Jems 5:8 - Wantoat

⁸ Siwan gikaya kuut musipza papa kekekanong. Papa kekekawa tapduknga Buyambam tapaninda gatuna apik gwenu gwa dapakanggak ngang natake ginda ie apbakngake kayutnong.

Jems 5:8 ပူးပေါင်းရင်းမြစ်များ

Lotutane Kap Taknga 130:5

Sike na Buyambam tapata siknga gatangamikge take siknga nataat. Unzingge na ie kayuat. Sike na itane wam takngae baniu asinggat.

Lotutane Kap Taknga 27:14

Siwan gata Buyambam tapae banip sike kekeknga yuyo. Yuke musipbaatang natapi kekekayok. Kekekawan Buyambam tapata gatanggamikge natayuyo.

Lotutane Kap Taknga 37:7

Gata Buyambam tapae wesim kuke wepda yuyo. Gatu musip kwikwik yuke kayuwi ita apme gatanggamik. Gata aminu waiaknga takngatu takngatu tasiwawa buyana aawan sanga noman nomana kwaapzang pakaing aminde ma geenguwim. Siakan siknga, gatane natdetdetda atangu sanga waaminda wa pakaingge nangaakanu ma natake unzingu ma tasiwim.

Wamu Takeaknga Lukga Matakut Taknga 21:19

Siwan ginda kekeknga yukengu kayuk yutnanga akngasa gatusa ataning,” ngang yanikut.

Wamu Takeaknga Jonda Matakut Taknga 21:22

yake anzing inikut, “Nata natapanu ita kayuk yuwawan nata kuke gatu apitde take natapanu asikaya wa gae sanga? Ga na nawamso,” ngang inikut.

Pas Polda Rom Nana Aminde Matayamukut San 8:25

Ngana sanga ninda dua kakumang kaknga tanangge natakengu ninda kekeknga siknga sanga waapae natake kayutnim.

Galasia 5:22

Siwan ngana Waung Kapata nindane musipmin pangenawan ninda notninde butaya natayamuke gatu apbakngake gatu musip kwikwik natayamunim. Natayamuke gatu iwaninde musipminu toknga zet dua natayamuke gatu amin gatayamuke gatu sanganinu dua kotnake gatu wamu ayakamang kaknga tasina buya aakgak.

Filipai 4:5

Ginu atnataaing. Tapduknga Buyambam tapaninda apik gwenu gwa dapakanggak. Unzingge ginda aminu kuupbamde wepda wepda pasiyamunong.

1 Tesalonaika 1:10

Siwan ginda kuke Jesu itane waaknga apata enandang teke gatuna epikge kayuaing kakngae ninikaing. Siwan aminu waapa akupan Anututa akumbut katangga gatuna tangenakut. Tangenawan ita gatanimuke Anututa toknga waiaknganinde nimunangge nataak kaknga sandetnimik kapae natayuaing.

1 Tesalonaika 2:19

gin dandupnangge asiknga bakngakamang. Dasingge? Masande nindane Buyambam tapa Jesuta gatuna apana ninda ie nomune yutnim. Sike tapduu waomune sanga tapatuekan natayuamang kaknga kakengu apbaknganim. Siwan sanga unzingu ninda musip gwaangu minae natapnim? Ginu unin.

1 Tesalonaika 3:13

Sike Anututa unzing tasike gindane musipza tapan kekekawan masande Buyambam tapaninu Jesuat gatu inane amin takwakat gatuna kepdakane epning gwene ginda noman yuke gutongasa takngatu Anutu Naninde kaine wenata yutning.

2 Tesalonaika 3:5

Siwan ninda ginde natake Buyambam tapaninu Jesuta gindane natdetdetza papan nomatawan Anututa ginde musip gwaang natandamunggak kakngaat gatu Kraisda meya takngatu takngatu kake ngana akekekake yuke undang dua pimakut takngaat ngangge ginda natanggamataningge nataamang.

Jems 5:3

Siwan gindane manisa kwaapzang pakingu koknga kwake gwa pupukaking. Sike koknga wa kwaking kakngata aminu kuupbam yeutdaman sangasa kotnakaing kaknga anggaman siwan kaning. Siwan Anututa yake toknga buyambamu ginde atdamik. Unzing katapda katap isinggak binga ita ginde toknga aknga daman paning. Siwan ninu tapduknga Jesuta gatuna apik gwenda dapaknga gwa singgak komune yuamang ngana ginda sangaapasa buyambam peke tasiking.

Jems 5:9

Sike mate notna! Ginda notzae ma sapduke yawam. Anututa gin usanzike natapan wai siwan toknga ginde damuyak. Dasingge? Gin usanziwiu waapata apikge dapaknga gwa singgak. Unzing aminda yot gwene kopnangge natake kepman apuke gwabok gwaune yuak binga ita gwa apnanggenggak.

1 Pita 4:7

Siwan tapduknga sandetnangge dapaknga gwa singgakge ginda gisae natdetdetzane anggaman natake yutnong. Yuke ginda gisae katak tagwauke Anutue tumuk wamu asinggan ininong.

Wamu Jonda Mia Kake Matakut San 22:20

Sike aminu sanga wa kuupbamde yakapmanggak kapata anzing yanggak, “Siakan siknga! Nata zetgaman apit,” ngang yanggak. Ngan. Buyambam tapaninu Jesu! Ga apso!