Hibru 4:9 - Wantoat

⁹ Unzingge ninu atnataamang. Ninu Anututane aminabamda apmea ayutnatakawik.

Hibru 4:9 ပူးပေါင်းရင်းမြစ်များ

Lotutane Kap Taknga 47:9

Sike amindane tupan amin tapaapa aminu Abrahamdane Anutuna tawakaingkat unekan gatake yuaing. Dasingge, kingu kepna kepna nana kuupbamu aminu Anututanekan. Ita king tupan tapa enane siknga yuak kapanin.

Matyu 1:21

Siwan apmea engangu wawiapatu tangaiwik ngang inikut. Tangaiwana umana Jesu ngang iniyo. Dasingge? Ita aminabamu waiakngae gepbiatang dua yutningge gatayamik ngang inikut.

Taitus 2:14

Siwan Jesu waapata ninde natake nin papan itane aminabam dakngake kepi nomana akngane iaknga siknga natake sukunimde natake ita ninde tangge kungwanimukut. Ita ninu waiaknganinde gepbiatang yukumang kaknga sandetnimikge kepi tasinimunangge kungwanimukut.

Hibru 11:25

Ngan. Ita maya waapatane waaknga dakngake yukut ngana ita Isip nana amikat gatake yuke sanga wai takngatu takngatue apbakngake tawake tapduknga dapaknga yuke kupikge apbitakut. Apbitake ita Anutu kakusike iat Anututane aminabapat gatake yuke meya takngatu takngatu Isip nana aminda yama paningge dua gwaukut. Wena.

Hibru 3:11

Yake nata musipma toknga natayamuke nata anzing yakum, ‘Wa aminda natane daman gwene ayuwa takaningge dua kopning. Wena siknga,’ ngang yawa kekekakut,” ngangu Anututa unzing yakut.

Hibru 4:1

Siwan Anututa wamu ninda itane daman gwene koke yutna takawikge yanggak. Unzing yanggakge ninda nisae katak siknga tagwautnim. Aminu nikat nana tapatuta undang dua koke yusika kupanu tapduu akopnanga gwenda aminu waapa yapbimsak ngang natake tagwautnim.

Hibru 4:10

Ngan. Aminu tapatuta Anututane damanu wa ayuwantakananga gwene kopiu waapata inane puyana tasiwan puyuwan ayuwantakawik. Unzing tupa Anututa inane puyana tasiwan puyuwan ayuwantakakut binga waapata ayuwantakawik.

Hibru 4:3

Apan natake ninu wamu waakngae natapna siakan sikut aminda damanu wa ayutna takananga gwene koke yuamang. Sike ngana tupa Anututa aminu baniu dua sining aminde natake wamu takngatu anzing yakut, “Nata musipma toknga wa aminde natayamuke nata anzing yakum. ‘Wa aminu natane daman gwene ayuwa takaningge dua siknga kopning,’ ngang yawa kekekakut,” ngangu Anututa unzing yakut. Sike tupa siknga tapduknga ita sangabam tasike tekut gwene Anututa puya pasiwan puyuwana ita ayuwan takakut.

Hibru 4:8

Siwan tupa siknga aminu tupan aminu tapatu umana Josua ngang iniking kapata ina amin yanipakuwan keu ayuwatakawik komune kuking gamu masande Anututa tapduu aminda ayuwatakaning gwende dua yawan.

1 Pita 2:10

Tupa ginu katum amin moo siknga yuking ngana Anututa ginu inae papan ginu itane aminabam dakngake yuaing. Ngan. Tupa Anututa ginde musip kwikwiu dua natandamuke ita ginde semna natapan yuking. Ngana apmaau ita ginde musip kwikwiu atnatandamunggak.

Wamu Jonda Mia Kake Matakut San 14:13

Siwan epuke nataawa wamu takngatu enandangga epuke anzing yawan natapbum, “Gata wamu takngatu anzing matayo, ‘Buyambam tapaninde natapa kekekawan apman ba tapduk bamu masan ngangu akumningu aminu waakwau aminu takekan yuke apbakngananga aminu unin,’ ngang matayo.” Sike Waung Kapata anzing yanggak, “Ngan. Wa aminu Anututane puya kwatan bamu tasikaingu ateke wa aminda apbakngake ayuwa takawik. Dasingge? Wa aminda puya tasikaingu waaknga buyana asaakgak. Sike buya asaakgau waakngata wa amikat gatake keu ayuwa takawik komune kuning,” ngangu wamu waaknga yawan natapbum.

Wamu Jonda Mia Kake Matakut San 21:4

Sike ita amindane kai yangga kuupbam pasiwan kuning. Sike aminu tapatuta dua kupik. Gatu aminu tapatuta musia meya dua natake kwanamu dua sike sanga toknga gupnane dua natapik. Wena siknga. Sanga tupa nana wa kuupbam gatukande gwa sandekgak,” ngang yawan natapbum.