Wamu Takeaknga Jonda Matakut Taknga 1:14 - Wantoat

¹⁴ Siwan umana Wam Taknga ngang inikut tapata amin dakngake nin banakan katang yuwawan take sikngaapa ngang kakumang. Ita Anututane waaknga buyakan tapata yukut. Ge take sikngaapa yuwikge Nanata yakut. Siwan musiane kwikwiknga wapat siakan wapat dopan yukut.

Wamu Takeaknga Jonda Matakut Taknga 1:14 ပူးပေါင်းရင်းမြစ်များ

Lotutane Kap Taknga 2:7

Siwan Kingu waapata anzing yakut, “Apmanu nata wamu Buyambam tapata nanikuunin yakapit. Ita na King dakngawitde natake anzing nanikut, ‘Ga natane waaknga. Nata gatane nangga dakngake yuat.

Lotutane Kap Taknga 45:2

Ga aminu sikngaapa. Aminu tapatu ga binga dua yuak. Gata wamu yanggau Anututa gatanggaman takeakngakan yanggayak. Dasingge, ita ga asinggan asinggan take tasinggamik.

Lotutane Kap Taknga 85:9

Siakan siknga, ita amin ie mun puke gatu ie banip tawakaingu apanangge gwa tandaknganggak. Tandakngake tasike papan kuupbamda kawa nindane kep komune itane umana buyambam siwik.

Matyu 1:16

Siwan Josepda Mariatane apna. Siwan Mariata Jesu tangaiwan umana Krais ngang inikaing.

Wamu Takeaknga Lukga Matakut Taknga 2:11

“Tapduk anggwene Devitdane yot gapmane maya tapatuta engangu gwa tangaik. Aminu waapata ginu kuupbam gatandamik. Buyambam tapa Krais ngang ininangge,” ngang yanikut.

Wamu Takeaknga Lukga Matakut Taknga 9:32

Iniwawat Pitaat notna apaatdane kai dapuna siwan ngana dua peke Jesuta kakaa aknganane yuwan kake aminu waapaatda Jesuat unekan yuwat kaking.

Wamu Takeaknga Jonda Matakut Taknga 1:1

Kepat sangabamu enane yuaikat dua tasike tekut gwene aminu tapatu umana Wam Taknga ngang Anututa inikut. Iat Anutuatda gatake yukumayak. Ge waapaatdane yapiina buya kundukan.

Wamu Takeaknga Jonda Matakut Taknga 11:40

Iniwan yake anzing inikut, “Dasing? Tupanu nata ga ganike gata nae natake Anututa tapan pasinggak ngang natapi kekeknga siwanu gata kawawi Anututane umana akngata asenawan kawiyak ngang gwa ganit ngana apbotake unzingu yanggayak,” ngang inikut.

Wamu Takeaknga Jonda Matakut Taknga 14:6

Iniwan yake anzing inikut, “Nata ginu danipakuwa kuke undang kunim. Sike siakan wamde yapii na. Siwan ginu kayuk yutning kaknga atdama kayuk asinggan yutning. Siwan nata aminu tapatu dua initakuwanu ita kuke Nande dua kuwik. Ita inatakan undang kunanga dua.

Wamu Takeaknga Jonda Matakut Taknga 14:9

Ngang iniwan yake anzing inikut, “Filip. Tapduk mamaya na gikat gatake gwa yuamang. Siwan ga nae katak natapbuyak gamu unzingu dua yawim. Aminu na nanduak kapata Nana gwa kakut. Dasingge gata, ‘Nangga ninde yeutnimi kanim,’ ngang naninggayak?

Wamu Takeaknga Jonda Matakut Taknga 17:22

Siwan gaat naat musipmiu takngatukan natake yuamak. Sike natane aminabamu nitda musipmiu takngatukan natayuamak binga natayutningge nataat. Unzing natake gata nae umana buyambamu wa atnamukuyak kaknga wa aminde gwa yeuyamukum. Yeuyama kake musia takngatukan natayutning.

Wamu Takeaknga Jonda Matakut Taknga 17:24

“O Nan. Nata aminu gata kaipakapi nae apbing aminu naat keu nata yuwit komune yutnimde nataat. Nata wa aminu natane umana buyambam gata wa namukuyak kaknga natapningge nataat. Tupa keu dua aawawan tapduu waomune gata nae musip gwaang natangamuke umana buyambamu waaknga nae namukuyak.

Wamu Takeaknga Jonda Matakut Taknga 18:37

Iniwan ita yake, “Ga aminu buyambamu tapatu ba dasing,” ngang inikwaiwan yake anzing inikut, “Gika unzing unin yanggayak. Na buyambam tapa. Na siakan wam yakapitde natake keu andakane epuke aakum. Aminu kuupbam wamu siakan wam tawakaingu nae wamu atnataaing,” ngang inikut.

Wamu Takeaknga Jonda Matakut Taknga 2:11

Sike wa duya tupan taknga Jesuta Kena yot gapma Galili kep komu yuaune tasikut. Tasiwan umana buyambam siknga kayaapa ngang kake ninu pandetnata ie natapna kekeknga sikut.

Wamu Takeaknga Jonda Matakut Taknga 3:16

“Ngan. Anutue waaknga awiapatakan yuak. Ngana Anututa aminbamu kepdakane nana aminde butaya siknga natayamukut. Butaya siknga natayamuke waaknga awia waapa dua kotnakut. Dua kotnake keune nana aminda wena siningge dua natapbut. Aho. Aminu itane waaknga awia waapae natapa kekekawiu wa aminda wena dua sike kayuk yutnanga aknga pake asinggan asinggan yutningge take natake dua kotnakut.

Wamu Takeaknga Jonda Matakut Taknga 3:18

Aminu ie natapa siakan siwiu wamu wena. Sike aminu ie natapa siakan dua siwiu wamu kaa. Dasingge? Ita aminu waapa kake Anututane waaknga ngang dua natapa kekekakut.

Wamu Takeaknga Jonda Matakut Taknga 6:51

Sike nanamu wa enandang teke epbuu wa Anututa aminde yaman pake kayuk asinggan yutningu wa na unin. Sike aminu tapatuta unin nakengu kayuk asinggan yuwik. Siwan nanamu wa nata aminu kepdakane nana aminde yama naningu wa natane gupma. Siwan aminda nanamu unin naningu kayuk asinggan asinggan yutning,” ngang yanikut.

Wamu Takeaknga Jonda Matakut Taknga 8:32

Siwan ginu siakan wamu anggaman natdeke yuwawa siakan wamu waakngata gatandamuke sanga gin panggaganuwan yuaing kakngane sandetdaman noman gan yutning,” ngang yanikut.

Aposel 13:33

Kap taikamangge buk gopatang kau namba 2-aknga taikamangga anzing yanggak, ‘Apmanu nata ga tangenawa Kayuyaapa dakngake yuayak.’

Pas Polda Rom Nana Aminde Matayamukut San 8:3

Ngan. Mama wamda waiakngatane kekeknga aknga tanguwan pimananga dua. Dasingge? Waiakngata kekekake musipmin pangenawan ninda mama wam sandeke aminu wai amin dakngakamang. Ngana Anututa kepi tasinimukut. Tasike ita inane waaknga initewan apu ita nin binga dakngakut. Dakngake ngana waiaknganinu asinggan tasikamang kaknga dua tawake tasike ita nindane waiaknganinde kungwanimukut. Kungwaniman Anututa ninde musip kwikwik natanimuke waiakngatane kekeknga aknga tanguwan pimakut.

Pas Polda Rom Nana Aminde Matayamukut San 9:5

Siwan nindane baminu Ebrahamdane waaknga Aisak ngang inikinggane waaknga Jekop ngang inikingu waapatane waakngabamda waakzak sitake sitake apu apu apmanu ninu Judia nana aminu buyambam sike yuamang. Siwan aminu akgatanimunggak kapae Krais ngang inikamangu waapata nisa gup pake nikat nana tapatu dakngake aakut. Wa aakut tapa Anutu siknga enane siknga yuak kapanin. Ge ninda waapatane umana asinggan asinggan yatangenatnim. Siakan.

1 Korin 15:47

Sike aminu tupan tumukut tapa wa kep dakane nana. Anututa kaik pake aminu waapa tumukut. Siwan aminu wa masan aakut tapa enandang nana.

2 Korin 12:9

Na dua sandeke ita anzing nanikut, “Nata gaat gatake yuke ga gatagama gata dua upeeke yuwiyak,” ngang nanikut. Nanike, “Gata atuyukake yuwawi nata ga gatagama puya tasiwawi ninane kekeknga akngata anggaman siwan kaning.” Sike kekeknga Kraisdane akngata na usikwatanapmamban puya tasiwit.

Galasia 4:4

Ngana tapduknga Anututa inane waaknga initewan apik gwenu gwa siwan ita initewan apbut. Apan maya tapatuta tangaiwan ita aake Mosesdane mama wamde gepbiatang yukut.

Efesas 3:8

Ngan. Nata aminu Anututane aminabam dakngake yuaingu kuupbamde natapa amin gwaang singgak. Siwan aminu waakwau kuupbamda na atnapbiking ngana Anututa puya nae namunangge na tapan nata itane kwiiknga dakngakum. Dakngake nata Jesue natake amin gwaang siknga apa ngang natake gatu ie akgatanimunanga apa ngang natake nata ginu Anutue dua natapbing aminde kukum. Kuke natdetdeu nata Jesue nataat takngae natake ginde danikapbum.

Kolosi 1:19

Dasingge? Anututa inane natdetdetnaat gatu inane kekeknga aknganaat kuut Krais waapae iman tapikge take siknga natapbut. Natake ita inane sanga wa ie iman pake ita Anutu binga dakngake yuak.

Kolosi 2:3

Siwan Krais waapa natdetdeu nomana kuupbamdane yapii unin.

Kolosi 2:9

Ginu atnataaing. Anututa Krais waapa tapan itane natdetdetna ba kekeknga akngana ba itane sanga akngana kuupbamda Kraisdane gupnane asaaking.

1 Timoti 3:16

Siwan Anututane wamu tupa ita ina natake tekuu wa ninda tawake tasikamang kakngae natapna wamu gwaam siknga singgak. Siwan aminu tapatuta wamu nata wa yanggat taknga yaitapaakusinanga dua. Wena. Sike wamu ninda ie natapna wamu gwaam siknga singgak kaknga anzing, “Ita nisa gup takut. Waung Kapata wamu aminda ie temapa iniking kaknga tanguwan kumbut. Siwan angelata i kaking. Wamu ita nin gatanimukut taknga take aminu keu komduine nana Anutue dua natapbing aminde yanikapbing. Aminu kepdakane nana aminda ie natapa akekekakut. Anututa ie enandang initakopan itane umana buyambam siknga sikut.”

Hibru 1:3

Sike waaknga waapata nindane natdetdetnin papan kakaawan Anututane yapii anggaman siknga siwan nataamang. Siwan waaknga waapa Anutu siknga unin. Itane wamna kekekngana kaya. Siwan wamu ita yakut takngata sanga kuupbamu enandang nana gatu kepdakane nana kuut papan kekekakaing. Papan kekekawa ita ninu aminu kuupbamdane waiaknganinde toknga panimukut. Panimuke waiaknganin sandetnimunangae kepi tasinimuke ita enandang gatuna kopbut. Koke ita Anutu enane siknga yuak kapae kataknga siyaapa saak pukwikut. Pukwiwan itane umana enane siknga yuak.

Hibru 1:5

Siwan tupa Anututa inane angelana tapatue natake, “Apmanu ga nata tapa aminbamdane kaine gata natake waaknga binga dakngaya,” ngangu dua inikut. Gatu angela tapatue Anututa natake, “Nata itane nana binga dakngake yuwit. Siwan ita natane waaknga binga dakngake yuwik,” ngangu dua yakut. Wena siknga. Ngana wamu waaknga ita inane waaknga asinikut.

Hibru 10:5

Unzingge tapduknga Kraisda kepdakane epbut gwene ita Anutue anzing inikut, “Gata gae kaap sangamuningge take siknga dua nataayak. Ngana nata kep aminde gup tapitde take siknga natake gata aminde guu wa tandakngatekuyak.

Hibru 2:11

Kungwake ita nindane waiaknganin sandetniman nikat iatdane naninu awia tapatukan yuak. Unzingge Jesu waapata ninu uyapma ngang nininangge semna dua nataak. Wena.

Hibru 5:5

Ina unzakan Kraisda puya waaknga ina dua takut. Aho. Anututa anzing inikut, “Apmanu ga nata tapa aminbamdane kaine gata natane waaknga binga dakngawi nata gatane nangga binga dakngake yuat,” ngang inikut.

1 Jon 4:14

Sike Nanin Anututa inane waaknga tapan ita akgatanimuya apanin dakngake yuak. Dakngake yuwan Nanata initewan kepdakane epuke ninu kuupbamdane waiaknganin sandetnimukut. Ita kepdakane apan ninda kaininda kakumang. Sike sanga wa kakumang kakngae aminbamde yanikapmakamang.

1 Jon 4:9

Sike ita ninde butaya siknga natanimunggak kaknga yeutnimunangge natapbut. Yeutnimunangge natake ita waaknga awia tapatukan ngana dua kotnakut. Dua kotnake initewan waaknga waapata kepdakane epbut. Epuke ita sanga ninde tasinimik kakngata gataniman kayuk yutnanga aknga take ninda kayuk asinggan yutnimde natake initewan apbut.

2 Jon 1:7

Siwan aminu kwaapzangga kem wam yanisukukaing. Kem wam yanike Jesuta Anutuat dua gatake yusika Krais akgatanimuyaapa dua dakngake yuke kepdakane dua epuke nisae gup dua dakngakut ngang yake panzikaing. Wa panzikaing aminda Kraisde iwana dakngake aminbam yanidatdaukaing.

Wamu Jonda Mia Kake Matakut San 19:13

Sike tauknga mamaya gomu ita tasikuu dakgan sikutna kakum. Sike itane umana takngatu Anututane wamna ngang iniking.

Wamu Jonda Mia Kake Matakut San 21:3

Sike nata nataawa wamu takngatu sia tupan sikngaapata pukwike kayuak dakaneta apuke apaa siknga anzing yanggamatakut, “Ginu daniwa natapnong! Apmanu Anututa kepdakane epuke amin bapat gatake yuak. Ngan. Ita aminde banakan yuwan wa aminda itane aminabam dakngake yutning. Siakan. Anututa inane amin bapat yutning.