Wamu Takeaknga Jonda Matakut Taknga 21:5 - Wantoat

⁵ Siwan Jesuta yake, “Waaknga! Asikaya ginu pis kundu apaing,” ngang ninikwaiwan yake, “Wena,” ngang inikumang.

Wamu Takeaknga Jonda Matakut Taknga 21:5 ပူးပေါင်းရင်းမြစ်များ

Lotutane Kap Taknga 37:3

Gata Anutuekan banip siknga siyo. Sike noman takngakan tasiyo. Unzing tasikengu gata take asinggan kepbane yuya. Siwan sanga tapatuta ga dua tasiwan maiya.

Matyu 14:15

Sike bangee ninu itane pandetnata ie kuku anzing inikumang, “Keu akomu aminu wena siwan gunzit kaya gwa pukunggak. Unzingge gata aminbamu yanipewi you gapmanduine kuku nanamna undang usiut,” ngang inina

Wamu Takeaknga Makga Matakut Taknga 8:7

Siwan pandetnata pis dakatu dakatu kaya. Siwan ita pake Anutu inimbakngake puke pandetnae yamuke yaniwan pis wa kuut usanziyama naking.

Filipai 4:19

Sike na atnataat. Natane Nana Anututa ginde natake ginda Jesu Kraisdat gatake yuaing ngang danduke ita sanga kuupbam ginda dapningu atdamik. Asikaya ita sanga kuupbamdane toiknga dua ba dasing?

Hibru 13:5

Siwan ginda manie ma geenguwam. Ngan. Sanga ginda pakaingge natake ninda sanga nisaapmang pakamang ngang yanong. Dasingge? Anututa anzingu gwa yakut, “Nata ga dua gapmambit. Siakan. Nata gae masa dua gamit. Wena siknga,” ngang yakut.

1 Jon 2:13

Sike nata ginu wawi aminuake gwa siya aminde natapa ginda aminu kepat yekapat dua tasike tekut gwene yukut tapae atnataaing ngang natake ginde matandamunggat. Siwan gatu ginu wawi kekeknga yuaing aminde natapa ginda Setenu gwa yapbike yuaing ngang natake gikat kuutde matandamunggat. Ngan waatdakana. Ginda Nanin Anutue atnataaing ngang natake ginde matandamunggat.

1 Jon 2:18

Siakan waatdakana. Tapduu wenga gwenu gwa sinanggenggak. Tupa ginda wamu takngatu Kraisde iwanata apme apik ngang yawa natapbing kaknga buyana gwa aakgak. Iwana kwaapzangga gwa apukaing. Apa kake tapduu wenga gwenu gwa sinanggenggak ngang natapna siakan singgak.