Wamu Takeaknga Jonda Matakut Taknga 18:12 - Wantoat

¹² Unzing iniwana amak amikat gatu iat gatake apbingga Jesu tanggaganuke napda wambing.

Wamu Takeaknga Jonda Matakut Taknga 18:12 ပူးပေါင်းရင်းမြစ်များ

Lotutane Kap Taknga 118:27

Buyambamtapa awiapa Anutu siknga unin. Ita ninu kakuya take siknga pasiwan ninu itane kakaa akngane take yuamang. Siwan, ginda musip gwaang natake katap kaing pake alta dakane kuke takumbasinong.

Matyu 26:57

Sike aminu Jesu tanggaganukingga take Anutue yot takwan gwene pasiya amindane tupantapa umana Kaiafas. Itane yotnane takuking. Siwan mama wam yanindamumsa amikat gatu Judia amindane take amikau pauu atasike yuwawa undang takuwawa

Matyu 27:2

Yake napda wamake taku aminu tupantapa Pailatde imuking.

Matyu 27:27

Siwan Pailatdane amak aminu kunduta Jesu Pailatde yotnane takoke amak aminu waakwakatnana kuupbamda ie kuke doke yuking.

Wamu Takeaknga Makga Matakut Taknga 14:53

Siwan Jesu take Anutue yot takwan gwene pasiya amindane tupan tapae takuke tewa Anutue yot takwan gwene pasiya amindane takeakwakat gatu Judia amindane take amin gatu mama wam yanindamumsa amin ngangga undang apundopbing.

Wamu Takeaknga Makga Matakut Taknga 15:1

Siwan tembana siknga kwakaawana Anutue yot takwan gwene pasiya amindane takeakwakat gatu Judia amindane take amikat gatu mama wam yanindamumsa amikat gatu sios kaunsil kuupbapatda paut tasike yawa Jesu napda wamake taku Pailatde imuking.

Wamu Takeaknga Lukga Matakut Taknga 22:54

Siwan wamu waaknga yawan puyuwana tanggaganuke takuke kuku Anututane yot takwan gwene pasiya aminu tupan tapae yotnane takowawa Pitata masa masa kuyawakut.

Wamu Takeaknga Jonda Matakut Taknga 18:3

Unzingge Judasda amak aminu kundu gatu Anutue yot takwan gwene kayuya aminu kundu ngang papan keu wakomune apbing. Aminu wa apbingu Anutue yot takwan gwene pasiya amindane take akwakat gatu Ferisi amikatda yanipewa apbing. Apuke lam gwegwen gatu baakatap gatapakapuke sanga amakgane pake apbing.

Aposel 10:1

Aminu tapatu umana Konilias ngang iniking. Ita Sisaria yot gapmane yukut. Ita amak aminu Itali kep komune nana 100-dane tupan tapa dakngake yukut.

Aposel 21:31

Gwabou yapukusikenga Pol wesipa tanguwawa wamu Rom nana amak amindane tupan tapae wamu anzing yatewan kukut, “Jerusalem nanata aminu tapatu undang wesipa tangukaing,” ngang yatewan kukut.

Aposel 21:37

Amak aminda Pol take yotnaatang takopnangge gwaamutake kowawa Polda tupan tapa Grik wam tangan anzing inikwaikut, “Wamu takngatu take ba ganiwit,” ngang iniwan yake anzing inikut, “Grik wamu atnataayak?

Aposel 23:10

Unzing yawawa kumzang yanganuke tasiwawa amak amindane tupan tapata kayuke aminu paut tasikingga Pol katakngine take kaukautda kaiwa kaiwa tasiwan dakngayak ngang natagwauke amina yanipewan puku Pol kaiwa kuwan take taku yotnaatang takopbing.