Wamu Takeaknga Jonda Matakut Taknga 13:34 - Wantoat

³⁴ “Ginu kunanga dua ngana mama wamu inata takngatu daniwa natapnong. Nata ginde musip gwaang natandamunggat binga ginda gisae unzakan musip gwaang natayutnong.

Wamu Takeaknga Jonda Matakut Taknga 13:34 ပူးပေါင်းရင်းမြစ်များ

Lotutane Kap Taknga 119:63

Na gae akgwauke mama wamba tawakaing aminkat naat notna notna yuamang.

Lotutane Kap Taknga 16:3

Sike aminu Anututanen, kuupbam take siknga. Na waaminde asiknga baknganggat.

Matyu 5:44

Ngana nata daniwa natapnong. Ginda musip gwaangu iwanzae natayamunong. Siwan ginda tumuk wamu Anutu iniwa natake aminu ginde wai pasindamukaingge gatayamik,” ngang yanikut.

Wamu Takeaknga Jonda Matakut Taknga 15:17

Nata mama wamu anzing damunggat. Ginda musip gwaangu gikatnanae natayamunong.”

Wamu Takeaknga Jonda Matakut Taknga 17:21

Nata aminu wa kuupbam musia takngatukan natake yutningge nataat. O Nana. Gata naatang yuwi naat gatake unekan sukukamak. Ina unzakan. Nata wa aminu nikat gatake unekan sukunimde nataat. Unzing sukuwatna aminu gae masa gamukaing aminda natake gata na nanitewi apbumde natapa siakan siwik.

Pas Polda Rom Nana Aminde Matayamukut San 12:10

Sike ginda notza Jesuat nana aminde natapa dongu takngatukan dakngawan ie musip gwaang natayamunong. Natayamuke ginda notzatane umana yapangenatnangge iaknga siknga natake tasinong.

Pas Polda Rom Nana Aminde Matayamukut San 13:10

Siakan. Aminu tapatuta aminu wesim yuak kapae butaya natangamunggau waapata aminu waapae sanga wai takngatu dua siknga tasingamik. Wena. Ita butaya natangamuke tasiwawan mama wamu Mosesdane aknga buyana unin aawan ita mama wamu takngatusimu dua sandewik.

Pas Polda Rom Nana Aminde Matayamukut San 13:8

Ginda sanga yake imunanga moo pakingge natake tapdukngane zet yake imunong. Sike ginda notzae asinggan butaya natayamunong. Ninu atnataamang. Mama wamda yanggak kaknga buya aawan ninda notninde butaya natayamunim.

Galasia 5:22

Siwan ngana Waung Kapata nindane musipmin pangenawan ninda notninde butaya natayamuke gatu apbakngake gatu musip kwikwik natayamunim. Natayamuke gatu iwaninde musipminu toknga zet dua natayamuke gatu amin gatayamuke gatu sanganinu dua kotnake gatu wamu ayakamang kaknga tasina buya aakgak.

Galasia 5:6

Dasingge? Aminu Jesu Kraiskat gatake yukengu sanga wa Mosesde mama wam tawake gupna matakaing kakngae natapa sanga moo siwik. Siwan sanga aminda mama wamde masa imuke gupna dua matawiu wa kuut sanga moo siwik. Siwan ngana aminda Jesue natapa kekekawan notnae butaya natayamukaing kaknga buya siknga unin.

Galasia 6:10

Unzingge ninda tapduu notnin gatayamunanga gwene yuamang. Yuke aminu Jesue natapa kekekawan itane donga dakngakaing amin gatayamunim. Wa amikat gatu aminu kuupbamu kuut gatayamunim.

Galasia 6:2

Ngan. Ginu meyaaknga notzata kaning kakngae natake gatayamunong. Sike aminu unzingu notna gatayamiu waapata mama wamu Kraisda tawake yanikut taknga tawake tasinggak kapa unin.

Efesas 5:2

Ngan. Kraisda ninde butaya siknga natanimuke ninde tangge kungwanimukut taknga ginda tawake tasike aminde butaya natayamunong. Siwan ita ninde tangge kungwanimukuu wa Anututa nindane waiaknganinde natapan wikawan toknga dua nimikge natake ita ninde tangge kungwanimukut.

Kolosi 1:4

Dasingge? Niu puya amin notniu tapatu umana Epafras ngang inikamang kapae nitda musip gwaang natangamukamak. Waapata Kraisdane puyana take siknga tasike ita nitde tangge ginde kukut. Ginde kuke ita tupa siakan wam taknga Anututa ninde musip kwikwik natanimunggak ngang danikapan natapbing. Siakan. Nitkat puya amin notniu kunduat wamu take waaknga take aminu buyambam yanikapmakamang. Ninda yanikapna wamu waakngata keu kuupbam tawamban sandekut. Tawamban sandewan buya asaawan aminda wamu waaknga gitna take yuwa buyambam daknganggak. Ina unzakan wamu waakngata ginde apuke tasiwan buya asaakut. Tupa tapduknga ginda wamu waaknga natake katak siknga natdeke taking gwenuneta apu apman apan wamu waakngata buya asaakgak. Siwan wamu waakngae natake ginda sanga Anututa ginde enandang pewan yutdamunggak kakngae apbakngake natayuaing. Natayuke ginda Kraisde natapa kekekawan aminu itane aminabam dakngake yuaingu kuupbamde musip gwaang natayamukaing. Siwan Epafras waapata wamu Waung Kapata gindane musipza pangenawan ginda notza Jesue aminabamde musip gwaang natayamukaingge ninikut. Niniwan nitda apbakngake Anutue asinimbakngakamak.

1 Tesalonaika 3:12

Siwan ngana ninu Jesu Buyambam tapaninda musipza pangenawan ginda notza Jesuat nana amikat aminu kuupbapatde musip gwaang natayamukaing kaknga buyambam siwikge nataamang. Unzing ninda ginde musip gwaang natandamukamang binga.

2 Tesalonaika 1:3

Mate notnabam. Ginu Jesue natapa kekeknga singgak kakngaat gatu ginu inandek inandek musip gwaangu aminbamu notza Jesuat nana kundue natayamukaing kakngaatda mateknga mateknga sitake sitake kuku buyambam singgak kakngae wam natake ninda asinggan Anutu inimbakngakamang. Unzing dua inimbakngakamang gamu noman dua siwan. Siwan Anututa nindupan take dua siwan.

Hibru 13:1

Unzingge ginda gisane notza Jesuat nana aminde musip gwaangu asinggan natayamunong.

Jems 2:8

Siwan ginu mama wamu takngatu Buyambam tapaninda yawan ayanikapsa aminu tapatuta tupa siknga natake matakut taknga katak siknga tawake tasiwanu take siwik. Siwan mama wamu waaknga anzing yakut, “Gata aminu gae wesim yuak kapae butaya natangamuyo. Gata gikane gupbae akgwaukgayak. Ina unzakan gata aminu waapae butaya natangamuyo,” ngang yakut.

1 Pita 1:22

Siwan na atnataat. Ginda gisane musipza papa nomatawan siakan wam takngaekan natake kepi nomana siknga aknga atawake tasikaing. Tasike ginda notza Jesue amina dakngake yuaing aminde musip gwaang natayamukaing. Siwan ginu siakan wam gwaamuke ginda gisane notza Jesue aminae musip gwaang siknga natayamuke kumzang tasinong.

2 Pita 1:7

Gatu ginda notza Anutue amina dakngake yuaingge musip gwaang natayamunong. Gatu aminu kuupbamde butaya natayamuke gatayamunangge takekan natapnong.

1 Jon 3:11

Ginu atnataaing. Tupa Jesue wam takngata ginde apbut gwene ninda notninde musip gwaang natayamunimde wam natapbinggen.

1 Jon 3:23

Sike wamu ninda tawake tasinimde wamu ita kekeknga yakut taknga anzing. Ninda Jesue natake Anututane waaknga ngang natapnim. Anututa tapan ita akgatanimuya apanin dakngake apan umana Krais ngang inikamang kakngae natapna kekekawik. Natapna kekekawan ninda wamu tupa Jesuta ninikut taknga tawake notninde banip gwaang natayamunim.

1 Jon 4:21

Unzingge Jesuta mama wamu anzing nimukut. Aminu Anutue musip gwaang natangamunggak kapata inane notnae kuut musip gwaang natangamuyok ngang nimukut.

2 Jon 1:5

Bakngake nata wamu takngatu kayuk binga dua matandamunggat. Aho. Wamu tupa tapduknga Jesutane wamda ninde apbut gwekatang natapbumang kaknga matandama natapnong. Ninda notninde musip gwaang natayamunimde wamu waaknga gwa natapbumang.