Aposel 6:7 - Wantoat

⁷ Siwan Anutue wam yatakuwan sandewan aminu Jerusalem nanata buyambamda Jesue pandetna dakngaking. Dakngake moo amikat Anutue puya pasiya aminu buyambapatda Jesue natapa kekekakut.

Aposel 6:7 ပူးပေါင်းရင်းမြစ်များ

Lotutane Kap Taknga 132:16

Siwan nata pris Sion yuaing aminde puya yama aminbamu gatuna apanggat takngae aminbam yanikapning. Siwana natane aminabamu wanggapmane nana apbakngake kap taining.

Lotutane Kap Taknga 132:9

Nata natapa gata pris gikane apaapata tauknga pasike nomanu asinggan asinggan tasiningge nataat. Nomanu waaknga unzing, tauk take pasikaing binga. Sike gikane aminbamda yanggamatake baknganingge nataat.

Matyu 19:30

Ngana aminu kundu tupan amin yuaingu masan amin daknganing. Siwan aminu kundu masan amin yuaingu tupan amin daknganing,” ngang ninikut.

Wamu Takeaknga Lukga Matakut Taknga 2:34

Natake yuwawat Simion waapata wam kwikwik yake Maria anzing inikut, “Anututa engangu aapa tapan pasiwan Isrel aminu kunduta apimaning. Siwan ita gatayaman buyambamda nomana yutning. Ita tuwang dakatu tasiwan kake aminbamda inisapdutning.

Wamu Takeaknga Jonda Matakut Taknga 12:42

Unzing matakut taknga buya aawan aminu buyambamda Jesue natapa siakan sikut. Siwan Judia nana amindane take amikatnana aminu buyambamda ie natapa siakan sikut. Siwan ngana wa aminu Ferisi aminde akgwauke miti yot gwene ninikwasitnang ngang natake Jesue natapa siakan sikut takngana atakusopuking.

Aposel 12:24

Siwan Buyambam tapanindane wamu yotna yotna yatakuwawa aminbamda natapbing.

Aposel 13:8

Yayawamban apu iniwawat ngana gaam gatu iak ngang pasinggak kakngae natake natdetdetna kayaapa ngang natake umana takngatu Grik wam tangan Elimas ngang iniking. Ita tupan tapata baniu dua siwikge inindakngakut.

Aposel 14:22

Kuku Jesuat nana dakngaking aminu une nana yaninggamatake musia papat kekekawan anzing yanikumayak, “Ginda Jesue natapa siakan sikut taknga kekeknga take yutnong. Anutue gepbiatang kopnanggekamang ngana tupanu dua koyuk kepi meyana kaya tapane gamok kunim,” ngang yanikumayak.

Aposel 19:20

Siwana Buyambam tapanindane wam takngata buyambam sitakuke kekeknga siknga sikut.

Aposel 2:47

Yusika Anutu inimbakngawawa aminu you wanggapmane nana aminda kawa take sikut. Kawa take siwan gunzitbamu asinggan asinggan aminu kunduat Jesue natapa kekeknga sikut. Siwan aminu Anututa inae pake waiaknganae dua zipan kumning aminda Jesue amina dakngawa buyambam sikut.

Aposel 21:20

Yaniwan natake Anutue umana yatangenaking. Yatangenake anzing iniking, “Notnin tapasim. Gika atnataayak. Judia nana aminbamda Jesue banip sike yuainggen. Sike aminu waakwau Mosesde mama wam tawananggengu kekeknga siknga nataaingunin.

Aposel 6:1

Siwan tapduu wagwekatang Jesue pandetna aminu buyambam siking. Buyambam siwan pandetna kundu Judia nana amin ngana Grik kep komune yuke Grik aminde wam natake gatu apbing. Siwan ngana kunduta Grik aminde wamu dua natake inane wamban natapbing. Siwan Grik aminde wam natapbing aminda kawawa aposel aminda aminu sangae dapmakaing aminde sanga usanziyama kaking. Kake, “Ninu Grik aminde wam yakamanggane maya kombakobatde sanga katak dua yamukaing,” ngang yaking. Yawa ie yake Grik aminde wamu dua natapbing amikat ayanganuking.

Pas Polda Rom Nana Aminde Matayamukut San 1:5

Siwan Anututa yawan Jesuta na take itane puyana tasiwitde takut. Nata aminu yotna yotna nana aminde kuke yanikapmake musia papa nomatawa Jesue natapa kekekawan itane gen gwaamuke tasiningge na takut.

Pas Polda Rom Nana Aminde Matayamukut San 16:26

ita aminu kundu pake wamu waaknga yeuyamukut. Yeuyaman kake wa aminda wamu waaknga aminbamde yanikapmake buk gopatang mataking. Matawa Anutu asinggan yuwawik kapata yake aminu kuupbam kepna kepna nana aminda wamu waaknga anggakan natake musiaatang natapa siakan siwan gwaamutningge yakut.

Galasia 1:23

Dua nanduke wa aminda wamu takngatu anzing natapbing, “Aminu tupa nin pasiwan maikumangu waapata musia tapan tekwamban sanga ninda Jesue natapna kekekanggak kaknga ita yaitapaakusikuu waakngae apbakngake yanikapmanggak,” ngang natapbing.

Galasia 6:10

Unzingge ninda tapduu notnin gatayamunanga gwene yuamang. Yuke aminu Jesue natapa kekekawan itane donga dakngakaing amin gatayamunim. Wa amikat gatu aminu kuupbamu kuut gatayamunim.

2 Tesalonaika 1:8

Unzingu apuke tapduu waomunekan ita toknga yake aminu Anutue semna natake gatu Buyambam tapaninu Jesutane kekeknga aknganae gepbiatang yutningge wamu take akngae masa imukaing aminde yake toknga yamik.

2 Timoti 2:9

aminda nae natapa aminu waiapa siwan na kaautde napmaba nata meya buyak yuat. Unzing yuwawa ngana Anututane wamde kepi umutnanga dua.

Hibru 11:8

Siwan Ebrahamda Anutue natapan kekekawan Anututa yatawake keu komdu ie imik komune initewan kuwikge inikut. Iniwan natake Ebrahamda undang kukut. Ngan. Anututane gen gwaamuke ita inane dak kep teke keu komdune kukut. Ita kepiapane kusika keu Anututa nae namunangge yakut komu zandang yuak ngangu dua natake kukut.

Hibru 5:9

Sike ita natdetdeu waaknga katak siknga take ita nindane waiaknganin sandetnimikge puya tasikut. Tasike ita aminu itane wamna tawamsa aminu kuupbam gatayamuke waiakngane sandewan wa aminda Anutuat gatake takekan asinggan asinggan yutningge puya tasikut.

Pas Jutda Matakut San 1:20

Siwan ngana notnabam. Ginda Anututane siakan wam takngae natapa kekeknga singgak kakngata buyambam siwikge tasinong. Tasike Waungga musipzaatang pukuke papan kekekake ginda tumuk wamu Anutue inindatapnong.

Pas Jutda Matakut San 1:3

Mate notnabam. Nata ginde musip gwaang natandamunggat. Sike nata wamu kundu musipmaatang natake matandamunangge take siknga natapbum. Anututa ninu kuupbam gatanimuke ninu waiakngane sukukumang kaknga sandetnimukut takngae natake nata wamu waakngae ginde matanangge natapbum. Natake yuwawa aminu Anutue masa imukaing aminu kunduta kusopuke apuke ninu Jesue aminabam dakngake yuamangge banakan katang akopbing. Akoke wamu gutonga aknga anzing yakaing. Sanga Anututa ninde butaya natanimuke waiaknganin sandetnimunggak kakngae gepbiatang yukengu ninda sanga musia enawan pasikaingu takngatu takngatu take tasinim ngang yakaing. Yake aminu waakwau masa Buyambam tapaninu Jesu Kraisde imukaing. Jesu waapa nindane toiknginu awia tapatukan. Sike wa aminda akoke yawa natake nata wamu tupa daninangge natapbum taknga teke ginda wa aminde gwautningge matandamunggat. Ginda siakan wamu Anututa ninu Jesue amina dakngake yuamang aminu kuupbamde gwa nimukut taknga gitna siknga pake yutnong. Sike aminu Anututane wam yakapsa aminda tupa siknga wamu takngatu aminu wa amin bingae natake mataking. Toknga pananga akngata yuyamunggak kakngae natake mataking.