Wamu Takeaknga Jonda Matakut Taknga 19:6 - Wantoat

⁶ Jesuta unzing kepman epan kake yot takwan gwene pasiya aminde takeakwakat gatu akayuya amikatda kake yanggamatake amin saamdakane tanguyo! Amin saamdakane tanguyo ngang yaking. Yawawa Pailatda yake anzing yanikut, “Ginda gisa take amin saamdakane tangutnong. Nata itane gutongana takngatu kawa wena singgakge nata dua tanguwit,” ngang yanikut.

Wamu Takeaknga Jonda Matakut Taknga 19:6 ပူးပေါင်းရင်းမြစ်များ

Matyu 26:58

Pitata masa masa kuyawakut. Kuyawake kuku Anutue yot takwan gwene pasiya aminde tupan tapatane yot daman gwene kopan taukdapakat yuking. Siwan Jesue dasingga tasingamuning ngang natake ita kayukut.

Matyu 27:22

Yawa yake anzing yanikut, “Waapa sandetewa kuwanu Jesu umana Krais ngang inikaing kapae nata dasing tasiwit,” ngang yaniwan kuupbamda anzing yaking, “Amin saamdakane tanguyo,” ngang yawa

Matyu 27:24

Siwan Pailatda kawawan itane wamu take dua siwan amau buyambamda enatnangge siwan kake yangga kundu pake aminu waakwakge kaine tuwangu takngatu tasinangge natake kataknga sauke anzing yakut, “Na ie dau wena. Gisae sanga,” ngang yanikut.

Wamu Takeaknga Lukga Matakut Taknga 23:4

Siwan Pailatda Anutue yot takwan gwene pasiya amindane tupan takwakat aminu kuupbapat anzing yanikut, “Nata aminu aapatane wai takngatu dua kat,” ngang yanikut.

Wamu Takeaknga Jonda Matakut Taknga 18:3

Unzingge Judasda amak aminu kundu gatu Anutue yot takwan gwene kayuya aminu kundu ngang papan keu wakomune apbing. Aminu wa apbingu Anutue yot takwan gwene pasiya amindane take akwakat gatu Ferisi amikatda yanipewa apbing. Apuke lam gwegwen gatu baakatap gatapakapuke sanga amakgane pake apbing.

Wamu Takeaknga Jonda Matakut Taknga 18:31

Iniwa ita yake anzing yanikut, “Gisatakan yawa kumnanga aknga dasingge nae takapukaing,” ngang yanikut. Yaniwan yake anzing iniking, “Ninda gavmandane mama wam sandeke aminu aapa dua tangutna kupik ngang natake gae takapukamang,” ngang iniking.

Wamu Takeaknga Jonda Matakut Taknga 18:38

Iniwan Pailatda natake aminu kepdakane nana tapatuta siakan wam ngang yananga dua ngang natake Jesue anzing inisapdukut, “Siakan wamu wa dasing binga,” ngang inikut. Ita unzing yake kepmanu gatu Judia aminde epuke anzing yanikut, “Nata wai takngatu itane kawa wena singgak.

Wamu Takeaknga Jonda Matakut Taknga 19:15

yake anzing yanggamataking, “Atanguyo! Atanguyo! Amin saamdakane tanguyo,” ngang yaking. Yawawa yake anzing yanikut, “Gindane buyambam tapasa ngana ginu nata amin saamdakane tanguwitde nataaing?” Ngang yaniwan Anutue yot takwan gwene pasikaing aminde takeakwakga anzing yaking, “Ninu buyambaminu tapatu wena! Sisa awia waapakan,” ngang yawa

Wamu Takeaknga Jonda Matakut Taknga 19:4

Unzing tasiwawa Pailatda gatuna epu kepman kuke anzing yanikut, “Nata natapa ita wai takngatu dua tasikut ngang nataat takngae ginda natdetningge nata kepman takepa kanong,” ngang yaniwana

Aposel 2:23

Siwan Anututa wamu tupa yakut taknga tawake apmaau aminu kunduta Jesu take kaitakapu ginde damuking. Dama Jesu ginda take tangutningge yawa kekekawan wai aminda Jesu tapmangga amin saamdakane tanguwa kumbut.

Aposel 7:52

Tupa siknga aminu Anutue wam yanikapbing aminu kuupbam bamsata toknga yamukaking. Dudumna apata apmea apik ngang yanikapa natake ngana bamsata atzipa kumbing. Siwan aminu dudumna apa apik kapata gwa apan kake ngana ginda take wamna yawikge takuke ginda kem yawa aminda tanguwa kumbut.