Jems 5:13 - Wantoat

¹³ Siwan aminu gikat nana tapatuta meya takngatu kakengu waapata Anutue tumuk wam inindatapsok. Sike tapatuta musia tatanga natake apbakngawiu waapata Anututane umana yatangenake kau takngatu taiyok.

Jems 5:13 ပူးပေါင်းရင်းမြစ်များ

Lotutane Kap Taknga 105:2

Ginda kau takngatui apbakngake taike itane umana yatangenatnong. Siwan ginda sanga gwaam gwaamu pasikut takngae yanikapnong.

Lotutane Kap Taknga 118:5

Na meya buyambamu takngatu kake Buyambam tapae tumuk wam inikum. Iniwa natake ita meya waaknga gatukande sandekngamukut.

Lotutane Kap Taknga 18:6

Na meya waakwak natake Buyambam tapae sitawakum. Na Anutunata akgatangamikge natake nata ie tumuk wam inikum. Ita inane yotna buyambam gwene yuke natane tumuk wama natapbut. Ngan, ita natane tumuk wama maakngata natapbut.

Lotutane Kap Taknga 50:15

Ginda unzing tasiwawa meya takngatuta apan kakengu ginda nae take yaning. Yawa nata ginu asiknga gatandamit. Gatandama ginda natane umana yatangenatnong.”

Lotutane Kap Taknga 91:15

Sike tapduu aminda nae tumuk wam yaningu nata atnatayamit. Sike meya takngatu waaminde apanu na iat yutnim. Iat gatake yuke waaminu apake umana kopsa yamit.

Lotutane Kap Taknga 95:2

Ninda ie inengan kuke musip gwaang kaknga inina. Ninda kau kundu taike bakngake itane umana yatangenatna.

Matyu 26:30

kau takngatu taikenga epu kepman kuke tawanu Oliv dakane kopbumang.

Wamu Takeaknga Lukga Matakut Taknga 22:44

Kekekangamuke yuwawan Jesuta meya siknga natake tumuk wamu kekeknga siknga yanggamatawawan itane nepgamanda dakga binga kepdakane pimaking.

Wamu Takeaknga Lukga Matakut Taknga 23:42

Inike ita Jesu anzing inikut, “Jesu. Tapduknga gata buyambam tapa dakngawiyak gwene nae kuut natapso,” ngang inikut.

1 Korin 14:15

Sike nata dasing tasiwit? Nata anzing tasiwit. Nata tumuk wamu natane natdetdetnaatangu itane yapii nata atnataau wa take yawit. Gatu wamu inata kundu yapii dua nataat tangan tumuk wamu take yawit. Sike nata kau takngatu natane natdetdetnaatangu yapii nata atnataau take taiwit. Gatu kau takngatu wamu inata kundu yapii dua nataat tanganu take taiwit.

1 Korin 14:26

Siwan mate notnabam. Ginu wamu waakngae natake ginda dasing tasining? Tapduknga ginu miti kanangge unekan apuke yutning gwene Waung Kapata gindane musipza pangenawan gikat nana tapatuta kau takngatue natake yawan taining. Siwan tapatuta wamu kaya siwanu ita enake ginde danikapik. Sike tapatuta wamu Anututa iniwan natapbut taknga ginde danikapik. Siwan tapatuta wamu inata kundu yapii dua nataak ngana genatakan yawik. Yawan tapatuta enake wamu waakngatane yapii natake ginde danikapik. Siwan puya wa ginda pasikaingu kuupbamu ginda notza kekekayamunangge natakengu take tasinong.

Efesas 5:19

Kaipakuwawan ginda notzae yaninangge natakengu miti kapde wamu takngatu takngatue natake yaninong. Yanike Buyambam tapaninde inimbakngake ginda miti kap tainong.

Hibru 5:7

Siwan tupa Jesuta nisa gup take kepdakane yukut. Sike tapduu waomune ita tumuk wam yake Anutue inindatapbut. Inindatake ita kumzang siknga yanggamatakut. Sike gatu ita kwanamu kumzang sike tumuk wamu Anutu i gatangaman dua kupik kapae yatawakut. Sike ita Anutue gepbiatang yuwan kake Anututa itane tumuk wamna natapbut.

Jems 5:10

Mate! Ginda aminu Anututane wamu ayanikapbing aminde natapnong. Wa aminde iwanata enake pasiwa mainingge tasiwawa ngana wa aminu musia papa kekekawa dua pimaking. Sike ginda kepi wa aminda sukukaking kaknga tawake tasinong.

Wamu Jonda Mia Kake Matakut San 14:3

Sike wa aminda kau kayuu takngatu Anutu nin ninduyuak kapae nomune gatu sanga kayuk yuaingu wa gweaat gweaatde nomune yuke taiking. Siwan aminu tapatuta kau kayuu waakngae natdetnanga dua. Aho. Aminu kepdakane nana 144,000-nu waakwau Jesuta waiakngane sandekut amindakan kau waakngae natdetdeu paning.

Wamu Jonda Mia Kake Matakut San 7:10

Sike nata nataawa wa aminda apaa anzing yanggamataking, “Nindane Anutuninu sia buyambam dakane pukwike nin ninduyuak kapaat gatu sipsip matekatda nin gatanimuke toknga pananga akngane ninu sandetnimukumayak,” ngang yaking,