Aposel 15:2 - Wantoat

² Unzing yaniwa Polkat Banabaskatda bania zikaya siknga natayamat kumzang yanganuking. Yanganuke yatapa takawana yake Polkat Banabaskat gatu aminu kunduat ngang Jerusalem kopa Jesue kwiiknga aposel ngang yanikaikat gatu aminu Jesue puya kayuya aminu yukikat wamu waaknga yatapa takawikge yaking.

Aposel 15:2 ပူးပေါင်းရင်းမြစ်များ

Aposel 10:23

Iniwa natake Pitata yoan pakopbut. Pakoke zikaa wagwenu ita toiban peking. Ngang tembana enake aminu wa pekikat unekan gatake kuking. Kunangge tasiwawa you wanggapmane nana Jesue notna dakngaking amin kunduat iat gatake kuking.

Aposel 11:12

Apa Waung Takwanda anzing nanikut, ‘Gaat kunong. Nangaakan ma natapim,’ ngang naniwan notna Jesuat nana aminu katau kuut musa kautdune tapatu ngakatda gatake kukumang. Kuke aminu tapatu umana Konilias ngang inikinggane yotnaatang kopbumang.

Aposel 11:30

Yake unekan peke Banabaskat Solkatde yamuke yanipewa mani Jesuat nanatane tupan amin takwau Judia kep komune yuaingge paku yamukumayak.

Aposel 15:25

Natake ninu paut tasike wamu yatapna takawan aminu tapaaya pake yanipena ginde kusande gwa yakumang. Aminu wa tapaat notnin siknga Banabaskat Polkat ngangu yanipena kusande yakumang.

Aposel 15:27

Unzingge notnin siknga wa tapaat gatu Judas gatu Sailas ngangu ginde apningge yana yuaing. Judas gatu Sailas wa yanipena kusan tapaatda genaneta siknga danisan.

Aposel 15:4

Siwan yanitake kuku Jerusalem kundopbing. Kundopa aminu aposel ngang yanikaikat gatu aminu Jesue puya kayuya amin yukikat gatu moo amindaaya gaak wam yaniking. Unzing yaniwana Polkat Banabaskatda yanike sanga tapatu tapatu Anututa gatayaman pasikumayakge yanikumayak.

Aposel 16:4

Matangamuke take yot gapma gapmane kuke wamu tupa aminu aposel ngang yanikaking amikat gatu aminu akayuya amin yuaikatda aminu kepman nana amin yaniningge Jerusalem yawa kekekakut taknga Jesue banip siking aminu yaniking. Yanike wamu waaknga tawake yutningge yaniking.

Aposel 21:18

Papa pekumanga enake Jemsde kunangge tasina Pol kaya kuut nikat gatapan kukumang. Jems waapa take amin notnaat unekan gatake yuwawa kukumang.

1 Korin 1:1

Na Pol. Anututa ina banipda siwan natake yawan Jesu Kraisda na take itane kwiiknga dakngawitde na takut. Siwan aminu tapatu umana Sostenis ngang inikamang. Naat iat Jesue amina dakngake notna notna dakngake yuamak. Sike nitda pas asanu matake

2 Korin 11:5

Siwan ginda wa aminde apbakngake amin gwaang Jesutane kwiiknga dakngake apbing ngang nataaing. Ngana na. Nata wa aminde natake na dua napbiking ngang nataat.

Galasia 2:5

Akoke yawawa ngana ninda ginde natake wamu takeaknga ginda gwa paking kaknga tasiwa maiyak ngang natake kekekakumang.

Pas Jutda Matakut San 1:3

Mate notnabam. Nata ginde musip gwaang natandamunggat. Sike nata wamu kundu musipmaatang natake matandamunangge take siknga natapbum. Anututa ninu kuupbam gatanimuke ninu waiakngane sukukumang kaknga sandetnimukut takngae natake nata wamu waakngae ginde matanangge natapbum. Natake yuwawa aminu Anutue masa imukaing aminu kunduta kusopuke apuke ninu Jesue aminabam dakngake yuamangge banakan katang akopbing. Akoke wamu gutonga aknga anzing yakaing. Sanga Anututa ninde butaya natanimuke waiaknganin sandetnimunggak kakngae gepbiatang yukengu ninda sanga musia enawan pasikaingu takngatu takngatu take tasinim ngang yakaing. Yake aminu waakwau masa Buyambam tapaninu Jesu Kraisde imukaing. Jesu waapa nindane toiknginu awia tapatukan. Sike wa aminda akoke yawa natake nata wamu tupa daninangge natapbum taknga teke ginda wa aminde gwautningge matandamunggat. Ginda siakan wamu Anututa ninu Jesue amina dakngake yuamang aminu kuupbamde gwa nimukut taknga gitna siknga pake yutnong. Sike aminu Anututane wam yakapsa aminda tupa siknga wamu takngatu aminu wa amin bingae natake mataking. Toknga pananga akngata yuyamunggak kakngae natake mataking.