Wamu Takeaknga Jonda Matakut Taknga 16:22 - Wantoat

²² Ngang ginda ina unzakan yutning. Apmanu ginu musipzaatang meya nataaing ngana tapduknga nata gatuna gin dandupit gwekatang meya waakngasa sandewan ginda apbaknganing.

Wamu Takeaknga Jonda Matakut Taknga 16:22 ပူးပေါင်းရင်းမြစ်များ

Lotutane Kap Taknga 146:2

Tapduu asinggan kayuk yuwiu itane umana ayatangenawit. Ngan, nata kaau Anututane umana yatangenatnanga kan taisika kupit.

Lotutane Kap Taknga 33:21

Ninda umana noman siknga akngae banip siknga sikamang. Unzingge ninda ie apbakngakamang.

Matyu 28:8

Yaniwan natake kumzang gwauke zetgaman matmat wagwenu teke ngana baniaatang apbakngayuk pandetna nininangge isapmake apbumayak.

Wamu Takeaknga Lukga Matakut Taknga 10:42

Puya takngatuekan nataayak gamu take siwan. Uyapbata puya waakngae natake yuwawan teng ngang ininanga dua siwik,” ngang inikut.

Wamu Takeaknga Lukga Matakut Taknga 16:25

Iniwan natake ngana yake anzing inikut, ‘Bapuna. Katak siknga natapso. Tupa ga kayuk yuke sangaka nomana gwa pakuyak. Sike Lasarasda sanga kuupbam wai pakut ngana apmanu keu akomune musia kwikwikngata yuwawan gata tokngabam panggayak.

Wamu Takeaknga Lukga Matakut Taknga 19:26

ita anzing yakut, ‘Nata daniwa natapnong. Aminu kuupbamda sanga paningu nata kunduat ayamit. Sike aminu tapatuta sanga dua pake mateknga unukan papiu nata wa asandekngamit,’ ngang yakut.

Wamu Takeaknga Lukga Matakut Taknga 24:41

Siwan apbakngake ngana musiane siakan ngang dua natake nangaakan natapa ita anzing yanikut, “Ginu nanamu kundu andangu kaya ba dasing,” ngang yaniwan

Wamu Takeaknga Jonda Matakut Taknga 14:1

Siwan Jesuta gatuna anzing ninikut, “Musipzaatang nangaakan ma natapam. Ginu Anutue natapa siakan singgak. Siwan ina unzakan nae kuut natapnong.

Wamu Takeaknga Jonda Matakut Taknga 14:19

Mateknga kundusim yukenga na dapmake kuwawa aminu Anutue natapa siakan dua singgak aminda gatuna dua nandupning. Aminu waakwakatnana aminda na dua nanduke yuwawa ngana ginda atnandupning. Ginda atnandupa nata kayuk yuke ginda kayuk yutning kaknga atdama kayuk asinggan asinggan yutning.

Wamu Takeaknga Jonda Matakut Taknga 14:27

Nata ginu atdapmambitde natake gatandama ginu nangaakan dua natapning. Gatandama ginu nata musipma gitna nataat takngakan natapnong. Aminu Anutue baniu dua siking aminda unzingu gatandamunanga dua. Ginda musipzaatang nangaakan ma natapam. Siwan ginu ma gwaubam,” ngang ninikut.

Wamu Takeaknga Jonda Matakut Taknga 16:16

“Ge ginda mateknga kundusim yusika nawaba maiwik. Nawaba maiwan mateknga kundusim yukenga atnandupning,” ngang ninikut.

Wamu Takeaknga Jonda Matakut Taknga 16:20

Siakande siknga daniwa natapnong. Ginda masande meya takngatu takngatu kake kwanamu kumzang sitning ngana aminu Anutue masa imukaing aminda musia tatanga natapning. Ginda meya buyak yuwawa ngana meya waakngasata masande wena siwan apbaknganing.

Wamu Takeaknga Jonda Matakut Taknga 16:6

Siwan na akuwitde natake daniwa musipzaatang meya siknga natapa danduat.

Wamu Takeaknga Jonda Matakut Taknga 21:7

Sike nata kake, “Waapa Aanin,” ngang Pita iniwa natake ita Jesue zetgaman kunangge natake tauknga ateke puya tasikutsan wamake yanggaatang paapukukut.

Wamu Takeaknga Jonda Matakut Taknga 4:14

Sike ngana aminu tapatu nata yangga wa imit taknga tangopiu tapduk bamu masande ita gatu yanggae dua natapik. Wena. Sike yangga nata wa imit taknga tangopanu yangga dapunda yangakonggak binga itane musiaatang tasiwan ita kayuk yuwik kaknga pake asinggan asinggan yuwik,” ngang inikut.

Aposel 13:52

Kuwawat Jesue pandetna Antiok yukinggane musiaatang Anututane Waung Kapata pukuke papan wa aminda asiknga bakngake yuking.

Aposel 16:25

Siwan unzing petakumat dakane Polkat Sailaskatda tumuk wamu yake Anutue kapna taikumayak. Taiwawat kaaut amin notna kuupbamda atnatayuking.

Aposel 2:46

Siwan musia buya takngatukan natake gunzitbamu asinggan asinggan Anutue yot takwan gwene koke inindatapbing. Sike nanamu asinggan asinggan yotna yotna koke unekan gatake naking. Nake nanam takwan nake apbakngake yuking.

Aposel 5:41

Yandakngake yanipewa kuking. Kusika aposel aminda anzing yaking, “Take takwakga Jesue maaknga ngang niniwa natamang ngana ninu Jesue gen gwaamutna kekekawan Anututa nindupan take singgak,” ngang yake aposel aminu akuyuk baniaatang tatanga siknga natapbing.

2 Korin 6:10

Gatu aminda nae natapa aminu musia meya natake yuak kapa singgak ngana nata apbakngake yuat. Gatu aminda nae natapa aminu sangaapana wenaapa singgak ngana nata aminu buyambam gatayamunggat. Ngan. Nae natapa aminu sangae dapmagat tapa singgak ngana sanga Anututa tanomanuke nae tengamunggakge natake sangae dapmagat ngangu nata dua natake yuat.

2 Tesalonaika 2:16

Siwan Nanin Anututa ninde butaya natake take siknga gatanimuke ninu musipmin pangenake papan kekekawan ninda iat unekan gatake asinggan asinggan yutnim takngae kayuamang. Siwan Buyambam tapaninu Jesu Kraiskat Nanin Anutuatda musipza pangenake gin gatandamat puya takekan tasike ba wamu noman gan yake yutnangge dua bitaningge nataamang.

Hibru 10:34

Ngan. Ginda aminu toknga yamuke kaautde pewa yukingge butaya natapbing. Siwan sipduine gindane iwanzata enake gindane sangasa sandeke pandama ngana ginda kake ie meya dua natapbing. Aho. Ginda sanga take siknga kekeknga asinggan yutdamunggakge apbakngake wa aminu kapewa yuking.

Hibru 6:18

Ita wamu moo siknga dua yawan kekekakut. Aho. Ita inane umana akngae yawan wamu waakngata kekeknga siknga siwan wamu waaknga sandetnanga dua. Wena. Siwan wamu ita wa yawan kekeknga sikut takngata ninu Anutue kuna ita nin gatanimikge natake iatang yuamang amindane musipmin papan kekekawikge natake Anututa kekeknga siknga yakut. Yawan wamu waakngata nindane musipmin papan kekekawan ninda wamu ita wa yakut taknga buya aawikge apbakngake natayuamang. Apbakngake natayuke natdetdeu ninda Anutuat gatake takekan asinggan yutnim taknga gitna siknga take yuamang.

1 Pita 1:8

Siwan ginda Jesu kaisata dua kaking ngana ginda ie musip gwaang natangamukaing. Ginu kaisata apmaau dua kaaing ngana ginda ie natapa kekekanggak. Sike ginda ie natapa kekekanggak kaknga buya aawan Anututa ginde musip kwikwik natandamuke waiakngasane ginu sandekgak. Siwan ginda sanga wa ita gin sandekgak kakngae natake ginda asiknga bakngake musipza iaknga siknga natake yuaing.