Wamu Takeaknga Jonda Matakut Taknga 18:4 - Wantoat

⁴ Siwan Jesuta sangabamu ie apiu atnatapbut. Atnatake kawawan aminu waakwau apa kake ita inengan kuke anzing yanikut, “Ginu maminde tawakaing,” ngang yanikwaiwan

Wamu Takeaknga Jonda Matakut Taknga 18:4 ပူးပေါင်းရင်းမြစ်များ

Lotutane Kap Taknga 27:3

Siwan amak aminu buyambamda apu na nutnangge yupbasiwanu nata dua gwaumbit. Ngan, iwanata apan naat amakengu na Anutue banip singgat takngae natapa kekekawik.

Lotutane Kap Taknga 3:6

Natane iwana 10,000-nu kepna kepna nanata umutnawakaing. Umutnawawa ngana nata ie dua gwaukgat.

Matyu 16:21

Siwan tapduu wagwenuneta Jesuta pandetna tuwanguke Jerusalem gapmane asiknga kopikge anggaman ninikut. Undang kopan ninu Judia amindane take amikat gatu Anututane yot takwan gwene pasiya amindane take akwakat gatu mama wam yanindamumsa amikatda ie meya takngatu takngatu imuning. Imuke yawa tanguwa kungwake gatu tapduu gweaat gwenduat gwene gatu enawikge wamu anggaman ninikut.

Matyu 26:2

“Ginu atnataaing. Gunziu gweaya kana sandewana Pasova yuwatakak tapduk takwan gwenu kanim. Siwana na aminbamde notnaapa dakngake yuat tapa aminda yeuyama amin saamdakane nutning,” ngang ninikut.

Matyu 26:21

Pukwike atnayuwatna anzing ninikut, “Nata siakande siknga daninggat. Gikatnana tapatuta na natane iwanae yeuyamik,” ngang niniwan

Matyu 26:31

Siwan koyuk anzing ninikut, “Anututane wapatang anzing matakut, ‘Nata aminu sipsipde toiknga tanguwa kupan sipsipnata unda undang datakuning ngang matakuu zikaa anggwene buya unin asaawik. Aminda na nuwa kake ginda nae natapa kekekakut takngata apimapik.’

Wamu Takeaknga Lukga Matakut Taknga 24:44

Siwan ita anzing yanikut, “Na tupa gikat gatake yukengu nata ginu anzingu gwa danikum. Wamu kuupbam Mosesde mama wapatang gatu ayanikapsa aminde wam gatu miti kap buk gopatangu wamu nae mataking wa kuupbam buya asiknga aawik ngang danikumde yapii daniwa natapnong.”

Wamu Takeaknga Jonda Matakut Taknga 13:1

Siwan yuwatakak tapduk Pasova gwenu gwa dapakaawan Jesuta anzing atnatapbut. Tapduknga keu andaka teke Nanae kuwitde gwenu gwa dapakanggak ngang natapbut. Siwan ita aminabamu keu andakane yuaingge banip gwaang natayamukut. Banip gwaang gatukande natake yutakusika ita akumbut.

Wamu Takeaknga Jonda Matakut Taknga 13:11

Wamu waaknga ngang yake aminu waapata ie iwan aminde yeuyamikge natake gikatnana tapatuta dudumna dua yuak ngang inikut.

Wamu Takeaknga Jonda Matakut Taknga 18:5

yake, “Ninu Jesu Nasaret nana apae apu tawakamang,” ngang iniwa yake, “Waapa nakan,” ngang yanikut. Siwan Judas aminu ayeuyamuyaapa iat gatake yuking.

Wamu Takeaknga Jonda Matakut Taknga 18:7

Pimake yuwawa Jesuta gatuna yake, “Ginu maminde tawakaing,” ngang yanikwaiwan yake, “Jesu Nasaret nana apae tawakamang,” ngang iniking.

Wamu Takeaknga Jonda Matakut Taknga 19:28

Siwana Jesuta anzingu atnatapbut. Itane puyana kuupbam gwa tasiwan puyukgak ngangun. Siwan Anututane wamu matakingu buyana asaawikge ita anzing yakut, “Na yanggae nataat,” ngang yawan

Wamu Takeaknga Jonda Matakut Taknga 6:64

Siwan ngana gikatnana kunduta wamu waakngae natapa siakan dua singgak,” ngang ninikut. Siwan tapduknga aminbamda itane wamna tupan natapbing gwenuneta Jesuta aminbamu baniaatang usanzike aminu waakwakga nae natapa siakan dua siwik. Siwan aminu waakwakga nae natapa siakan siwak ngang anggaman natapbut. Natake aminu iwande yaman taning kapae anggaman natapbut.

Aposel 2:28

Gata yeukngami nata kayuk yuwitde kepi aknga gwa kakum. Kawa gaat naat unekan gatake yuwatda banipma tatanga siknga siwik,’ ngang natake Devitda matakut.

1 Pita 4:1

Siwan iwanata enake Krais tanguwa kumbutde natake ginda gisane musipza papa kekekawikge natdetdeu Jesuta natapbut taknga tanong. Natdetdeu wa take ginda anzing natapnong. Aminu tapatuta toknga pakengu asikaya waapata waiakngana undang dua bitatewik ba dasing? Aho. Ita asiknga bitatewik.