Wamu Takeaknga Jonda Matakut Taknga 14:14 - Wantoat

¹⁴ Sike ginda naekan natanggamatake sanga takngatue naniwanu nata atasindamit,” ngang ninikut.

Wamu Takeaknga Jonda Matakut Taknga 14:14 ပူးပေါင်းရင်းမြစ်များ

Wamu Takeaknga Jonda Matakut Taknga 14:16

Sike siakan wam takngatane yapii Anututane Waung Kapa unin. Ita gatandamuyaapa dakngake asinggan yuwik. Siwan na dapmake kuke Nana iniwa ita Waungu wa gatandamuyaapa initewan ginde asapik. Initewan apuke gikat gatake asinggan asinggan yutning. Unekan gatake yuwawa ngana aminu Anutue natapa siakan dua singgak aminda Waung waapae dua natake kainata dua kake ie natapa siakan dua siwik. Siakan dua siwan ngana Waungu waapata gikat gatake unekan yuwawa ginda ie atnataaing. Atnatake yuwawa iat gikat asinggan unekan gatake sukuning.

Wamu Takeaknga Jonda Matakut Taknga 15:16

Ginda gisa na aanzae dua taking. Aho. Nata ginu ninae papa pandetna dakngawa nata ginu puyae dapmaba ginda kuke tasiwa buya aawikge natake ginu pakum. Ginda kuke tasiwa buya aawiu asinggan asinggan yuwikge natake ginu pakum. Nata ginu papa aminabam dakngake kuku tasiwa buya aawan ginda Nanae tumuk wam kuupbam inining kaknga ita ginde atdamik.

Wamu Takeaknga Jonda Matakut Taknga 16:23

Apbakngake ginda sanga tapatue dua nanikwaitning. Nata siakande siknga daninggat. Ginda tumuk wamu Nande inike sanga tapatu damikge yawanu ginu natane gen gwaamukaing ngang danduke ita ginde atasindamik.

Wamu Takeaknga Jonda Matakut Taknga 16:24

Ginu nae natake Anututa initewan apu pasinggak ngang natapa siakan singgakge tumuk wam inina Anututa atasinimik ngangu tupa ginu dua natake tasiking. Ngana apmanu ginda unzing iniwanu ita atasindaman ginu asiknga baknganing.”

1 Korin 1:4

Nata ginde natake tapdukbamu asinggan Anutue inimbaknganggat. Dasingge? Jesu Kraisda gindane musipza pangenawan ginda sanga buyambamde natdeke yuaingge nata Anutue inimbaknganggat.