Hibru 7:8 - Wantoat

⁸ Siwan Liwaitane dongune aaking aminda kuupbam inandek inandek akumning. Kekeknga asinggan asinggan dua yutning ngana apmanu wa aminda sanga notnata pewa minga daka dakngakaingu apakaing. Siwan tupa Melkisedeu waapata sanga Ebrahamda pewan minga daka dakngakuunin iman apakut. Siwan Anututane wamu ninda kendeke ita ayuak ngang nataamang.

Hibru 7:8 ပူးပေါင်းရင်းမြစ်များ

Wamu Takeaknga Jonda Matakut Taknga 14:19

Mateknga kundusim yukenga na dapmake kuwawa aminu Anutue natapa siakan dua singgak aminda gatuna dua nandupning. Aminu waakwakatnana aminda na dua nanduke yuwawa ngana ginda atnandupning. Ginda atnandupa nata kayuk yuke ginda kayuk yutning kaknga atdama kayuk asinggan asinggan yutning.

Wamu Takeaknga Jonda Matakut Taknga 14:6

Iniwan yake anzing inikut, “Nata ginu danipakuwa kuke undang kunim. Sike siakan wamde yapii na. Siwan ginu kayuk yutning kaknga atdama kayuk asinggan yutning. Siwan nata aminu tapatu dua initakuwanu ita kuke Nande dua kuwik. Ita inatakan undang kunanga dua.

Hibru 3:16

Siwan wamu waakngae natake ninda dasing natapnim? Wamu aminu Anututane wamna natake ngana yamandet sike masa ie imuking aminde yakuu wa mamin aminde natake yakut? Wa aminu kuupbam Mosesda yanipakuwan Isip kep kom teke kukingunin.

Hibru 5:6

Sike gatu wamu kautduatangu wamu takngatuat Anututa inikut takngae natake aminu tapatuta anzing matakut, “Gata puya aminda Anutue kuningge kepi tasike asinggan asinggan yuwiyak. Unzing tupa siknga aminu tapatu umana Melkisedek ngang iniking kapata puya waakngakan tasikut. Siwan gata wa amindane dongaat nana tapatu binga dakngawiyak,” ngang matakut.

Hibru 6:20

Dasingge? Jesuta nin gatanimikge natake ita gamok enandangu kopbut. Koke ita kepi ninda Anututane nomune gitna yutnimde kepi ninde tasinimukut. Siwan tupa siknga aminu tapatu umana Melkisedek ngang iniking kapata puya waakngakan tasikakut. Siwan Jesuta aminu waapatane dongaat nana tapatu binga dakngake asinggan asinggan yuwik.

Hibru 7:23

Siwan tupa aminu kwaapzangga Anutue yot takwan gwene puya pasiking. Dasingge? Aminu kunduta puya pasiyuk kungwatakapunggawa apu apman apunggak.

Hibru 7:7

Siwan ninu atnataamang. Aminda wam kwikwiu aminu tapatue imiu ita enane yuak. Siwan aminu ita wam kwikwik imik kapata amunandang binga yuak. Asikaya aminu tapatuta wamu nata wa yanggat takngae sapdut wam yawik ba dasing? Wena siknga.

Hibru 7:9

Siwan Liwai Ebrahamdane dongune aakuu tapatu. Sike nata waapae natake tuwanguke yawit. Tapduknga ita dua aakut gwene Melkisedekga Ebrahamu kepiapane kakut. Sike tapduu waomune Liwaita Ebrahamdane gupnane binga yukut. Yuwawan iat kuutda binga yuke waapaatda sanga Melkisdekge imukumayak ngang natake tuwanguke yanggat. Siwan ngana apmanu Isreldane dongune aaking aminda sanga pewa kuku minga daka dakngakaingu aminu Liwaitane dongune aakingge yama apakaing. Ngana dongu waakwakga Melkisedeu dua yapbiking.

Hibru 9:27

Siwan ninu atnataamang. Aminu kuupbamda sipdune akumning. Akupana masande Anututa wa amindane wamna usanziwik.

Wamu Jonda Mia Kake Matakut San 1:18

Sike tupa na akumbum ngana gatuna gweake kayuk yuat. Ngan. Nata kayuk asinggan asinggan yuwit. Sike nata sanga aminda akumnanga ba kayuk yutnanga akngae kayuat. Sike gatu nata keu akupsa aminda yuaing komde kayuat,” ngang nanikut.