Aposel 18:6 - Wantoat

⁶ Unzing yaniwan ngana yake wamu wa asapdukngama yemi kaiknga atzipan pimambana anzing yanikut, “Ginu waiakngasae toknga pakengu gisae sanga. Nae sanga dua. Ge na apmanu aminu kepman nanae kuwit,” ngang yanikut.

Aposel 18:6 ပူးပေါင်းရင်းမြစ်များ

Matyu 10:14

“Sike aminu tapatuta ginu yotnane pakunangge apbitake ginde wamu dua natapanu you wagwen ba yotbamu wanggapma teke kuke yemi kaikza zipa pimapa kunong.

Matyu 21:41

anzing iniking, “Bania toknga siknga natake aminu wai waakwau yake atzipan kupa wain tapunde puya waanga aminu kundu buya detnanga tapduk gwene deke ie asimuningge yaman kayutning,” ngang iniking.

Matyu 21:43

“Unzingge nata daninggat. Anututa amin panangge tasinggak kaknga ginde kaiwan kundaman dongu Anututa kekeknga gepbiatang yutnanga akngatane puya pasiwa buya asaakgak takwakge ayamik,” ngang yanikut.

Matyu 22:10

Yaniwan natake amina kepiapane kuke aminu wai ba take ba unzakan aminu nanam naningge yaniwan unekan apbing. Apa maatna tapikge you akopbing gwenu akgitnakut.

Matyu 27:25

Yaniwan kuupbamda yake anzing iniking, “Ie dau nisae gatu nindane waaknginkatde apik,” ngang iniking.

Matyu 8:11

“Siakande daninggat. Aminbamu kaukaut yuaing amikat Ebrahapat Aisakat Jekopat ngang apuke uneken gatake yuke aminu Anututa papan itane aminabam dakngake yuaikat gatake yuke nanamu naning,” ngang yanikut.

Wamu Takeaknga Lukga Matakut Taknga 22:65

inike sapdut wamu takngatu takngatu inisapduking.

Wamu Takeaknga Lukga Matakut Taknga 9:5

“Sike ginu kuwa aminu you gapmandune nana aminda dua pakopanu you wanggapma teke kuyuk yemi kaikza zipa pimapa kake wai pasiyamumang ngang natake gwautning,” ngang yanikut.

Aposel 13:51

Yanikwasiwa kunangge tasike yemi kaiknga zipat pimapa Antiok peke uneta Aikoniam yot gapmane kukumayak.

Aposel 26:11

Sike you gapmanduine kuke miti yot gwene Jesue amina dakngaking aminu kundu undang yuwa kake asinggan asinggan tasiwa maiking. Unzing tasike Jesue inisapdutningge kwatanbam tasike musipma toknga siknga siwan zipmake pasiwa mainingge pasike you nisane kep komune yuaing gapma gapmane gatu you keu komduine yuaing gapma gapmane kuut kuke zipmake yukum.”

Aposel 26:20

Waakngakan tasike tupan siknga tuwanguke Damaskas you gwan kukum gapmane yuke aminu unenana gamok yanikum. Yanike uneta Jerusalem yot gapmane kuke aminu unenana amin yanikum. Jerusalemu nana yanikenga uneta you Judia kep komune yuaing gapma gapmane kuke gatu aminu kepman nana amin keu komduine nanaaya yanisukukum. Yanisukuke wamu anzing yanikum, ‘Ginu musipza tapa tekwamban waiaknga tawake tasikaing kakngae masa imuke Anutuekan kuwa puyuyok. Kuwa puyuwan kepi kayuk tawake Anutue gwa kuwa puyukut takngata anggaman siwikge tasinong,’ ngang yanisukukum.

Aposel 28:28

“Ge daniwa natapnong. Ginda unzing sapduwawa wamu wa matakut taknga buya unin aakgakge wamu wa Anututa ninu gatanimuke waiaknganin sandetnimik kaknga aminu kepman nana aminde Anututa gwan tewan kukutna apme natapning,” ngang yanikut.

Pas Polda Rom Nana Aminde Matayamukut San 3:29

Siwan asikaya ninu Judia nana aminda Anutue kuna take siwan ngana aminu keu komduine nana aminda ie kunanga dua ba dasing? Wena siknga. Aminu kuupbamda Anutue take kuning.

1 Timoti 5:22

Sike gata aminu tapatu Jesutane puya amina tapatu dakngawikge natake gata zetgaman ma tapim. Aho. Katak siknga usanzike natapi take siwanu gata take tapso. Sike gata natake aminu waiakngane sukunggak kapa katak dua usanzike zetgaman nata tapanu aminbamde kaine aminu waapatane waiakngana nae apsak ngang natapso. Natake gata gikae katak tanggwauke kepi nomana siknga tawake tasiyo.

2 Timoti 2:25

Yanindamuke aminu kunduta itane wamna sapdukngama kakengu ita wa amindane natdetdetna wepda papan nomatanong. Sike ita unzing tasiwanu Anututa wa aminu apba gatayaman musia tapa tekwamban siakan wamde katak siknga natapning.

1 Pita 4:14

Siwan apmaau ginda Kraisde gepbiatang yuke tasiwawa danduke aminu kunduta ginde atdanisapdukaing. Ngana Anututane Waungu umana enane siknga yuak kapata gikat gatake yuaingge natake ginda apbaknganing.

1 Pita 4:4

Siwan ngana apmanu ginu sanga waaknga gwa bitateke ginda katum amikat dua gatake sanga ginda tupa wai wa tasiking kaknga dua tasikaing. Ginda dua tasiwa danduke wa aminda ginde nangaakan natake danisapdukaing.