Wamu Takeaknga Jonda Matakut Taknga 16:20 - Wantoat

²⁰ Siakande siknga daniwa natapnong. Ginda masande meya takngatu takngatu kake kwanamu kumzang sitning ngana aminu Anutue masa imukaing aminda musia tatanga natapning. Ginda meya buyak yuwawa ngana meya waakngasata masande wena siwan apbaknganing.

Wamu Takeaknga Jonda Matakut Taknga 16:20 ပူးပေါင်းရင်းမြစ်များ

Lotutane Kap Taknga 30:11

Gatangamuke gata musipma kwanam siknggat taknga gwa sandekngamuke tasiwi nata kau apbakngake tainggat. Tupa na meya siknga natayukum ngana nata kwanam sikum takngae yake tasiwi natane musipmaatang asiknga baknganggat.

Lotutane Kap Taknga 30:5

Sike ita kaanga tapduu dapaknga siknga natanimunggak. Natake ngana ita ninde musia kwikwiknga tapduu ninda kayuk yuamang komune natanimunggak. Kai yangganinu zikaane apimakaing. Siwan ngana tembana ninu gatu apbaknganim.

Lotutane Kap Taknga 97:11

Sandepakapuke amin nomande Anututa kakaa aknga ayamuke pasiwan musip gwaang natake waaminu apbakngakaing.

Matyu 21:38

“Kuke wesim kuwawan kake ina anzing yaking, ‘Aminu aapata nanatane kwatangi apmea papik. Ayok. Tangutna kupan puya angana ninda tana,’ ngang yaking.

Matyu 5:4

Mamin amindaka waiaknganae kwanam sikaingu Anututa aminu waakwakat gatake yutning. Dasingge? Anututa sandeyaman nomana yutning.

Wamu Takeaknga Makga Matakut Taknga 14:72

ngang yayuwawan taakga gatu sipduat yakut. Yawan natake Pitata wamu Jesu anzing inikut takngae gatu natdekut, “Taakga sipmaya dua yawawan gata sipmaat sipduat nae yake ie dua nataat ngang yawiyak,” ngang inikut takngae gatu natdeke kwanamu kumzang sikut.

Wamu Takeaknga Makga Matakut Taknga 16:10

Siwan Mariata kakenga kuku aminu Jesuat gatake sukuking aminda butaya natake kwanamna sike yuking aminde kukut.

Wamu Takeaknga Lukga Matakut Taknga 22:45

Pimawawa wamu yawan puyuwana gatu dandam tangan yuke pandetnae gatu apuke kawan musia meya natake dapuna pekgawa kakut.

Wamu Takeaknga Lukga Matakut Taknga 22:62

Natdeke epu daman gweneta kepman kuke kwanamu kumzang sikut.

Wamu Takeaknga Lukga Matakut Taknga 23:27

Siwan aminu buyambamda tawayuk maya buyambamda kwanam siyuk tawaking.

Wamu Takeaknga Lukga Matakut Taknga 24:17

Siwan kusika Jesuta waapaau anzing yanikut, “Giu wamu dasing kakngae yatakapukamayak,” ngang yanikwaiwan

Wamu Takeaknga Lukga Matakut Taknga 24:21

Sike tupa ninda aminu waapata Isrel nana gatayamik ngang natapbumang ngana apmanu sanga waaknga siwan tapduu gweaat gwenduat gwa yuamang.

Wamu Takeaknga Lukga Matakut Taknga 6:21

Ginu aminu tomsa nataingu apbaknganong. Dasingge? Masana tasindaman natapa musipzaatang take siwik. Ginu kwanam sike yuaing aminu apbaknganong. Dasingge? Masande apmitning.

Wamu Takeaknga Jonda Matakut Taknga 16:33

“Nata gikat gatake unekan sukuwatna ginu dawaba undaundang kuning gwekatang nangaakan dua natake yutningge natake nata wamu waaknga daninggat. Kepdakane yusika ginu meya takngatu takngatu kaning. Ngana gindane musipza kekeknga yuyok. Nata iwaninu kepdakane nana gwa yapbikgat,” ngang ninikut.

Wamu Takeaknga Jonda Matakut Taknga 16:6

Siwan na akuwitde natake daniwa musipzaatang meya siknga natapa danduat.

Wamu Takeaknga Jonda Matakut Taknga 20:20

Ita unzing ninike katakngi gatu ngikngiknga ngang ninde yeutniman kake aanin ngang natake apbakngakumang.

Aposel 5:41

Yandakngake yanipewa kuking. Kusika aposel aminda anzing yaking, “Take takwakga Jesue maaknga ngang niniwa natamang ngana ninu Jesue gen gwaamutna kekekawan Anututa nindupan take singgak,” ngang yake aposel aminu akuyuk baniaatang tatanga siknga natapbing.

Pas Polda Rom Nana Aminde Matayamukut San 5:11

Ita akgataniman Anututa ninde musip kwikwik natanimunggak. Unzingge ninda Anutue asiknga inimbakngakamang.

2 Korin 6:10

Gatu aminda nae natapa aminu musia meya natake yuak kapa singgak ngana nata apbakngake yuat. Gatu aminda nae natapa aminu sangaapana wenaapa singgak ngana nata aminu buyambam gatayamunggat. Ngan. Nae natapa aminu sangae dapmagat tapa singgak ngana sanga Anututa tanomanuke nae tengamunggakge natake sangae dapmagat ngangu nata dua natake yuat.

Galasia 5:22

Siwan ngana Waung Kapata nindane musipmin pangenawan ninda notninde butaya natayamuke gatu apbakngake gatu musip kwikwik natayamunim. Natayamuke gatu iwaninde musipminu toknga zet dua natayamuke gatu amin gatayamuke gatu sanganinu dua kotnake gatu wamu ayakamang kaknga tasina buya aakgak.

1 Tesalonaika 1:6

Siwan ginda nin ninduyuwawa ninda unzing tasikumang kaknga kake ginda ina unzakan tawayuk Buyambam tapaninda asinggan tasikut taknga tawake tasiking. Sike ginda Anutue wam natake banipzaatang gitna take yuwawa aminu banip dua siking aminda meyambamu ginde damukaing. Unzing damuwawa ngana Anututane Waung Kapata gatandaman ginu meya buyak yuke ngana apbakngakaing.

Jems 1:2

Siwan mate notnabam. Meya takngatu takngatuta ginde apa kakengu ginda apbaknganong.

Pas Jutda Matakut San 1:24

Siakan. Anututa nin gatanimunangge natake Buyambam tapaninu Jesu tapan Krais akgatanimuya apanin dakngake apbut. Apuke sanga ninde tasinimukut takngata nindane waiaknganinu sandetnimukut. Anutu awia waapatakan ayuak. Siwan ita ginde katak siknga toiban ginda dua pimaning. Dua pimake yuwawa ita ginu danipake inane nomune pakuwik. Pakuwan ginu gutongasa wena siwan gitna yusika ginda kumzang siknga bakngake yutning. Anutu waapae umana enane siknga yatangenatnim. Ita tupa siknga kekeknga akngana kayaapata yukut. Umana buyambam siknga yuak kapanin. Sanga kuupbamdane toiknga tupan siknga apata yuakge apman gatu tapdukbamu asinggan asinggan ninda umana akngana kumzang yake yatangenatnim. Siakan.

Wamu Jonda Mia Kake Matakut San 11:10

Siwan aminu kepdakane nana aminbamda waapaatda kumbumayakge apbakngake wakum taike nanam sake nake sanga inane notnae imanggaman tasining. Ngan. Wa aminda natake tupa Anututane wam yanikapsa aminu waapaatda meya takngatu takngatu aminu kepdakane nana aminde yamuke tasiwat buyambam sikutde natake waapaatda kumbumayakge asiknga baknganing.

Wamu Jonda Mia Kake Matakut San 18:7

Wa aminda inane umana yapangenake inane gupna kumzang pasigwaanguking. Sike ginda wa amindane umana yaipapaakusike wa aminde meya kwaapzang yamunong. Dasingge? Maya waapata inane musiaatang anzing nataak: ‘Nata tupan sikngaapa yuat. Na kombakobat tapa dua yuat. Sike meya takngatuta nae dua apik,’ ngang nataak.