Efesas 6:18 - Wantoat

¹⁸ Siwan tumuk wamu Waung Kapata gindane musipza pangenawan natapningu waaknga asinggan yake ginda Anutue yatawanong. Yatawake tendeknga wena asinggan ininong. Inike ginda tumuk wamu Anututa inane aminabam gatayamikge natake inindatapnong.

Efesas 6:18 ပူးပေါင်းရင်းမြစ်များ

Lotutane Kap Taknga 4:1

Anutu, gata natane Anutu noman sikngaapanin. Nata musipmaatang meya siknga nataat. Sike nata ga gatangamiyakge natake gae ganiwa gata nae wam natake gatangamuyo. Gatangamuke gata na musipmane meya nataat taknga sandekngamuyo. Sandekngamuke gata nae musip kwikwik natangamuke tumuk wamae maak papso.

Lotutane Kap Taknga 6:9

Nata Buyambam tapae yatawamba ita na gatangamikge gwa natangamuk. Ngan, ita tumuk wama gwa natak.

Matyu 17:21

(Siwan waung wai a binga yanikwasitnanga kepi takngatukan. Tumuk wam yake Anutuekan natayuke nanam teke dua nayuk yanikwasiwa kuwik. Kepi takngatuat wena,” ngang ninikut.)

Matyu 26:41

Ginda kayuk yuke tumuk wam yanong. Sanga gin pasiwa sinangata ginde apsak. Siakan. Banipzaatang kayuk yutnangge nataaing ngana ginda tuyuknga natake pekaing,” ngang yanikut.

Wamu Takeaknga Makga Matakut Taknga 13:33

Ginu wa zaapduknga apikge dua natake katak kayuke tandakngake yutnong.

Wamu Takeaknga Makga Matakut Taknga 14:38

“Ginu kayuk yuke tumuk wam yanong. Sanga gin pasiwa sinangata ginde apsak. Siakan. Banipzaatang kayuk yutnangge nataaing ngana ginda tuyuknga natake pekaing,” ngang yanikut.

Wamu Takeaknga Lukga Matakut Taknga 21:36

Ginda tapduk tapduk asinggan tandakngake Anutue tumuk wam iniwa natake ginde kekeknga akngana daman ginda sangabamu wa apiu yapbike na aminbamdane notna apae nomune take siknga yutning,” ngang yanikut.

Wamu Takeaknga Lukga Matakut Taknga 22:46

Kake ita anzing yanikut, “Dasingge ginu pekaing? Enake ginu tumuk wam yanong. Sanga gin pasiwa sinangata ginde apsak,” ngang yanikut.

Wamu Takeaknga Lukga Matakut Taknga 3:26

Nanggaitane nana Meat. Meatdane nana Matataias. Matataiasdane nana Semen. Semendane nana Josek. Josekgane nana Joda.

Wamu Takeaknga Lukga Matakut Taknga 3:37

Lemekgane nana Metusala. Metusalatane nana Inok. Inokgane nana Jeret. Jeretdane nana Mahalalil. Mahalalildane nana Kenan.

Aposel 1:14

Waakwakat maya kunduat Jesue minga Mariaat Jesue uyapnaatda musia buya takngatukan natake unekan gatake yuke asinggan tumuk wam Anutu iniking.

Aposel 10:2

Yuke Anutue natapan kekekawan maatnaat waatdakanaat kuutda Anutue akgwauke yuking. Yuke aminu sangaapana wena yukingu mani buyambam yamuke gatayamuyuk tumuk wamu asinggan asinggan Anutue inikut.

Aposel 12:5

Natake Pita tewan kaaut yot katanggan kayuking. Kayuwawa nganu Jesuat nana aminda Anututa gatangamikge tumuk wamu kekeknga siknga ngang yaking.

Aposel 6:4

Pasiwawa ninu tumuk wamu Anutu inike aminbamde Anutue wam yanike pasiyuwatnim,” ngang yaniwa natapbing.

Pas Polda Rom Nana Aminde Matayamukut San 12:12

Pasingamuke wamu ita tupa yawan kekekakut taknga buya aawan kaningge kayuke apbakngake yutnong. Yuwawa aminu Jesue iwana dakngake meya takngatu takngatu ginde damuwawa ngana ginda kekekake gitna take ma tewa pimapan. Aho. Ginda asinggan Anutue inindatake tumuk wam yanong.

Pas Polda Rom Nana Aminde Matayamukut San 8:15

Ngan. Waunga ninda wa takumang kapata nin pasiwan ninda Anutue natake nisipsak ngangu dua gwautnim. Aho. Waungga nin pasiwan ninda Anutue natake ita nin papan itane waaknga dakngake yuamang ngang natake ninda Anutue, “Nan! Nan,” ngang inikamang.

Galasia 4:6

Sike ginu itane waaknga gwa dakngake yuaing. Unzingge Anututa Waung Kapa initewan apuke gisane musipzaatang pukuwik. Ita Anututane waaknga binga dakngake pukuke Anutue “Nan. Nan,” ngang ininggak.

Efesas 1:16

Natake asinggan nata Anutu ginde inimbaknganggat. Tendeknga wena inimbakngake nata tumuk wamu asinggan ginde natake iniwa ita gin gatandamikge yanggat.

Efesas 3:18

Inindatapa ita gindane natdetdetza papan kakaawan gikat gatu Anututane amina kuupbapatda natake Kraisda ninde butaya natanimukut takngae anggaman natapning. Ginda ie natapa buyambam siknga siwikge natake inindatanggat.

Efesas 3:8

Ngan. Nata aminu Anututane aminabam dakngake yuaingu kuupbamde natapa amin gwaang singgak. Siwan aminu waakwau kuupbamda na atnapbiking ngana Anututa puya nae namunangge na tapan nata itane kwiiknga dakngakum. Dakngake nata Jesue natake amin gwaang siknga apa ngang natake gatu ie akgatanimunanga apa ngang natake nata ginu Anutue dua natapbing aminde kukum. Kuke natdetdeu nata Jesue nataat takngae natake ginde danikapbum.

Efesas 6:19

Inindatake ginda nakaya kuut gatangamikge yanong. Ginda tumuk wam iniwa Anututa wamu takeaknga tupa inane musiaatang natake tekut taknga natane genane tewik. Tewan nata aminde dua gwauke wamu waaknga yanikapit.

Filipai 1:4

Tumuk wamu ginde yanggau nata ginde apbakngake yanggat.

Filipai 4:6

Pasiyamuke ginda sanga takngatue nangaakan ma natapam. Aho. Sanga kuupbam meya takngatuta ba sanga take takngatuta ginde apanu ginda Anutu tumuk wam ininong. Ngan. Anutue inimbakngake tumuk wam ininong.

Kolosi 1:3

Siwan nitda tumuk wamu Anutu Buyambam tapaninu Jesu Kraisdane Nanae inike niu ginde natake asinggan inimbakngakamak.

Kolosi 1:4

Dasingge? Niu puya amin notniu tapatu umana Epafras ngang inikamang kapae nitda musip gwaang natangamukamak. Waapata Kraisdane puyana take siknga tasike ita nitde tangge ginde kukut. Ginde kuke ita tupa siakan wam taknga Anututa ninde musip kwikwik natanimunggak ngang danikapan natapbing. Siakan. Nitkat puya amin notniu kunduat wamu take waaknga take aminu buyambam yanikapmakamang. Ninda yanikapna wamu waakngata keu kuupbam tawamban sandekut. Tawamban sandewan buya asaawan aminda wamu waaknga gitna take yuwa buyambam daknganggak. Ina unzakan wamu waakngata ginde apuke tasiwan buya asaakut. Tupa tapduknga ginda wamu waaknga natake katak siknga natdeke taking gwenuneta apu apman apan wamu waakngata buya asaakgak. Siwan wamu waakngae natake ginda sanga Anututa ginde enandang pewan yutdamunggak kakngae apbakngake natayuaing. Natayuke ginda Kraisde natapa kekekawan aminu itane aminabam dakngake yuaingu kuupbamde musip gwaang natayamukaing. Siwan Epafras waapata wamu Waung Kapata gindane musipza pangenawan ginda notza Jesue aminabamde musip gwaang natayamukaingge ninikut. Niniwan nitda apbakngake Anutue asinimbakngakamak.

Kolosi 4:2

Siwan ginu aminu kuupbam. Ginda tumuk wamu Anutue asinggan inike ma tuyukawam. Ginda tumuk wamu asinggan yake yake yasika ngana dapunde natake ma petakwemapam. Aho. Ginda kayuk yuke Anutue inimbaknganong.

1 Tesalonaika 5:17

Ginu tumuk wamu asinggan asinggan yanong.

1 Timoti 2:1

Siwan wamu tupan taknga gata tawake tasiwiyakge natake nata ganiwa natapso. Gaat gatu notninu gikat gatake yuaing amikatda Anutue inimbakngake tumuk wam iniwa ita aminu kuupbam gatayamik.

2 Timoti 1:3

Sike natane bamata tupa musiaatangu natdetdeu gutonga takngatue dua natanggamatake Anututane kepi tawake nomana siknga sukukaking. Ina unzakan nakaya atasinggat. Tasike tumuk wamu zikaane gatu kwakngaom ngang yanggau asinggan na gae natanggamatake Anutu inimbaknganggat.

Hibru 5:7

Siwan tupa Jesuta nisa gup take kepdakane yukut. Sike tapduu waomune ita tumuk wam yake Anutue inindatapbut. Inindatake ita kumzang siknga yanggamatakut. Sike gatu ita kwanamu kumzang sike tumuk wamu Anutu i gatangaman dua kupik kapae yatawakut. Sike ita Anutue gepbiatang yuwan kake Anututa itane tumuk wamna natapbut.

1 Pita 4:7

Siwan tapduknga sandetnangge dapaknga gwa singgakge ginda gisae natdetdetzane anggaman natake yutnong. Yuke ginda gisae katak tagwauke Anutue tumuk wamu asinggan ininong.

Pas Jutda Matakut San 1:20

Siwan ngana notnabam. Ginda Anututane siakan wam takngae natapa kekeknga singgak kakngata buyambam siwikge tasinong. Tasike Waungga musipzaatang pukuke papan kekekake ginda tumuk wamu Anutue inindatapnong.