Wamu Takeaknga Jonda Matakut Taknga 19:1 - Wantoat

¹ Unzing yanggamatawa Pailatda amak amina yaniwan Jesu take ipmapa tanguking.

Wamu Takeaknga Jonda Matakut Taknga 19:1 ပူးပေါင်းရင်းမြစ်များ

Lotutane Kap Taknga 129:3

Sike nap takngata ngwipzang siknga ipmapa nuwan masanaatang gupma atdakngaking. Siwan wata mamaya aknga siwa puya ganzik binga sikaing.

Matyu 20:19

dongu kundune nana Anutue dua nataaing aminde yamuning. Yama sapdut wam nanike ipmapa nuke amin saamdakane nuwa kupit. Nuwa kungwakenga tapduu gweaat gwenduat gwene gatuna enawit ngang ninikut.

Matyu 23:34

Siwan nata daninggat. Nata yanikapsaat natdetdetna kayaat Mosesde mama wam danindamumsa amikat ginde yanipewa kuning. Yanipewa ginde kuke daniwa natake ngana ginu iatnana kundu amin saamdakane zipa kumning. Siwan kundu moo zipa kumning. Siwan kundu kaipakapu miti yot gwene koke ipmapa zipmake kundu toknga takngatu takngatu yamuke yot gapma inandek tawatakuwawa yot gapma gapma inandek kuning.

Wamu Takeaknga Lukga Matakut Taknga 18:33

ipmapa nuke tasisikanga apmea nuwa kupit. Kungwake gunziu gweaat gwenduat kawa sandewana gatuna enawit,” ngang yanikut.

Wamu Takeaknga Lukga Matakut Taknga 23:16

Unzingge nata moo ipmapa tanguke tewa kunggawan,” ngang yanikut.

Wamu Takeaknga Lukga Matakut Taknga 23:23

Yaniwan ngana akekekake kumzang yanggamatake amin saamdakane tanguwikge yake Pailatde wamu ayaitapaakusiking.

2 Korin 11:24

Siwan Judia nana aminda na tanggaganuke nap takngata ipmapa nukgawa kuku 39 dakngakut. Sike sanga waaknga sipdu sipdune tasiwawa kuku katau kuut musa sikut.

Hibru 11:36

Ngan. Wa amikat nana kundu iwanata sapduyamuke asipmapa zipbing. Sike kundu panggaganuke sen takngata wambing. Sike kundu kaautde peking.

1 Pita 2:24

Ngan. Jesuta nin gatanimuke nindane toknga aknganinu Anututa waiaknganinde natake ninde atnimik kaknga panimuke ita amin saamdakane ninde tangge kungwanimukut. Ita ninde natake nindane waiaknganin sandetnimuke ninda Anutue baniu katak siknga tawake tasinimde natake ita kungwanimukut. Ngan. Sanga wa Jesu tanguwa ita ginde tangge kungwandamukut takngata gin pasiwan take siking.