamu Takeaknga Jonda Matakut Taknga 5:36

“Siwan ngana sanga Jon yapbikuu waakngata natane yapii yakapmanggak. Puya kuupbam Nanata nae namukuu nata puya waaknga tasiwawa nanduke Nanin Anututa initewan apbut tapa unin ngang anggaman nataaing.

Wamu Takeaknga Jonda Matakut Taknga 5:40

Yakapan ngana ginu kayuk yutning kaknga tanangge natake ngana nae dua apukaing,” ngang yanikut.

Wamu Takeaknga Jonda Matakut Taknga 5:46

Sike ginu Mosesde mama wam natapa siakan sikut gamu ginu nae wapaya natapa siakan siwan. Dasingge? Ita nae yapii yakapmake matakut.

Wamu Takeaknga Jonda Matakut Taknga 7:52

Siwan wa aminda yake tapatekwa wamu anzing iniking, “Gakaa Galili nana aminu tapatu ba ge unzingu yanggayak? Anututane wamu katak siknga kendeke ayanikapsa tapatuta Galili kep komuneta apikge mataking kaknga tawambi maiwik. Unzingu wena. Dua mataking,” ngang iniking.

Aposel 13:27

Siwan aminu Jerusalem nana moo amikat take amikat ngangga Jesu kake ngana waapa gatanimuya apanin ngangu dua natapbing. Wa aminda Anutue wamu tupa siknga ngang yakapbing aminda matatekingu yuwatakak tapduk gwene asinggan kendeke tawake ngana yapii dua nataaing. Yapii dua natake Jesu tanguwa kupikge wam yawa kekekawan wamu wa ayakapsa aminda tupa siknga matateking kaknga buya unin aakut.

Aposel 17:11

Siwan Judia nana aminu une yuaingu Tesalonaika nana aminda mayaknga umuke tasiking kaknga binga dua tasiking. Aho. Beria nana aminda maaknga pake yuking. Maak pake yuwawa miti wamu yaniwat natake takesiknga natapbing. Natake Anutue wamu tupa siknga ngang yakapsa aminda mataking kaknga gunzitbam asinggan asinggan siakan yakamayak ngang yakengu asinggan kendeking.

Aposel 26:27

Siwan asikaya ga wamu tupa siknga Anutue wam yakapbing aminda yaking kakngae natapi siakan ba singgak? Gata atnatapi siakan singgaknga atnataat,” ngang inikut.

Pas Polda Rom Nana Aminde Matayamukut San 1:2

Tupa siknga Anututa wamu take waaknga yawan itane amina ayanikapsa aminda natake Anututane wamu take waaknga mataking.

Pas Polda Rom Nana Aminde Matayamukut San 3:2

Aho. Sanga takeaknga kwaapzangga aake gatanima aminu kuupbam asiknga yapbike yuamang. Sanga take tupan taknga aake gatanimunggak kaknga anzing. Anututa inane wamna ninu Judia nana amindekan tupa siknga atnimukut.

Kolosi 3:16

Sike ginda wamu kuupbamu Kraisda yakuu musipzaatang gitna siknga pake yutnong. Yuke ginda natdetdeu nomana siknga takngatu takngatu gindane notzae yanindamutnong. Yanindamuke ginda musipzaatang Anutue inimbakngake miti kau inata inata tainong.

Hibru 11:16

Ngana wa aminda keu waom tanangge dua yaking. Aho. Keu waomu take ngana keu take siknga komdu enandang yuakge natake wa aminda musia tewa undang kukut. Unzingge Anututa yot bamu gapmandu wa aminda yutningge gwa tandakngatekut. Tandakngatekutde wa aminda ga nindane Anutunin ngang ininingge Anututa semna dua nataak.

Hibru 11:35

Siwan aminu waakwakat nana kunduta akumbing ngana wa kumbing amindane minga ba maatna ba samina ngangga Anutue natapa kekekawan aminu akumbingu gatuna enaking. Siwan iwanata enake aminu waakwakat nana kundutane gupna asiknga pasiwa maiwa wa aminu akumnanga siking. Sike wa aminda masa Anutue imanu iwanata wa aminu asandeke pewa kuning. Ngana wa aminda Anutu kakusike iwanae wamu dua tawaking. Aho. Wa aminda natake ninda Anutue kekeknga yuke kumnanu apmea Anututa ninu gatuna pangenawan ninda take siknga yutnim ngang natake yuwawa zipa kumbing.

Wamu Jonda Mia Kake Matakut San 19:10

Ita unzing naniwan natake nata angela waapa tumuk wam ininangge natake nata itane nomune gwetawa ngana ita na anzing nanikut, “Gata unzingu ma tasiwim! Aho. Na Anutu dua. Na gatane puya amin notda tapatu. Sike na gatane notda bamu Jesutane umana yakapmakaing amindane puya amin notna tapatu. Gata Anutu awiapaekan tumuk wam iniyo,” ngang nanikut. Siwan wamu ninda Jesue natake yanikapmakamangu Anututane wam yanikapsa aminu kuupbamda wamu waakngakan yanikapmakaing.