Wamu Takeaknga Jonda Matakut Taknga 19:18 - Wantoat

¹⁸ Sike keu waomune i amin saamdakane tanguking. Siwan wawi tapaaya kuut iat gatake kaukaut zipbing. Siwan Jesu banakan tanguking.

Wamu Takeaknga Jonda Matakut Taknga 19:18 ပူးပေါင်းရင်းမြစ်များ

Lotutane Kap Taknga 22:16

Siwan wai aminu waakwakga na keu kuupbam nawake umupbasikaing. Unzing kamunda kaap zong umuyawakaing binga. Sike natane kataknga gatu kepina ngangu genata namukaing.

Matyu 27:44

Yawa aminu zipmake sangana kukae panangge tasikumayak kapaau Jesuat wesim zipbing tapaatdaaya kuut sapdut wamu waakngakan yakumayak.

Wamu Takeaknga Jonda Matakut Taknga 18:32

Iniwa tupa Jesuta wamu ina dasingga akupik kakngae yakut taknga buya unin aatnangge singgak.

Wamu Takeaknga Jonda Matakut Taknga 19:32

Iniwa ita yanipewan amak aminda kuke aminu Jesuat zipbing kapaatdane kepi zipbuking.

Aposel 2:23

Siwan Anututa wamu tupa yakut taknga tawake apmaau aminu kunduta Jesu take kaitakapu ginde damuking. Dama Jesu ginda take tangutningge yawa kekekawan wai aminda Jesu tapmangga amin saamdakane tanguwa kumbut.

Galasia 3:13

Siwan Anutue wapatang aminu tapatuta wamu takngatuat anzing matakut, “Aminu tapatu inane waiaknganae tanguwa kupana gupnasan take katau dakatune mitapningu waapae Anututa atemna natangamunggak kapa unin,” ngang matakut. Sike wamu waakngae natake ninu Kraisde natapna aminu Anututa ie atemna natangamukut tapa binga dakngakut. Dakngake ita nin gatanimuke ninu mama wam sandekumangge aminda nisipa kumna Anututa ninde atemna natanimunanga akngane ninu sandekut.

Hibru 12:2

Tasike ninda Jesue natanggamatake kepi ita katak siknga tawake tasikut taknga tawake tasinim. Siwan Jesu waapata amin saamdakane kupikge dua gwaukut. Aho. Ita Anutu kakusike Anututa i gatangaman apmea take siknga yuwikge apbakngakut. Bakngake ita maaknga amin saamdakane kungwake tapik kakngae natapan sanga kwanga moo binga sikut. Siwan apmanu itane umana buyambam siknga siwan ita Anutu nin ninduyuak kapatane katakngi siyaapa saak pukwike yuak. Sike waapata Anutue natapan kekekawan tasikuu wa ita aminu Anutue natapa kekekakuu kuupbam yapbike Anutue asiknga natanggamatake tasikut. Sike ita unzing tasikut takngata nindane musipmin pangenawan ninda Jesu katasike nikaya kuut Anutue natanggamatake tasinim.