Hibru 2:12 - Wantoat

¹² Tupa siknga aminu tapatuta wamu takngatu wa binga Anututane buk gopatangu gwa matakut. Sike wamu wa anzing matakut, “Anutu! Nata gatane umanda aknga natane uyapmabamde yanikapit. Ngan. Gatane amindabamda unekan apa nata wa aminde banakan koke gatane umanda yatangenake kau takngatu takngatu taiyamit,” ngang matakut.

Hibru 2:12 ပူးပေါင်းရင်းမြစ်များ

Lotutane Kap Taknga 111:1

Buyambam tapatane umana yatangenatnong. Nata Buyambam tapae gwaam siknga natangamuke asiknga inimbakngawit. Ngan, aminu kepi noman takngane sukukaing aminu unekan gatake yutning komune yuke nata asinimbakngawit.

Lotutane Kap Taknga 22:22

Gata unzing tasiwinu nata notnabamde gatane umanda buyambamu yanikapit. Sike tapduu miti kanangge unekan yutningune na banakan kuke gae siknga inata kundu natapit.

Lotutane Kap Taknga 22:25

Sike miti kanangge unekan yutning gwene nata gatane umandakan yatangenawit. Sike wamu sangabamu nata pasiwitde yawa kekekakut taknga aminu gae akgwaukaing aminde kaine atasiwit.

Lotutane Kap Taknga 40:10

Nata sanga gata noman nomana tasinggayak kaknga musipmaatangu dua takusopunggat. Aho. Gata wamu yawi kekekakut saak tawake na gatu takuyakge ayanikapmanggat. Siwan gata aminbamde musip gwaang natake gata kepi noman taknga siknga tawake tawanggayakge nata wamu waaknga aminu mitie unekan yuaingune dua takusopunggat. Wena. Nata ayaninggat.

Wamu Takeaknga Jonda Matakut Taknga 18:20

Inikwaiwan yake anzing inikut, “Nata wa aminu wamu anggaman asinggan yamukum. Asinggan nata aminbamu miti yot gwene gatu Anutue yot takwan gwene Judia aminda unekan apuke kekepna yuaing komune yanindamukum. Nata wamu takngatu kusopuknga atangu dua yakum.

Hibru 12:23

Siwan aminu Anututane waaknga tupan dakngakingu wa amindane umana enandangu gwa matakut. Sike wa aminda yot bamu wangapmane yuke apbakngakaing. Siwan ginda wa amikat dongu takngatukan dakngake yuaing. Ngan. Ginda Anutu ninu kuupbam ninduyuke aminu kuupbamdane wam usanziwik kapae kuking. Kuke ginda aminu nomana akwau enandangu Anutuat gatake takekan yuaing amikat dongu takngatukan dakngake yuaing.