Efesas 5:19 - Wantoat

¹⁹ Kaipakuwawan ginda notzae yaninangge natakengu miti kapde wamu takngatu takngatue natake yaninong. Yanike Buyambam tapaninde inimbakngake ginda miti kap tainong.

Efesas 5:19 ပူးပေါင်းရင်းမြစ်များ

Lotutane Kap Taknga 147:7

Buyambam tapae kap taike umana yatangenatnong. Gita dakandaka zipna gakngae noman ayawan Anutuninde ininim.

Lotutane Kap Taknga 62:8

Ginu natane donga, Anutue baniu asinggan sinong. Ginda meya kuupbam musipzaatang pakaing ba natdetdetzaatang nataaingu iekan yakapnong. Dasingge, ninda iekan kuke take yutnim.

Lotutane Kap Taknga 86:12

Anutu, natane Buyambam tapana, nata musip gwaangu buyambam siknga natanggamunggat. Natake nata gatane umanda kopsa yuak kaknga asinggan asinggan yatangenawit.

Lotutane Kap Taknga 95:2

Ninda ie inengan kuke musip gwaang kaknga inina. Ninda kau kundu taike bakngake itane umana yatangenatna.

Matyu 15:8

‘Aminu wa natane umana genatakan yatangenakaing. Sike musiaatangu nae maa siknga yuaing.

Matyu 26:30

kau takngatu taikenga epu kepman kuke tawanu Oliv dakane kopbumang.

Aposel 16:25

Siwan unzing petakumat dakane Polkat Sailaskatda tumuk wamu yake Anutue kapna taikumayak. Taiwawat kaaut amin notna kuupbamda atnatayuking.

1 Korin 14:15

Sike nata dasing tasiwit? Nata anzing tasiwit. Nata tumuk wamu natane natdetdetnaatangu itane yapii nata atnataau wa take yawit. Gatu wamu inata kundu yapii dua nataat tangan tumuk wamu take yawit. Sike nata kau takngatu natane natdetdetnaatangu yapii nata atnataau take taiwit. Gatu kau takngatu wamu inata kundu yapii dua nataat tanganu take taiwit.

1 Korin 14:26

Siwan mate notnabam. Ginu wamu waakngae natake ginda dasing tasining? Tapduknga ginu miti kanangge unekan apuke yutning gwene Waung Kapata gindane musipza pangenawan gikat nana tapatuta kau takngatue natake yawan taining. Siwan tapatuta wamu kaya siwanu ita enake ginde danikapik. Sike tapatuta wamu Anututa iniwan natapbut taknga ginde danikapik. Siwan tapatuta wamu inata kundu yapii dua nataak ngana genatakan yawik. Yawan tapatuta enake wamu waakngatane yapii natake ginde danikapik. Siwan puya wa ginda pasikaingu kuupbamu ginda notza kekekayamunangge natakengu take tasinong.

Kolosi 3:16

Sike ginda wamu kuupbamu Kraisda yakuu musipzaatang gitna siknga pake yutnong. Yuke ginda natdetdeu nomana siknga takngatu takngatu gindane notzae yanindamutnong. Yanindamuke ginda musipzaatang Anutue inimbakngake miti kau inata inata tainong.

Jems 5:13

Siwan aminu gikat nana tapatuta meya takngatu kakengu waapata Anutue tumuk wam inindatapsok. Sike tapatuta musia tatanga natake apbakngawiu waapata Anututane umana yatangenake kau takngatu taiyok.

Wamu Jonda Mia Kake Matakut San 5:9

Siwan wa aminda kau kayuu takngatu sipsip mateu wagwende anzing taingamuking, “Ninda ga gandupna take singgakge gata pepa wagomu take tapsa. Takenga gata gatak gatau take dauya. Dasingge? Aminda ga gwa guwa kumbuyak. Kungwake dakga tukngwakuyak kakngata aminbamu waiakngane sandewan wa aminda Anututane amina dakngake yuaing. Ngan. Gata aminu kwaapzang pasiwi aminu dongu kuupbapat nana kunduta Anututane amina dakngake yuaing. Siakan. Aminu wamna inata inata yakaing gatu gupna inata inata gatu kepna inata inata ngangu kuut kundukan gata pasiwi itane amina dakngake yuaing.