Wamu Takeaknga Jonda Matakut Taknga 1:3 - Wantoat

³ Ge Anututa mina mina inatakan dua tasikut. Anutuat iat gatake yukumayak kapa iniwan waapata natake minaka sanga sanga tasike tekut.

Wamu Takeaknga Jonda Matakut Taknga 1:3 ပူးပေါင်းရင်းမြစ်များ

Lotutane Kap Taknga 102:25

Tupa siknga gata keu andaka tasike tekuyak. Siwan gikane katakga ena kakaa komune sanga bamu une yuaingu gika siknga pasike pekuyak.

Lotutane Kap Taknga 33:6

Siwan Anututa wamban yawan, gunzit gwen gatu yekap gwen gatu yekapdaak ngangu ena kakaa komune aake yuking. Siwan gatu ita wamban yawan sanga kuupbam ena kakaa komune aaking.

Wamu Takeaknga Jonda Matakut Taknga 1:10

Epu waapata keu andakane yukut. Siwan tupa Anututa iniwan natake ita keu andakaat sangabapat pasike pekut ngana aminbamda kambotaking.

Wamu Takeaknga Jonda Matakut Taknga 1:2

Siwan yakap sikngaatang unekan gatake yukumayak.

1 Korin 8:6

Sike kundu enandang nana. Siwan ngana ninda ie undanga ngang natake Anutu awia tapatuekan nataamangu wa Nanin Anutu. Ita sangabamdane yapii. Siwan ninu iekan natanggamatake tasiyuamang. Sike ninda natake Buyambamu awia tapatuekan nataamangu wa Jesu Krais. Ita Anutue gen gwaamuke sanga kuupbam tasike tekut. Sike ita nin gatanimuke papan nomatawa ninu itane gepbiatang koke yuamang.

Efesas 3:9

Ngan. Anututa natake nata aminu kuupbamdane natdetdetna papa kakaatningge natake puya waaknga nae namukut. Nae naman nata tasike natdetdeu wa tupa Anutu sangabam tasike tekut tapata inane musiaatang natake tekut taknga yanikapitde puya namukut.

Hibru 11:3

Siwan ninda Anutue natapna kekekawan ninda anzing nataamang. Ena kakaa banakan kopat gatu kepdakau Anututa ina yawan aake yuaing. Ngan. Sanga kuupbamu ninda kaininda kaamangu wa Anututa sanga ninda dua kaamangga pake tasikut ngang natapna kekekanggak.

1 Jon 5:1

Aminu tapatuta Jesue natake Anututa i tapan Krais akgatanimuya apanin dakngake yuak ngang yanggau waapata Anututane waaknga dakngake yuak kapanin. Dasingge? Aminu kunduta aminu tapatue musip gwaang natangamukaing aminda aminu waapatane waakngae kuut musip gwaang natangamuning.

Wamu Jonda Mia Kake Matakut San 3:14

“Siwan gata wamu kundu Anututane amina Leodisia yot gapmane yuainggane tupan tapae anzing matangamuyo,” ngang nanikut. “Na siakan wamde yapii. Siwan nata Anututane wamu kuupbam noman gan yakapmanggat. Na Anututa sangabamu tasike tekutdane yapii na. Sike nata gae natake wamu kundu ganiwa natapso.

Wamu Jonda Mia Kake Matakut San 4:11

“Ga nindane Buyambam tapanin. Ga nindane Anutunin. Ga nomana sikngaapa. Aminbamda gatane umanda take yatangenatning. Aminbamda gatane gepbiatang take koyutning. Dasingge? Gata sangabam tasike tekuyak. Gikae banipda siwan gata sangabam pasiwi aake ayuaing.” Sike wa aminda wamu wa unzing yawa natapbum.