Wamu Takeaknga Jonda Matakut Taknga 17:15 - Wantoat

¹⁵ Nata tumuk wamu gata natane aminabam keu andakane sandeke papiakge dua yanggat. Aho. Nata tumuk wamu gata toimbi aminu waiapata dua pasiwan mainingge yanggat.

Wamu Takeaknga Jonda Matakut Taknga 17:15 ပူးပေါင်းရင်းမြစ်များ

Lotutane Kap Taknga 121:7

Buyambam tapata ga kakuya tasiwawan sanga waita ga dua tasiwan maiwiyak. Ngan, ita gae kakuya tasike ganduyuwik.

1 Jon 5:18

Siwan ninu atnataamang. Aminu Anutue waaknga yapana dakngake yuaing aminda sanga waiakngae gepbiatang dua yuainggen. Wena. Anututane waaknga Jesu waapata aminu Anutue waaknga yapana dakngake yuaing aminu katak siknga kayuak. Kayuke Setendane katakngane wa aminu sandewan waiakngae kepi dua tawakaing. Wena.

2 Tesalonaika 3:3

Siwan ngana aminu kem wamu dua yake siakan gan asinggan tasinggak kapa Buyambam tapaninu Jesu unin. Sike ita gin papan kekekawan gin toiban Setenda ginu dua kaipakuwik.

Galasia 1:4

Jesu waapata Nanin Anutue banip tawake nin gatanimukut. Gatanimuke ninu nisane waiaknganinde toknga pananga akngane ninu sandekut. Ninu aminu wai aminu tapduu ayuamang komune nana aminde gepbiatang dua yutnimde natake ita epuke kungwanimukut.

Matyu 6:13

Siwan gata sanga nin pasiwan sinimde ma ninipakuwim. Sike gata nin gatanimi Setenda ninu dua pasiwa mainim.’

Wamu Takeaknga Lukga Matakut Taknga 11:4

Ninda waiaknga pasinimukaing amindane waiakngana sandeyamukamang binga ninda waiaknga tasikamang kaknganinu sandetnimuyo. Gata dua nindupewi iwaninda ninu pasiwa sining,’ ngang yanong,” ngang yanikut.

Lotutane Kap Taknga 30:9

Sike nata akupanu sanga nomanu dasing bingata aawik? Sike nata akungwake matmaune kuwanu sanga waakngata mamin gatangamik? Aminu gwa kumbingga gatane umanda apme yatangenatning ba dasing? Asikaya waaminda asingganu gata waaminde take tasiyamukuyak kakngae yakapning ba dasing? Wena. Dua yakapning.

2 Timoti 4:8

Yanikapmake tasiwa nanduke Anututa natapan take siwan ita sanga takeaknga namunangge yawan yuak. Tapduknga Buyambam tapaninda aminu kuupbam nomana siknga usanziwik gwene ita sanga waaknga atnamik. Unzing aminu asisapmake yapbimbik kapa kupna gwapungaman umana buyambam siwik binga ita sanga takeaknga nae namik. Sike ita na awia apaekan dua namik. Aho. Ita aminu ita apikge take siknga nataaingu kuupbamde kuut sanga takeaknga ayamik.

Matyu 5:37

Sike wamu takngatu kekekawikge natake mamaya ngwakngake yakainggane yapii Seten ngang natayuke ginda siakan ba aho nganggan yanong,” ngang yanikut.

Wamu Takeaknga Lukga Matakut Taknga 22:32

Ita yawan katewan ngana nata tumuk wamu ga gatanggamikge gwa yat. Gata Anutue natapi kekeknga singgak kakngata wena siyak. Siwan masande ga tapi tekwamban apuke gata notda papi kekekanong,” ngang iniwan,

1 Jon 5:19

Sike ninu atnataamang. Ninu Anututane waaknga yapana dakngake yuwatna ngana aminu kuupbamda Setendane kekeknga akngae gepbiatang yuainggen.