Wamu Takeaknga Jonda Matakut Taknga 11:5 - Wantoat

⁵ Siwan Jesuta Mataat itane uyapnaat gatu waapaatdane nokgana Lasaraskatde banip gwaang natayamukut.

Wamu Takeaknga Jonda Matakut Taknga 11:5 ပူးပေါင်းရင်းမြစ်များ

Wamu Takeaknga Lukga Matakut Taknga 10:38

Siwan kepiapane kusika Jesuat pandetnaatda you gapmandune kopbing. Kopa maya tapatu umana Mata ngang iniking. Ita kake papan yotnaatang kopbing.

Wamu Takeaknga Lukga Matakut Taknga 10:40

Natayuwawan ngana paana Matata nanamde sangae natayuk puya pasiyuk musiaatang nangaakan natapbut. Natake Jesue kuku anzing inikut, “Uyapmata napmake dua gatangaman natakan nanamu tandakngawa take singgak ba dasing? Iniwi apu gatangaman,” ngang inikut.

Wamu Takeaknga Lukga Matakut Taknga 10:41

Iniwan ngana Jesuta yake anzing inikut, “Mata. Mata. Ga mina sangabamde nangaakan natapi ganduat.

Wamu Takeaknga Jonda Matakut Taknga 11:1

Siwan aminu maitna kaya tapatu umana Lasaras ngang iniking. Betani yot gapmane nanaapa. Itane samina tapaaya umana Maria gatu Mata ngang yaniking. Iat gatake yuke Betani yot gapmane yuking.

Wamu Takeaknga Jonda Matakut Taknga 11:3

Siwan maiu buyambam siwan saminata wamu takngatu Jesue tewat kuwan anzing inikumayak, “Aanit. Nokganiu gata banip gwaang natangamunggayak kapata mait singgak.”

Wamu Takeaknga Jonda Matakut Taknga 11:36

Kwanamu asiwawan kake wa yukingga anzing yaking, “Ita musip gwaangu kumzang natangamunggakge kwanamu singgak,” ngang yaking.

Wamu Takeaknga Jonda Matakut Taknga 11:6

Siwan ngana wamu waaknga natakenga ita gunziu gweaat gwenduat keu wa yukut komune yukut.

Wamu Takeaknga Jonda Matakut Taknga 11:8

Ngang niniwan, “Aanin. Judia nana aminda akgutnangge tupa dua tasiking ge gatuka kunangge yanggayak,” ngang inikumang.

Wamu Takeaknga Jonda Matakut Taknga 16:27

Nanda kuut ginde banip gwaang natandamuke ita gatandamik. Dasingge? Ginda nae natake na Nanaat yusika apbumde natapa siakan siwan ginda nae banip gwaang natangamukaing.

Wamu Takeaknga Jonda Matakut Taknga 17:26

Nata gatane yapii wa aminde gwa yanikapbum. Siwan wa aminda ga nae musip gwaang natangamunggayak kakngae baniaatang natake yuwawa naat wa amikat gatake unekan yutnimde natake nata gatuna gatane yapii yanikapit.” Ngang Jesuta tumuk wamu waaknga ngang yakut.