Aposel 4:26 - Wantoat

²⁶ Keune nana amindane take akwakga enake amnangge unekan kuking. Buyambam takwakga unekan kuke Anutuat gatu aminu Anututa tapan Krais akgatanimuya apanin dakngake yuak kapaat kuut zipnangge paut tasiking,’ ngang wamu waaknga Devitda matakut.

Aposel 4:26 ပူးပေါင်းရင်းမြစ်များ

Lotutane Kap Taknga 2:1

Dasingge katum aminu dongu kuupbamdane nanata sanga yamandet taknga tasinangge natake yandekaing? Dasingge aminu waakwakga sanga sanga tasinangge natake wamu moo yandekaing?

Lotutane Kap Taknga 2:2

Kingu kepna kepna yuaingga amak tasinangge tandakngakaing. Tandakngake waaminda natdetdeu takngatukan natake Buyambam tapatane umana tasiwan maiwikge kepie tawakaing. Gatu aminu tapatu Anututa tasiwan ita aminu kuupbam kakuya tasiwik kapa dakngakuu, King yuaingga aminu waapatane umana kuut tasiwan maiwikge kepi tawakaing.

Wamu Takeaknga Lukga Matakut Taknga 4:18

“Anututane Waung Kapata kekekangaman nata wamu takeaknga sangaapana wena aminde yaniwitde na nanikut. Nanike anzing yaniwitde nanitewan kukum. Siwan kai wai siya aminu kaina take siningge yaniwit. Siwan take apata meya wam yaman pake yuaing amin gatayamuke sandeyama kuningge tasiwit.

Aposel 10:38

Wamu waaknga anzing, ‘Anututa Jesu Nasaret nana kateke Waung Takwakat kekeknga aknganaat kuut asimukut. Asiman yotna yotna kuke aminbam gatayamukut. Anutuat iat gatake yuke aminu Setenda pasiwan maikinga pasiwat takaking.’

Hibru 1:9

Gata sanga nomana akngae apbakngake sanga gutonga akngae asiknga bitanggayak. Unzingge Anutu, gatane Anutuka yuak kapata, gatane puya amin notdatane umana yapangenakut. Sike ngana ita ga tapan gata wa aminu kuupbam yapbike umanda buyambam siknga take asiknga baknganggayak,” ngang matakut.

Wamu Jonda Mia Kake Matakut San 11:15

Siwan nata nataawa angela katau kuut musa kautdu tapaaya ngangu pum pakingkat nana masan siknga apata pumna puyapan natapbum. Sike nata nataawa wamu kundu enandangu apaa anzing yanggamataking, “Nindane Buyambam tapanin gatu aminu ita tapan itane aminabam gatayamuke waiakngane sandekut tapaat ngangga aminu kepna kepna nana amin kayuaingu kuupbam pake waapaatda kekekake aminu waakwau asinggan asinggan akayuamayak,” ngang yaking.

Wamu Jonda Mia Kake Matakut San 12:10

Siwan nata nataawa wamu takngatuta enandangu apaa yanggamatake anzing yakut, “Nindane Anutuninda ninu waiakngane gwa sandekgak. Ngan. Ita kekeknga aknganane ninu ninduyuak. Iat gatu aminu ita tapan nin gatanimukuu wa umana Krais ngang inikamang kapaat ngangga kekeknga siknga yuke ninu ninduyuamayak. Ninduyuke waapaatda aminu wa wamu nindane notninde asinggan temapa yanggak kapa gwa inikwasitewat kuke enandangu teke kukut. Tupa waapata wa aminde wamu Anututane kaine kwakngaom gatu zikaane ngang asinggan asinggan temapa yakut.

Wamu Jonda Mia Kake Matakut San 17:17

Ngan. Anututa waakwakgane musia pangenawan waakwakga natdetdeu buya takngatukan natake Anutue banip tawake tasining. Tasike waakwau kaapzongu wagwende gepbiatang koyuke maya waapa tasiwa maiwikge tasiwawa kuku tapduu Anututa yawan yukut gwenda apik.