Jems 3:18 - Wantoat

¹⁸ Sike aminda kepi wa nomana akngane sukuke musip kwikwiu aminde natayamukaing kaknga buya aawan aminu kuupbamda kepi wa nomana akngane sukuning.

Jems 3:18 ပူးပေါင်းရင်းမြစ်များ

Lotutane Kap Taknga 92:14

Sike katau wa dakandaka damana gwa sike ngana tapuya awasike yuaing. Katau waakwau kekeknga yuke dua kupiakaing. Itane tatakngi gwegwenga asinggan yuke buyana aatning. Unzing, aminu noman aminu aminuake sining ngana kekekake yutning.

Matyu 5:9

Mamin amindaka amakaknga yandakngakaingu Anututa aminu waakwakat gatake yutning. Dasingge? Anututa natane waaknga ngang yaniwik.

Wamu Takeaknga Jonda Matakut Taknga 4:36

Aminu buya detnangge pasiwiu ita manina apapik. Nanamu buya deke pakapu unekan pening binga aminbam yanipakapa natane pandetna dakngake kayuk yutning kaknga pake asinggan asinggan yutning. Unzingge aminu nanam kwaiwik kapaat gatu nanamu buya dewik kapau kuut tapaatda apbakngasan.

Galasia 6:8

Ngan. Aminu tapatuta sanga inane musia enaya akngae natanggamatake tasiwanu sanga waaknga buya aake ita aminu waapa atasiwan maiwik. Ngana aminu tapatuta katewan Waung Kapata waapa initakuwan sukuwiu ita akupanu Waungga gatu tangenake gatangaman ita kayuk asinggan asinggan yuwik.

Filipai 1:11

Siwan Jesu Kraisda gin gatandaman ginda kepi nomana siknga akngane sukuwawa aminbamda gin danduke Anututane umana yatangenawa buyambam siknga siwik.

Hibru 12:11

Siwan ita nindane natdetdetnin papan nomataningge tasiwan meya pakengu ninda dua bakngakamang. Aho. Tapduu waomune ninda meya buyak yuamang. Sike ngana masande meya waakngata ninu panomanuwan anggaman natdetnim. Natdeke ninu kwikwikngata yuke kepi nomana siknga akngane sukunim.

Jems 1:20

Dasingge? Aminu musia toknga natapiu waapata Anututane puya nomana tasinanga dua.