Wamu Takeaknga Jonda Matakut Taknga 19:11 - Wantoat

¹¹ Iniwan yake anzing inikut, “Anutu enandang nana apata gae kekeknga dua gamanu ga kekekngaka wena siwan gata nae sanga tapatu tasingamunanga dua. Unzingge aminu na gae kataune tekut tapatane waiaknganata gatane waiakngaka ayapbike buyambam siknga singgak,” ngang inikut.

Wamu Takeaknga Jonda Matakut Taknga 19:11 ပူးပေါင်းရင်းမြစ်များ

Lotutane Kap Taknga 39:9

Siwan ngana na wamu dua yawit. Na gena asiknga umumbit. Dasingge, gika siknga meya aknga nae namukyak.

Lotutane Kap Taknga 62:11

Asingganu nata nataawa Anututa wamu takngatu yakut. Ngan. Wamu takngaya anzing yawan natapbum. “Na Anutu, na kekekngana bamban tapa,” ngang yakut.

Matyu 26:65

Unzing iniwan natake tupan aminu waapata bania toknga siknga natake tauknga wetzukuke anzing yakut, “Ita Anutune umana akngana yaitapaakusinggak. Ninda ie wam yakapningge aminu kunduat dua yayawanim. Wena. Ita Anutue umana akngana gwa yaitapaakusiwan nataamang.

Matyu 27:2

Yake napda wamake taku aminu tupantapa Pailatde imuking.

Matyu 6:13

Siwan gata sanga nin pasiwan sinimde ma ninipakuwim. Sike gata nin gatanimi Setenda ninu dua pasiwa mainim.’

Wamu Takeaknga Makga Matakut Taknga 14:44

Siwan aminu Jesu wa aminde kataune yeuyamik kapata tuwangu takngatu wa aminde tupa yamuke anzing yanikut, “Nata aminu asinimbakngawit tapa Jesu unin. Ginda waapa tanggaganuke take siknga take takunong,” ngang tupa yanikut.

Wamu Takeaknga Lukga Matakut Taknga 22:53

Tapduk bamu na gikat Anututane yot takwan gwene yuwawa ngana ginda na dua tanggaganutnangge tasikaing ngana apmanu ginda tapduknga Anututa tekut gwene tasiwawa zikaa akngatane kekeknganata enane siknga singgak,” ngang yanikut.

Wamu Takeaknga Jonda Matakut Taknga 18:13

Napda wamake Anasde gamok takuking. Sike aminu waapa Kaiafas nakanu wagwene Anututane yot takwan gwene pasiya aminde tupan tapatane yepme.

Wamu Takeaknga Jonda Matakut Taknga 18:3

Unzingge Judasda amak aminu kundu gatu Anutue yot takwan gwene kayuya aminu kundu ngang papan keu wakomune apbing. Aminu wa apbingu Anutue yot takwan gwene pasiya amindane take akwakat gatu Ferisi amikatda yanipewa apbing. Apuke lam gwegwen gatu baakatap gatapakapuke sanga amakgane pake apbing.

Wamu Takeaknga Jonda Matakut Taknga 19:10

Dua iniwan kake ita anzing inikut, “Dasingge? Gata nae wamu dua naniya? Na kekekngana kayaapa. Ge ga akgapmaba kuwiyakge bitakengu amin saamdakane akgutnanga. Asikaya gata ie dua natake wamu takngatu yake dua naninggayak,” ngang inikut.

Wamu Takeaknga Jonda Matakut Taknga 3:27

Iniwa Jonda yake anzing yanikut, “Anututa aminu tapatu dua gatangamanu puya tasinggak kakngata take dua siwik. Sike ita gatangamanu puyana take siknga siwik.

Wamu Takeaknga Jonda Matakut Taknga 7:30

Unzing yanggamatawan natake kaautde tenangge tasike ngana itane tapduknga dua sikutde tanggaganutnangge apmeptaking.

Wamu Takeaknga Jonda Matakut Taknga 9:41

Inikwaiwa yake anzing yanikut, “Kaisata wai sikaing gamu ginu meya buyak dua yuwam ngana ninu take akaamang ngang yakaingge meyasa buyak yuaing,” ngang yanikut.

Aposel 2:23

Siwan Anututa wamu tupa yakut taknga tawake apmaau aminu kunduta Jesu take kaitakapu ginde damuking. Dama Jesu ginda take tangutningge yawa kekekawan wai aminda Jesu tapmangga amin saamdakane tanguwa kumbut.

Aposel 3:13

“Nata ginde daniwa natapnong! Anututa Ebrahapat Aisakat Jekopat ngangge kuyana yukut. Anutu wa baminde kuyana yakut tapata aminu puya amina dakngake yukut tapa umana Jesu ngang inikamang. Itane umana akngana tangenawan umana buyambam siknga sikut. Umana buyambam sikut ngana ginda waapa kaitakopa wamna yawikge teking. Kaitakoke tewa Pailatda Jesu tewan kuwikge musiaatang natayuwawan ngana ginda masa imuking.

Pas Polda Rom Nana Aminde Matayamukut San 11:36

Dasingge? Anutu awia tapatutakan sanga kuupbam ina banipda siwan natake tasike pekutde itane umana enane siknga yuak. Ngan. Ninda itane umana akngana asinggan asinggan yatangenatnim. Siakan.

Pas Polda Rom Nana Aminde Matayamukut San 13:1

Ninu atnataamang. Gavman aminu ina dua gavmanu dakngake yuaing. Aho. Anututa ina katakngata pake pewan gavman amin dakngakaing. Unzingge ginu kuupbamda gavmande gepbiatang yutnong.

Jems 1:17

Kakaa kuupbam ninde kakaatnimukaingu gunzit ba yekap ba yekapdaak ngangu sanga wa kuupbam Anututa ina tasike tekut. Sike ita enandang yuke sanga take siknga kuupbam ninda pakamangu wa atnimunggak. Ita noman tasinggak kaknga teke wai dua tasiwik. Unzing yekap gwenda sipdune buyambam akonggak siwan gatu sipdune mateknga akonggak binga dua Anututa tasike asinggan nomana akngakan tasinggak.

Jems 4:17

Ngan. Aminu tapatuta sanga nomana akngae natake ngana ita bitake dua tasiwiu waapata aminu wai tasinggak kapa dakngawik.