Wamu Takeaknga Jonda Matakut Taknga 17:17 - Wantoat

¹⁷ Gatane wamu siakan yanggayak kaknga kuupbam wa aminde asinggan yami pake gatane amindabam daknganong.

Wamu Takeaknga Jonda Matakut Taknga 17:17 ပူးပေါင်းရင်းမြစ်များ

Lotutane Kap Taknga 119:104

Gatane mama wambata natdetdeu take namunggak. Unzingge waiaknga kuupbamde asiknga bitanggat.

Lotutane Kap Taknga 119:11

Sike nata waiaknga gae dua tasiwitde natake gatane wamba natdetdetnane kekeknga gwa natapa yukut.

Lotutane Kap Taknga 119:144

Gatane mama wamu asinggan asinggan noman yuak. Gata gatangami nata natdetdet wamu waakngae natdeke kayuu ayuwit.

Lotutane Kap Taknga 119:160

Gatane wambatane yapii aknga, wamu siakan taknga unin. Ngan, gatane mama wamba nomanu waaknga asinggan asinggan yuak.

Lotutane Kap Taknga 119:9

Dasing siknga wawi matek tapata noman taknganekan sukuwik? Ita gatane wamba katak tawakengu nomangan sukuwik.

Lotutane Kap Taknga 12:6

Buyambam tapatane wamu kuupbam siakan gan. Itane wamu take siknga, unzing suu gwendu silwa ngang yanikaingu katap gwene tapduu katau kuutmusa gatu kautdu gweyaa ngang sawan dopna wena siknga singgak binga.

Wamu Takeaknga Lukga Matakut Taknga 8:11

“Siwan tuwang wamu waakngatane yapii daniwa natapnong. Zakngi muban pimaking ngang danit takngae anzing natapnangge. Aminu tapatuta Anututane wam yaniwan natapning.

Wamu Takeaknga Lukga Matakut Taknga 8:15

“Siwan zakngi kundu muban keu take komune pimaking ngang danit takngae anzing natapnangge. Aminu kunduta Anututane wam maakngita natake musiaatang siakan ngang natake wamna katak gwaamuke kekekake pasiwa nanam zau buyana aatning,” ngang Jesuta unzing yanikut.

Wamu Takeaknga Jonda Matakut Taknga 15:3

Siwan kainga matawan kaikasike buyana buyambam aakaing binga wamu wa gwa danikum takngata wasapza gwa sandetdaman yuaing.

Wamu Takeaknga Jonda Matakut Taknga 17:19

Siwan nata natane aminabam gatayamunangge natake nata gae amin siknga dakngake yuwitde yanggat. Unzing yake aminu waakwakga gatane siakan wam gwaamuke, wa aminu kuut gae amin siknga daknganingge natake yanggat.

Wamu Takeaknga Jonda Matakut Taknga 8:32

Siwan ginu siakan wamu anggaman natdeke yuwawa siakan wamu waakngata gatandamuke sanga gin panggaganuwan yuaing kakngane sandetdaman noman gan yutning,” ngang yanikut.

Wamu Takeaknga Jonda Matakut Taknga 8:40

Nata siakan wamu kuupbam Anututa yawan natapbumu waakngakan nata ayakapbum. Siwan ngana ginda na atnuwa kupitde tasikaing. Ebrahamda unzingu aminu nomanu tapatu tanguwa kupikge dua tasikut.

Aposel 15:9

Sike ninde inata taknga dua tasike ie inata taknga dua tasikut. “Aho. Jesue natake gatanimuya apanin ngang natapa kekekawan Anututa kake wasau musiaatang doke yuaunin sandeyamuke musia papan kwakayamukut.

2 Korin 3:18

Siwan ninu kuupbamda sanga Anututa nin gatanimuke tasikut takngae anggaman natdeke ie natanggamatake Buyambam tapaninde natapna nomana siknga apa siwik. Sike ninda nomana siknga waapa binga daknganim. Unzing gunzitdane waengata glas sakatang kawan waengata amindane nopatang tapan waenga siwik binga ninu wamu take siknga waakngae natanggamatake tasikengu ninda amin noman daknganim. Tupanu take daknganim. Ge gatu masanu takesim daknganim. Dakngake ina unzakan tasitakusika masande aminu nomana siknga Anutu binga daknganim. Siwan puya waakngatane yapii Buyambam tapaninu unin. Ngan. Waung Kapata nin pasiwan aminu nomana siknga daknganim.

Efesas 4:21

Na atnataat. Ginda Kraisde wam natake itane gepbiatangu gwa kopbing. Koke ginda iat gatake yuwawa siakan wamu tupa Jesuta Anututane kepi akngae natake yakut taknga puya aminu kunduta gwa danindamuking.

Efesas 5:26

Ngan. Kraisda ninde tangge wa kungwanimukuu ita ninu itane aminabamdane waiaknganin sandetnimunangge natake tasikut. Nindane waiaknganin sandetniman yanggata sautnimukaing binga inane wam takngata nin papan nomatanimde natake ita ninde tangge kungwanimukut.

2 Tesalonaika 2:13

Siwan ngana mate notnabam. Buyambam tapaninu Jesuta ginde musip gwaang natandamunggak. Siwan ninda ginde natake asinggan Anutue dua inimbakngakamang gamu noman dua siwan. Unzingge ninda asinggan inimbakngakamang. Siwan Anututa ginu tupa waiakngasae gepbiatang tupa yuking kaknga sandetdamunangge natapbut. Natapan Waung Kapata ginde musipatang pukuke pasiwan ginda siakan wamu Jesue danikumang kakngae natapa siakan sikut. Ginda natapa siakan siwan aminu dudumna amin daknganingge natake Anututa tupa siknga tapduknga kepat yekapat dua tasike tekut gwene ita yawan yuaing. Ita unzing yakut takngae natake ninda asinggan Anutue inimbakngakamang.

Jems 1:21

Unzingge ginda waiakngasa kuupbam apbitapenong. Apbitapeke Anutue gepbiatang koyuke itane wamna gindane musipzaatang kwainggau waaknga gitna take apbaknganong. Siwan wamu waakngata gin gatandamuke ginda waiakngasae toknga pananga akngane ginu asandewik.