Jems 4:8 - Wantoat

⁸ Ngan. Ginda Anutue kuke kekeknga yutnong. Yuwawa ita gin gatandamik. Ginu waiaknga pasiya amin! Gindane waiakngasa gatukande bitapenong. Siwan ginu natdetdetzaatang takngaayana kaya nataaing amin! Gindane musipzaatang takngaaya wa nataaingu apbitateke takngatukan tawake Anutue natanggamatanong.

Jems 4:8 ပူးပေါင်းရင်းမြစ်များ

Lotutane Kap Taknga 119:113

Sike na musia gweaya nataing aminde take dua nataat. Ngana mama wambae take siknga nataat.

Lotutane Kap Taknga 145:18

Sike mamin amindaka musia ie siknga tewa kuwan unin yatawakaingu ita pakapu iatang wesim yuak.

Lotutane Kap Taknga 18:20

Nata gutonga takngatu dua tasiwa nanduke Anututa naenu take tasikut. Ngan, nata kepi noman taknga tawamba nanduke Buyambam tapata sanga gwaamu kwaapzang namukut.

Lotutane Kap Taknga 24:4

Aminu tapatuta waiaknga dua tasike musiaatangu gutongana wena, gatu anutu pupukngae munu dua puwik, siwan kem wamde enandang ngangu notnaapa dua yaninggak.

Lotutane Kap Taknga 26:6

Buyambam tapa, na gutongana wena ngang natake kataknga ga yeikgamunangge saiukgat. Saiuke nata gatane alta dakane kumbasike munu pukgat.

Lotutane Kap Taknga 51:10

Anutu, gata natane musipma tangenawi na musipma kayuk ba dundumna siwikge nataat. Gata natane waunga tangenake na waungu kayukapa naatang tengami nata gaekan natanggamatawa kekekayok.

Lotutane Kap Taknga 73:13

Na ninae akgwaumba musipma noman gan yukut. Siwan wai takngatui dua tasikum. Asikaya wa buyana dua aakut ba dasing?

Lotutane Kap Taknga 73:28

Siwan ngana na, na gae wesim yuke kawa take singgak. Anutu, Buyambam tapa, ga natane daman gwen siknga dakngake yuayak. Ge nata sanga gata tasinggaakge kuupbam yakapit.

Matyu 12:33

“Sike katau dakatu buyana take aawan kake katau takedaka ngang kaamang. Sike buyana wai aawan kake katau take dua ngang yakamang.

Matyu 15:2

“Dasingge tapduknga nanam nanangge ngana pandetdata kataknga dua saukaing? Wamu bapuninda nimuking kaknga unin zipmandakngakaing,” ngang iniking.

Matyu 27:24

Siwan Pailatda kawawan itane wamu take dua siwan amau buyambamda enatnangge siwan kake yangga kundu pake aminu waakwakge kaine tuwangu takngatu tasinangge natake kataknga sauke anzing yakut, “Na ie dau wena. Gisae sanga,” ngang yanikut.

Aposel 15:9

Sike ninde inata taknga dua tasike ie inata taknga dua tasikut. “Aho. Jesue natake gatanimuya apanin ngang natapa kekekawan Anututa kake wasau musiaatang doke yuaunin sandeyamuke musia papan kwakayamukut.

2 Korin 7:1

Wamu wa Anututa yawan kekekakuu wa ita ninde natake yakut. Unzingge ninda ie natake sanga nin pasiwan aminu wai amin daknganim takngae apbitateke yutnim. Yuke ninda Anutue akgwauke kepi nomana siknga akngane sukunangge tasinim.

1 Timoti 2:8

Siwan nata aminu yotna yotna nana kuupbamda Anutue tumuk wam yaningge nataat. Sike wa aminda sanga wai kuupbamde masa imuke sanga tapatue dua yanganuke katakngi tangenake tumuk wam yaningge nataat.

Hibru 10:22

Unzingge ninda Anutue wesimu take kunim. Ngan. Ninda nindane musipmikatangu Anutue natanggamatake ita nin gatanimik ngang natapna kekekawan ie wesimu take kunim. Siwan Jesuta inane dakngata nindane waiaknganinu gwa sandetnimukut ngang natake ie wesimu take kunim. Kuke ninda nisa natapna natdetdetninu kakaa siknga siwan yangga dopna wenata ninu sautnimukingge ninda Anutue wesim take kunim.

Hibru 7:19

Ngan. Wamu waakngata aminu tapatu Anutue nomune gitna yuwikge kepi dua tasikut. Wena. Ngana wamu kayuu Anututa wa nimukut takngata ninu Anutue nomune gitna yutnimde kepi siakande atasinimukut. Siwan ninda wamu kayuu waaknga buya aawikge asiknga bakngake natayuamang.

Jems 3:17

Unzing pasikaing ngana aminu natdetdeu enandang yuak kapatane aknga pake yuaing aminda musia takngaaya dua natake kepi nomana akngane sukukaing. Sukuke aminda meya takngatu takngatu yama pake ngana wa aminde musia kwikwiknga natayamukaing. Natayamuke yamandet amin dua sike wai aminde yake semna dua natayamuke wikake yuaing. Yuke aminu sangae dapmake yuaingge butaya natake gatayamukaing. Gatayamuke musia takngaaya dua natake kem wamu dua yakaing.

1 Pita 1:22

Siwan na atnataat. Ginda gisane musipza papa nomatawan siakan wam takngaekan natake kepi nomana siknga aknga atawake tasikaing. Tasike ginda notza Jesue amina dakngake yuaing aminde musip gwaang natayamukaing. Siwan ginu siakan wam gwaamuke ginda gisane notza Jesue aminae musip gwaang siknga natayamuke kumzang tasinong.

1 Pita 3:21

Siwan yangga buyambamu wa enakuu aminu kunduta yangga gwene engatangan take yukingge natake nata tuwanguke wamu ninde yangga sautnimuking kakngae daniwa natapnong. Yangga waakngata gin gatandamunggak ngana yangga sautnimukingu wa nindane wasapmin sauwan ninda amin noman dakngakumang ngangu yananga dua. Wena. Sanga Jesu Kraisda akumbut katangga gatuna enakut takngata nindane musipmin pangenawan ninda kepi nomana tawanangge natapbumang. Natake nisae natapna natdetdetninu kakaa siknga singgak kaknga akekekawikge natake yangga saukumang.

1 Jon 3:3

Siwan aminu Jesuta yuak kakngakan dakngake yutnangge nataaing aminda inane musia tapa nomatawan Jesuta aminu nomana sikngaapa yuak binga dakngake yutning.