Wamu Takeaknga Jonda Matakut Taknga 12:1 - Wantoat

¹ Siwan tapduu katau kuut musa kautdu gwenduat kana sandewana yuwatakak tapduk Pasova gwen kanim ngang natake Jesuat nikatda Betani yot gapmane kukumang. Tupa wanggapmane nana aminu tapatu umana Lasaras ngang iniking. Jesuta waapasimu akumbut katangga gatu tangenakut.

Wamu Takeaknga Jonda Matakut Taknga 12:1 ပူးပေါင်းရင်းမြစ်များ

Matyu 21:17

Yanikenga peke epu yot gapma kepman kuke paku zikaa wagwene Betani yot gapmane kuke dapuna wanggapmane pekut.

Wamu Takeaknga Makga Matakut Taknga 11:11

Siwan Jesu Jerusalem kundoke Anututane yot takwan gwene koke sanga kuupbamde katakuwan puyuwan gunzitda apukunangge dapaknga siwan kake kepman epuke you wanggapma teke iat pandetna katau kuut musaat kepianganu tapaaya ngakatda Betani yot gapmane kuking.

Wamu Takeaknga Lukga Matakut Taknga 24:50

Siwan ita Betani yot gapmane pakuke katakngi tangenake wam kwikwiu ayamuyuwawan

Wamu Takeaknga Lukga Matakut Taknga 7:37

Nawawa maya tapatu you wanggapmane nanata asinggan asinggan waiaknga pasikakut. Siwan Jesuat Ferisi amikatda nanam nawawa aminu tapatuta yawan maya waapata natake yangga inata kundu kapanga take siknga tekngatu takapu you wagwene koke Jesu maseatang yukut.

Wamu Takeaknga Jonda Matakut Taknga 11:1

Siwan aminu maitna kaya tapatu umana Lasaras ngang iniking. Betani yot gapmane nanaapa. Itane samina tapaaya umana Maria gatu Mata ngang yaniking. Iat gatake yuke Betani yot gapmane yuking.

Wamu Takeaknga Jonda Matakut Taknga 11:43

Ita unzing yakenga apaa anzing yakut, “Lasaras! Enake epso,” ngang yawan

Wamu Takeaknga Jonda Matakut Taknga 11:44

aminu wa akupsa sikut tapata enake kepman epbut. Kepiat katakngiat banis takngata wamakusiking buyak epbut. Nomna tauk kakngata basingamuking buyak epbut. Unzing epan Jesuta yake, “Tauk kaknga waike tewa kunggawan,” ngang yaniwan unzing tasiking.

Wamu Takeaknga Jonda Matakut Taknga 11:55

Siwan Judia nana aminda yuwatakak tapduk takwanu Pasova ngang yakaing gwenu akaningge atdapakakut. Tapduknga wagwenu atdapakawan aminbamu yotna yotna nana aminda Jerusalem koke kepi sukuking kakngana nomana siyamikge tandaknganangge kopbing.

Wamu Takeaknga Jonda Matakut Taknga 12:12

Siwan kwepna aminu buyambamda apu yuwatakak tapduk takwanu pasova gwen kanangge Jerusalem yot gapmane kopbingga natake Jesuta asapunggak ngang natapbing.

Wamu Takeaknga Jonda Matakut Taknga 12:20

Siwan yuwatakak tapduk takwanu wagwenu kake Anutu inimbaknganangge natake aminu Grik kep komune nana kunduta apu Jerusalem gapmane yuking.

Wamu Takeaknga Jonda Matakut Taknga 12:9

Siwan Judia nana aminu buyambamda natake Jesuta you anggapmane yuak ngang natake ie apbing. Apu Jesukan kanangge dua apbing. Aho. Tupa Jesuta Lasaras matmat gapmaneta tangenakut tapae natake iat kuut kanangge apbing.