Jems 5:6 - Wantoat

⁶ Siakan. Ginda aminu sanga nomana akngakan tasikaing amin usanzike natapa wai siwan wa aminda akumningge gwauke ngana wamu dua yawawa ginda atzipa kungwakaing.

Jems 5:6 ပူးပေါင်းရင်းမြစ်များ

Matyu 21:38

“Kuke wesim kuwawan kake ina anzing yaking, ‘Aminu aapata nanatane kwatangi apmea papik. Ayok. Tangutna kupan puya angana ninda tana,’ ngang yaking.

Matyu 27:20

Siwan Anutue yot takwan gwene puya pasiya amindane takeakwakat gatu Judia amindane take amikatda aminbam yanindatdaukgawa yanggamatake Pailatda Barabas sandetewan kuwan Jesu tanguwa kupikge iniking.

Matyu 5:39

Ngana apmanu nata daniwa natapnong. Ginda aminu ginde wai tasindamanu waapa yake wai ma tasingamam. Wena. Sike aminu tapatuta aamba kautdu wesiwanu katewi aamba gatu kautduat wesiyok.

Aposel 22:14

“Kawawa anzing nanikut, ‘Anutu baminbamda inindatakaking tapata ga tapan ina banipda nataak kakngae katak natdewiyakge takut. Sike aminu Nomantapa kepiapane kaikata kawawi wamu genaneta siknga yawan natapiyakge ga takut.

Aposel 7:52

Tupa siknga aminu Anutue wam yanikapbing aminu kuupbam bamsata toknga yamukaking. Dudumna apata apmea apik ngang yanikapa natake ngana bamsata atzipa kumbing. Siwan aminu dudumna apa apik kapata gwa apan kake ngana ginda take wamna yawikge takuke ginda kem yawa aminda tanguwa kumbut.

Aposel 8:32

Anututane wamu wa matakutna kendekut taknga anzing, “Siwan aminda sipsip tangutnangge take kuwawa sipsipda kuma yuwik. Ina unzakan aminu waapa tangutnangge take kuking ngana wamu takngatu dua yakut.

Hibru 10:38

Ngana natane amin nomana ita na nandukusike yuwik. Sike ngana ita nae natake nitda moo kukamak ngang natake iwanae akgwaubanu nata waapae natapa take dua siwik,” ngang yakut.

Jems 2:6

Siwan ngana ginda aminu sangaapana wena pasiwa apmaakawa aminu sangaapana kaya amindane umana yapangenakaing. Asikaya aminu sangaapana buyambamu kayata ginu dua daipapaakusike meya damukaing ba dasing? Ngan. Wa aminda ginda wamza yaningge moo siknga natake ginu zet pakokaing.

Jems 4:2

Sike ginda sangaapae geenguke ngana pananga dua siwan toiknga atzipa kungwakaing. Ngan. Ginda sangaapae geenguke ngana pananga dua siwan toikngaat yanganuke amakaing. Sike ginda sangae dapmakaing kakngae natake Anutue tumuk wam inindatapning gamu ginda apapam.

1 Pita 4:18

Ina unzakan wamu takngatuat Anutue wapatang ayanikapsa aminu tapatuta anzing matakut, “Aminu Anutue kepi nomana siknga tawake tasinggau waapata meya buyambam pake paa pimakut. Sike ita apimakut gamu waiakngana dua sandewan. Siwan aminu Anutue masa imuke waiakngane sukukaingu asikaya Anututa wa amin gatayamuke waiakngana asandeyamik ba dasing? Wena siknga,” ngang matakut.