Wamu Takeaknga Jonda Matakut Taknga 18:20 - Wantoat

²⁰ Inikwaiwan yake anzing inikut, “Nata wa aminu wamu anggaman asinggan yamukum. Asinggan nata aminbamu miti yot gwene gatu Anutue yot takwan gwene Judia aminda unekan apuke kekepna yuaing komune yanindamukum. Nata wamu takngatu kusopuknga atangu dua yakum.

Wamu Takeaknga Jonda Matakut Taknga 18:20 ပူးပေါင်းရင်းမြစ်များ

Lotutane Kap Taknga 22:22

Gata unzing tasiwinu nata notnabamde gatane umanda buyambamu yanikapit. Sike tapduu miti kanangge unekan yutningune na banakan kuke gae siknga inata kundu natapit.

Lotutane Kap Taknga 40:9

Buyambam tapa, nata gatane wamu takeaknga aminbamde ayanikapmanggat. Yanikapmake, Buyambam tapata ninu gatuna apanggak ngang yaninggat. Sike Buyambam tapana, gata wamu wa yanikapmanggatde atnataayak. Nata wamu waaknga asinggan yakapitde nata gena dua umuke yuwit.

Matyu 24:26

“Unzingge aminda anzing ba danining. Kanong! Ita atu amina wena kopatang yuak ngang daniwanu ugwak saau ma kuwam. Siwan gatu anzing ba yaning. Kanong! Ita you anggwekatang yuak ngang daniwanu siakan ngang ma natapam.

Matyu 26:55

Inikenga aminbamu anzing yanikut, “Ginu na tanangge apuke paip gatu zagwa ngang pake ginda kuka aminu tapatu wamnangge apukaing ba dasing? Tapduk bamu nata Anututane yot takwan gwene yuke aminbam yanindamuba nanduke ngana ginda na dua tanggaganukaing.

Matyu 26:65

Unzing iniwan natake tupan aminu waapata bania toknga siknga natake tauknga wetzukuke anzing yakut, “Ita Anutune umana akngana yaitapaakusinggak. Ninda ie wam yakapningge aminu kunduat dua yayawanim. Wena. Ita Anutue umana akngana gwa yaitapaakusiwan nataamang.

Matyu 4:23

Siwan Jesuat itane pandetnaatda Galili keu kuupbam pasitakuke ita aminu kuupbam inane miti yotnane koke yanikut. Yanike wamu takeaknga ngang yake Anututa amin panangge tasinggak kakngae wam yake sangabamda gupnaapa aminbam pasiwan maikingu sandeyamukut.

Matyu 9:35

Siwan Jesuta yotbam gapma gapma gatu yot matek gapma gapmane inandek inandek kuke miti yotnane koke yanindamukut. Wamu takeaknga Anututa amin panangge tasinggak kakngae wam yanikapmake mait aminu pasiyaman kuupbamda take siking.

Wamu Takeaknga Makga Matakut Taknga 8:32

wamu waaknga yake anggaman siknga yakapbut. Yakapan natake Pitata Jesu kwaim saak takuke inatakan yuke gata toknga waakngata gae apikge ma yawim ngang kaanga inikut.

Wamu Takeaknga Lukga Matakut Taknga 21:37

Siwan tapduk bamu Jesuta Anututane yot takwan gwene pakoke yanindamukut. Sike zikaane ita tawanu Oliv ngang inikaing dakane sipdu sipdu kokakut.

Wamu Takeaknga Lukga Matakut Taknga 4:15

Natake yuwawa ita asinggan miti yot katang koke yanindamuwawan natake aminbamda itane umana aknga yatangenaking.

Wamu Takeaknga Jonda Matakut Taknga 18:21

Dasingge gata na nanikwaikgayak? Gata aminu wamu waaknga natapbing amin yanikwaiyo. Wa aminu wamu nata yakum taknga atnataaing,” ngang inikut.

Wamu Takeaknga Jonda Matakut Taknga 6:59

Jesuta miti you Kapaneam yot gapmane nana gwene koke yanindamuke wamu waaknga ngang yanikut.

Wamu Takeaknga Jonda Matakut Taknga 7:14

Siwan tapduk takwanu wa yuking gwenu banakan kopatang Jesuta Anututane yot takwan gwene koke aminbam yanindamukut.

Wamu Takeaknga Jonda Matakut Taknga 7:26

Ita dua kusopuke wamu aminbam yaniwawan ngana aminu tapatuta sapdut wamu takngatu ie dua ininggak ngang yaking. Take aminda atnatake Anututa tapan Krais gatanimuyaapa unin ngang natapa siakan singgak gamu dua inindakngawam.

Wamu Takeaknga Jonda Matakut Taknga 7:28

Siwan Jesuta Anututane yot takwan gwene yuke aminbam yanindamuke anzing yanggamatakut, “Ginu nae atnataaing. Siwan ginu natane yotnae atnataaing! Ngana ninae banipda natake dua apbum. Wena. Atnanitewan apbum tapata siakande yuak. Siwan ngana ginu ie dua nataaing.

Wamu Takeaknga Jonda Matakut Taknga 7:4

Aminu tapatu amin bamda kaningge natakengu ita sanga kusopukngaatang dua tasinggak. Sike gata sanga unin tasinanggengu aminu kuupbamde kaine anggaman yuke tasiyo,” ngang iniking.

Wamu Takeaknga Jonda Matakut Taknga 8:2

Siwan tembana siknga ita gatuna Anutue yot takwan gwene kukut. Kundopan aminu maya wawi kuupbamda ie apundopa ita pukwike yanindamukut.

Wamu Takeaknga Jonda Matakut Taknga 8:26

Na wamu kwaapzang nata sanga ginu wai tasikaing kakngae yake toknga paningge usanziwit. Ngana na atnanitewan apbum tapata wamu siakan gan naniwan natapbumu nata aminu kepdakane nana aminde yaninggat,” ngang yakut.

Aposel 26:26

“Takeapana! Sanga waakngae ganinangge dua gwaukgat. Gata sanga wa kuupbamu atnataayak. Sanga wa ganinggat taknga anggaman aakinggen. Sike ganinangge dua maakat.