Wamu Takeaknga Jonda Matakut Taknga 1:45 - Wantoat

⁴⁵ Siwan Filipda Nataniel tawataku kake anzing inikut, “Tupa siknga Mosesda aminu tapatue natake mama wapatang matatekut. Siwan yanikapsa aminu kuupbamda aminu waapae matateking kapa gwa kakumang. Umana Jesu ngang inikingu waapa Nasaret yot gapmane nana. Josepde waak,” ngang inikut.

Wamu Takeaknga Jonda Matakut Taknga 1:45 ပူးပေါင်းရင်းမြစ်များ

Matyu 10:3

Siwan Filip gatu Tomas gatu Matyu na takis panggakapanin. Siwan Jems Alfiasdane waaknga gatu Tadias

Matyu 13:55

Aminu waapa aminu katapsan usike sangabam pasinggak kapatane waaknga dua ba dasing? Sike Maria minga dua ba dasing? Sike Jems gatu Josep gatu Saimon gatu Judas ngangu itane uyapna dua ba dasing,” ngang yaking.

Matyu 2:23

Kusika you gapmandu umana Nasaret ngang inikaing gapmane kuke yuwawa Nasaret nanaapa ngang Jesue yaking. Ge wamu takngatu tupa siknga Anututane wam yanikapbing aminda yaking kaknga siakande buya unin aakut. Wa aminda anzing yakapbing. Nasaret nanaapa ngang ie yaning ngang yakapbing.

Matyu 21:11

aminbamu kepi kukingga anzing yaking, “Ita Jesu, ayanikapsaapa Nasaret gapma Galili kep komu yuaune nanaapa,” ngang yaking.

Wamu Takeaknga Makga Matakut Taknga 14:67

Pitata katap ainggawan kakut. Kake ie siknga kanggamatake anzing inikut, “Gakaya Jesu Nasaret nanaapaat yuaing,” ngang iniwan

Wamu Takeaknga Makga Matakut Taknga 6:3

“Aminu waapa katapsan usike sangabam pasinggakge natake kamda ngang dua inikaing ba dasing,” ngang yaking. “Ita Mariatane waaknga siwan ita Jems gatu Josis gatu Judas gatu Saimon nganggane paana. Sike itane samina ane nikat gatake yuamang,” ngang yake ie semna natangamuking.

Wamu Takeaknga Lukga Matakut Taknga 18:37

Yanikwaiwan, “Jesu Nasaret nana apata gapbitnangge kunggak,” ngang iniking.

Wamu Takeaknga Lukga Matakut Taknga 2:4

Siwan Josepda dongu Devitdane dongune aakut tapa. Unzingge yot gapma Nasaret Galili kep komune yuak gapma teke uneta Judia kep komune kopbut. Koke Betlehem yot Devitda tupa siknga yukut gapmane kukut.

Wamu Takeaknga Lukga Matakut Taknga 2:48

Asatnake mingata anzing inikut, “Waaknga. Nanggaat naatda gae gawanda maiwan meya siknga nataamak. Dasingge nitde unzingu tasikuyak,” ngang inikut.

Wamu Takeaknga Lukga Matakut Taknga 24:27

Yanike Anututane wapatang wamu inae yakapbuu Moseskat ayanikapsa amikatda matakingu uneta apu wamu kuupbamde yapii yanikut.

Wamu Takeaknga Lukga Matakut Taknga 24:44

Siwan ita anzing yanikut, “Na tupa gikat gatake yukengu nata ginu anzingu gwa danikum. Wamu kuupbam Mosesde mama wapatang gatu ayanikapsa aminde wam gatu miti kap buk gopatangu wamu nae mataking wa kuupbam buya asiknga aawik ngang danikumde yapii daniwa natapnong.”

Wamu Takeaknga Lukga Matakut Taknga 3:23

Tapduknga Jesuta Anututane puya tuwanguke pasikut komune ita nakan 30 gwa yuke pasiwan aminbamda kake Josepdane waaknga ngang natapbing. Siwan Josepdane nana Ilai.

Wamu Takeaknga Lukga Matakut Taknga 4:22

Yaniwan natake wamu wa yakut takngae musip gwaang natake ie musiane nangaakan natake anzing yaking, “Dasing! Aminu waapa Josepdane waaknga ba,” ngang yaking.

Wamu Takeaknga Jonda Matakut Taknga 1:44

Siwan Filipda Betsaida nana tapatu siwan Endruat Pitaatda you wanggapmane nanakan.

Wamu Takeaknga Jonda Matakut Taknga 12:21

Apu yusika Filip kake iniking. Filip waapa Betsaida yot gapma Galili kep komu yuaune nanaapa. Ie kuke, “Jesu kanangge nataamang,” ngang iniking.

Wamu Takeaknga Jonda Matakut Taknga 14:8

Unzing niniwan Filipda yake anzing inikut, “Aana. Gata Nangga ninde yeutnimi kake sanga tapatuatde dua ganinim,” ngang inikut.

Wamu Takeaknga Jonda Matakut Taknga 18:5

yake, “Ninu Jesu Nasaret nana apae apu tawakamang,” ngang iniwa yake, “Waapa nakan,” ngang yanikut. Siwan Judas aminu ayeuyamuyaapa iat gatake yuking.

Wamu Takeaknga Jonda Matakut Taknga 18:7

Pimake yuwawa Jesuta gatuna yake, “Ginu maminde tawakaing,” ngang yanikwaiwan yake, “Jesu Nasaret nana apae tawakamang,” ngang iniking.

Wamu Takeaknga Jonda Matakut Taknga 19:19

Siwan Pailatda wamu takngatu anzing matakut, “Jesu Nasaret nanaapa. Judia amindane buyambam tapa,” ngang matakut. Matake Hibru wam tangan gatu Rom nanatane wam tangan gatu Grik wam tangan matakut. Wamu wa matakut san take amin saamdakane tanguwan gatapbut. Sike keu wa Jesu tanguking komu you Jerusalem gapma wesim. Unzingge Judia aminu buyambamda wamu waaknga kendeking.

Wamu Takeaknga Jonda Matakut Taknga 21:2

Saimon Pita gatu Tomas sike itane umana takngatu bokngan aakumayakat nana tapatu siwan Nataniel you gapmandu Kena Galili kep komune yuak gapmane nana siwan naat paanaat nitdane naniu tapatukan umana Sebedi ngang inikamang. Sike nikat gatu Jesutane pandetna tapaaya ngangga unekan gatake yukumang.

Wamu Takeaknga Jonda Matakut Taknga 6:42

ina anzing yaking, “Dasingge? Aminu aapa Jesu. Josepdane waaknga. Ninu itane nanamingae atnataamang. Dasingge ita anzingu yanggak, Na enandang teke epbum ngangun,” ngang sapduke yaking.

Wamu Takeaknga Jonda Matakut Taknga 6:5

Jesuta undang pukwike kawawan aminbamda ie apa kakut. Kake aminu waakwakga nanam naningge anzing tasiwit ngang musiaatang natapbut. Natake ngana nata Filip tasiwa siwik ngang natake anzing inikwaikut, “Aminu buyambamu wa apukaingga nanam naningge zaneka usike yamunim ngang,” inikwaikut.

Wamu Takeaknga Jonda Matakut Taknga 6:7

Inikwaiwan yake anzing inikut, “Manininu 200 Kinata nanam usike yamuna napa take dua siwik,” ngang inikut.

Aposel 10:38

Wamu waaknga anzing, ‘Anututa Jesu Nasaret nana kateke Waung Takwakat kekeknga aknganaat kuut asimukut. Asiman yotna yotna kuke aminbam gatayamukut. Anutuat iat gatake yuke aminu Setenda pasiwan maikinga pasiwat takaking.’

Aposel 2:22

“Siwan mate! Isrel nana amin! Daniwa natapnong! Anututa Jesu Nasaret nanaapa kekekangaman duya takngatu takngatu pasike puya kekeknga pasikut. Unzing pasike gin banakan katang pasiwawan ginda kaisata kake Anututa initewan apu pasinggak ngangu ginda anggamanu gwakaking.

Aposel 22:8

Naniwan yake anzing inikum, ‘Takeapa! Ga mamin,’ ngang iniwa yake anzing nanikut, ‘Na Jesu Nasaret nanaapa. Na gata tasiwi mainanggenggat,’ ngang nanikut.

Aposel 26:9

“Tupa nata sanga takngatu takngatu tasike Jesu Nasaret nana apatane umana tasiwa maiwikge natapa kekekakut.

Aposel 3:6

Apbakngawan ngana Pitata anzing inikut, “Manina wena ngana gatanggamunanga take. Jesu Krais Nasaret nana apatane kekeknga akngane ganinggat. Ga enake kepi kung,” ngang inikut.